Si Jesukristo Mao ang Bahandi
Mubo nga mga Kinutlo
Above All [Labaw sa Tanan], ni Kelsy ug Jesse Lightweave
Ang Basahon ni Mormon nga propeta nga si Jacob mipasabot sa pagbaliwala o paghatag og ubos nga bili sa unsay anaa sa duol isip “pagtan-aw lapas sa tumong” [Jacob 4:14]. …
… Gikinahanglan natong magbantay batok niini nga kalagmitan aron makalikay kita nga atong mataligam-an si Jesukristo sa atong mga kinabuhi ug mapakyas sa pag-ila sa daghang panalangin nga iyang gitanyag kanato. Gikinahanglan nato Siya. … Kon kita sayop nga maghunahuna nga adunay panginahanglan alang sa usa ka butang nga labaw sa unsay Iyang gitanyag, kita molimod o mopagamay sa sakop ug gahom nga Siya maana sa atong mga kinabuhi. … Si Jesukristo mao ang atong bahandi.
Ang Manluluwas mihatag kanato og daghang paagi aron tuyo nga motutok Kaniya, lakip sa inadlaw nga kahigayonan sa paghinulsol. Usahay gihatagan nato og gamay nga bili kon unsa kamahinungdanon kining gitanyag nga panalangin. …
…Ang gibahandi nga mga panalangin sa sakramento anaa kanato sa matag higayon nga kita motambong og panagtigom sa sakramento. … Ang Espiritu Santo mopanalangin kanato sa Iyang makapalimpyo nga gahom aron nga kita kanunay nga makapabilin og kapasayloan sa atong mga sala, sa tanang higayon. …
Kon anaa nag-uban kanato ang Espiritu Santo, kita madasig ug magiyahan sa paghimo ug pagtuman sa ubang mga pakigsaad, sama niadtong atong gihimo diha sa mga templo. Ang pagbuhat sa ingon mopalawom sa atong relasyon sa Dios. … Ang atong pasalig nga motambong kinahanglan nga labing menos ingon ka lig-on kon ang templo duol sama kon kini layo.
… Kon kita mosalig sa propeta sa Dios dinhi sa yuta karon ug molihok sa iyang tambag, makakaplag kita og kalipay, ug kita usab mahimong maayo. Kita dili na kinahanglan nga mangita og lain pa.