Ang Gugma Gipamulong Dinhi
Mubo nga mga Kinutlo
Karon, atong ipamulong ang tulo ka pinulongan sa ebanghelyo sa gugma. …
Una, ang ebanghelyo sa pagkamahigalaon ug sa balaang pagtahod. …
Pinaagi sa pagkamahigalaon ug sa balaang pagtahod, ang atong sakramento ug ubang mga miting makatutok kang Jesukristo. …
… Buhaton nato nga kanunay nga maghisgot pinaagi sa mahigalaon ug matinahorong pasalamat sa buhat sa Dios ug sa himaya ug sa mga pasidungog, kaluoy, ug grasya ni Jesukristo ug sa Iyang maulaong sakripisyo.
Ikaduha, ang pinulongan sa ebanghelyo sa serbisyo ug sakripisyo. …
… Ang mga tawag sa pagserbisyo sa Ginoo ug sa usag usa dinhi sa Iyang Simbahan mohatag og oportunidad sa paglambo sa pagkamanggiluy-on, kapasidad, ug kamapaubsanon. …
… Atong maalimahan ang pagkasuod ug mabatokan ang pag-iyahay samtang regular kita nga mangalagad sa kinasingkasing sa matag usa nga panimalay. …
… Ang ilang maayong pagkaplano nga mga kalihokan makatabang sa tanan nga mobati nga adunay bili, nahisakop, ug gidapit sa paghimo og mapuslanong tahas. …
… Ang hugot nga pagtuo, serbisyo, ug sakripisyo mas mopaduol kanato ngadto sa atong Manluluwas. …
Ug kana modala kanato ngadto sa pinulongan sa ebanghelyo sa pagkahisakop sa pakigsaad. …
Si Jesukristo nagtanyag og mas maayo nga pamaagi—mga relasyon nga giugmad diha sa balaan nga pakigsaad, mas lig-on kay sa gapos sa kamatayon. Ang pagkahisakop sa pakigsaad sa Dios ug sa usag usa makaayo ug makabalaan kanato ug sa atong labing gipakabililhon nga mga relasyon. Sa tinuod, mas nakaila Siya kanato ug nagmahal kanato labaw pa kay sa atong pagkaila o paghigugma sa atong kaugalingon. Sa tinuod, kon atong ipakigsaad ang tibuok natong kaugalingon, kita mahimong mas labaw pa kay sa unsa kita karon. Ang gahom ug kaalam sa Dios makapanalangin kanato sa tanang maayo nga gasa, sa Iyang panahon ug paagi.