Raivotu ni Kaukauwa

iYaloyalo eso mai na bula i Jisu Karisito, na noda iVakabula kei na noda kaukauwa.

Ena Matamata ni Valetabu, mai vei Emin Zufulgarov

A lako mai ki vuravura o Jisu Karisito me vukei iko mo lesu tale vei Tamada Vakalomalagi. O Koya duadua ga a rawa ni cakava qo.

Kaci ni iVakavuvuli, mai vei Kelsy kei Jesse Lightweave

Dauveivakabulai, mai vei Michael Malm

Daulewa ni Waitui kei na Vuravura kei na Lomalagi, mai vei Rose Datoc Dall

“Koi Au ko Jisu Karisito na Luve ni Kalou. Au a bulia na lomalagi kei na vuravura. … Au a tiko vata kei na Tamada mai na ivakatekivu. Au sa tu vei Tamada, ka sa tu vei au ko Tamada; ka sa vakalagilagi na yacai Tamada ena vukuqu.”

3 Nifai 9:15

Karisito ena kedra maliwa na Vukavuka, mai vei J. Kirk Richards

“Au sa lako mai me rawa vei ira na bula, ia me rawa vakalevu sara.”

Joni 10:10

Na iMatai, mai vei Jared Barnes, lolomataka o Havenlight

“Oi au na sala, kei na vu ni dina, kei na vu ni bula: sa sega ni torovi Tamaqu walega e dua na tamata, ena vukuqu ga.”

Joni 14:6

Daumuri Jisu, mai vei Dan Burr, lolomataka o Havenlight

Jisu na kai Nasareci, mai vei Greg Collins

Kecisemani, mai vei Adam Abram

“O ira era sotava na ituvaki oqo e dodonu me ra nanuma tiko ni a sotava talega na iVakabula na mataqali mosi vakaoqo ia mai na Nona Veisorovaki, sa solia kina vei keda ko Koya na kaukauwa me da vorata rawa.”

Peresitedi Dallin H. Oaks, iMatai ni Daunivakasala ena Mataveiliutaki Taumada, “Na Cava sa Cakava na Noda iVakabula ena Vukuda?,” koniferedi raraba ni Epe. 2021 (Ensign se Liaona, Me 2021, 77).

Na kaukauwa i Jisu Karisito e vakabulai iko, vukei iko mo veisau, ka solia vei iko na kaukauwa mo vosota rawa na veivakatovolei.

Liutaki Au, mai vei Yongsung Kim, lolomataka o HavenLight

“Dou lako mai vei au koi kemudou vakaaduaga sa oca ka colata na icolacola bibi ia kau na vakacegui kemudou.

“Vakataqara vei kemudou na noqu ivua ka vuli vei au niu sa yalomalua ka yalo malumalumu dou na kunea kina na vakacegu ni yalomudou.

“Ni sa rawarawa na noqu ivua ka mamada na noqu icolacola.”

Maciu 11:28–30

Rarama kei na Bula, mai vei Mandy Jane Williams

“E taleitaka na iVakabula me vakalesuya mai na veika e sega ni rawa ni o vakalesuya; E taleitaka o Koya me vakamamacataka na mavoa e sega ni rawa ni o vakabula; E taleitaka me vakavinakataka na veika sa kavoro vakasauri; E sauma na veika e sega ni dodonu vei kemuni; ka sa dau taleitaka o Koya me vakavinakataka vakadua na yalo sa mai vorolaki.”

Elder Dale G. Renlund ena Kuoramu ni iApositolo Le Tinikarua, koniferedi raraba ni Epe. 2020 (Ensign se Liaona, Me 2020, 44).

Na Vukavuka Ka Kaya, “Vinaka Vakalevu,” mai vei Johm Steel

“Mo biuta vei Jiova na nomu icolacola bibi, ena tokoni iko ko koya.”

Same 55:22

Vuli mai Vua. Vakabauti Koya. Muri Koya. Na Nona kaukauwa e rawa ni tiko vata kei iko ena veigauna.

Wai ni Bula, mai vei Rose Datoc Dall

Kakua ni Tu Taudua, mai vei Sandy Frekleton, lolomataka o Havenlight

O Koya a Vakabulai Ira e Vuqa, mai vei J. Kirk Richards

“Au sega ni rawa niu cakava duadua, ka sega ni dodonu me vaka kina, kau na sega ni cakava duadua. Na digidigi meu vauci vua noqu iVakabula, o Jisu Karisito, ena veiyalayalati au sa vakayacora kei na Kalou, ‘Au sa rawata na ka kecega ena vukui Karisito o koya sa vakaukauwataki au’ [Filipai 4:13].”

Peresitedi Camille N. Johnson, Peresitedi Raraba ni iSoqosoqo ni Veivukei, koniferedi raraba ni Epe. 2023 (Ensign se Liaona, Me 2023, 82).

Qaqa, mai vei Kelsy kei Jesse Lightweave

“O Koya na rarama, na bula, kei na inuinui kei vuravura. E dodonu vinaka na Nona sala ka na laki cava ena marau ni bula oqo, kei na bula tawamudu ena bula sa bera mai. Me vakavinavinakataki na Kalou me baleta na isolisoli sega ni vakatauvatani rawa ni Luvena tabu.”

“Se Bula Na Karisito: Nodra iVakadinadina na iApositolo,” Gospel Library.

Raica na app ni Gospel Living ni vula oqo me baleta na ikuri ni cakacaka ni liga kei na vidio me baleta na bula ni iVakabula.