Itok, Ļoor Eō
Koortokjān Raan ko Am̧
Kwoj kōņaan ke kar mour ilo tōre ko jem̧aan? Ekwe, jab.
Kōmeļeļe eo jān Alyssa Petersen
Kwōnan̄in ke kar ļōmņak kōn mour eo am̧ enaaj kar pidodoļo̧k ak em̧m̧anļo̧k eļan̄n̄e kwon kar ļotak ilo jet iien m̧oktaļo̧k? Ro jet rekar en̄jake wāween in m̧okta—aaet juon rikanaan, juon kōttan.
Rikanaan Nipai (ilo bok in Hilamōn) ekar loe kiblia in jerawiwi an armej ro an im kar lam̧ōj: “O, in kar lo raan ko aō ilo raan ko an jema Nipai ke eaar diwōjtok jān Jerusalem, … — … innām buruō en kar m̧ōņōņō” (Hilamōn7:7–8).
Ekar pen an mour ilo tōre eo an. Ilo jem̧ļo̧kin, aaet ekar aikuj jelm̧ae m̧ool eo: “Ak… erkein raan ko aō,” (Hilamōn 7:9).
Raan ko Am̧
Erkein rej raan ko am̧. Remaron̄ kwaļo̧k apan̄ ko, ak remaron̄ barāinwōt lewaj iien ko rem̧m̧an. N̄an waanjon̄ak, ilo raan ko am̧, kwomaron̄:
-
Aintok Israel jān jim̧or turājet ko ruo an rōn̄ōļ eo “En̄in ej men eo eaorōktata ej bōk jikin ilo laļ in rainin.” Elōn̄ wāween ko am̧ n̄an kwaļo̧k gospel eo im karuwaineneik ro jet n̄an kepaakļo̧k Jisōs Kraist im Kabun̄ eo An. Kwomaron̄ jipan̄ pukot rūtto ro jibū im jim̧aan ilo elōn̄ wāween ko im jipan̄ ro otemjej raar mej bōk kain̄i ko ilo tampeļ eo.
-
Kōjerbal kein jerbal ko raan kein ilo wāween ko rem̧m̧an. Kwolukkuun obrak kōn kapāāl n̄an kwaļo̧k n̄an laļ in wāween an kein jerbal ko raan kein maron̄ kōjerbali n̄an men ko rem̧m̧an.
-
Jutak ņae kōjdat, kakkure, im jepelļo̧k. Ilo an men kein renana kōnan̄inmej laļ in ad, kwomaron̄ kwaļo̧k juon wāween em̧m̧anļo̧k—wāween eo an Rilo̧mo̧o̧r eo kōn jouj, tūriam̧o, kōm̧m̧an aenōm̧m̧an, im iakwe.
-
Kwon jokwōn wōt juon ilo juon laļ ekapokpok. Ilo ami tiljek n̄an Jisōs Kraist, gospel eo An, im Kabun̄ eo An, Irooj enaaj kōjeraam̧m̧an eok, im ro jet renaaj reiwaj n̄an waanjon̄ak eo am̧ ilo lan̄ ko an mour in.
Kabwilōn̄lōn̄ ko Am̧
Ekar jab aolep iien pidodo n̄an Nipai, ak ekar pād ijo (im iien eo) im Irooj ekar aikuji bwe en erom. Ekar tiljek. Āinwōt juon tōprak, ekar lo kabwilōn̄lōn̄ ko im menin bwilōn̄ ko ilo raan ko an im kar kotak jān Irooj. (Lale Hilamōn 7–16.)
Kwomaron̄ loe kabwilōn̄lōn̄ ko am̧ make im menin bwilōn̄ ko ilo am̧ tiljek ilo raan ko am̧.