Mijak in Ukweļo̧k?

Jessica Zoey Strong

Māākijiin ko an Kabun̄ in

Ekkar n̄an Būreejtōn Russell M. Nelson, en̄in ej etke kwoj jab aikuj.

Ta eo kwoj mijak kake? Rollercoaster ko? Kūlaaj in bōnbōn? Kajjieon̄ in meļeļe Aiseia?

Ak ukweļo̧k? Eļan̄n̄e ļōmņak eo kōn ukweļo̧k ej kōm̧m̧an am̧ kōņaan tileekek ium̧win kōbar ko ak ļap am̧ m̧ōn̄ā chocolate, bwebwenato in ej kōn kwe.

“Jouj im jab mijak ak to̧rto̧re m̧aanļo̧k ukweļo̧k,” Būreejtōn Russell M. Nelson ekar ba. Im kōn un eo em̧m̧an. Erkein rej jet men ko me ukweļo̧k ej im ejjab, ekkar n̄an Būreejtōn Nelson.

Kōmeļeļe ko jān Corey Egbert

Ukweļo̧k ej: N̄an aolep.

Ukweļo̧k EJJAB: Wōt n̄an “armej” ro renana.

“‘Aolep armej rej aikuj ke ukweļo̧k?’ Uwaak eo ej aaet.”

“Ukweļo̧k ej mennin aikuj an aolep armej rejeļā bōk eddoier make ro rej kōņaan aiboojoj eo n̄an indeeo. Ejjeļo̧k bar kālet. … Ukweļo̧k ej kii eo n̄an eddōkļo̧k.”

Ukweļo̧k ej: Juon wāween em̧m̧anļo̧k aolep raan.

Ukweļo̧k EJJAB: juon m̧akūtkūt ejeja n̄an wōt “jerawiwi ko” reļļap.

“En̄jake kajoor in kajoorļo̧k eo an ukweļo̧k aolep raan—jān kōm̧m̧an im maron̄ kōm̧m̧an em̧m̧anļo̧k jidik kajjojo raan.

“N̄e jej kāālet n̄an ukweļo̧k, jej kāālet n̄an oktak! Jej kōtļo̧k an Rilo̧mo̧o̧r eo ukōt kōj n̄an juon nememe eo em̧m̧anļo̧k ad make. …

“… Irooj ejjab kōtmāne wāppen jān kōj ilo wāween in ilo ad eddōkļo̧k n̄an indeeo. Ak Ej kōtmāne bwe en ļapļo̧k ad erreoļo̧k.”

Ukweļo̧k ej: Juon wāween n̄an en̄jake aenōm̧m̧an im lan̄lōn̄.

Ukweļo̧k EJJAB: Pād ijeņ n̄an kōm̧m̧an am̧ jook im mijak.

“Ukweļo̧k … ej kii eo n̄an lem̧ōņōņō im aenōm̧m̧an ilo kōļmenļo̧kjeņ. …

“N̄e jej kālet n̄an ukweļo̧k, … jej kālet n̄an eddōkļo̧k ilo jetōb im bōk lan̄lōn̄—lan̄lōn̄ eo jān pinmuur ilo [Jisōs Kraist].” (Barāinwōt lale Alma 36:17–23.)

Ukweļo̧k ej: Juon kōjeraam̧m̧an jān Jemedwōj Ilan̄ im Rilo̧mo̧o̧r, ro rej iakwe kōj.

Ukweļo̧k EJJAB: Juon kaje.

“Ebooļ armej ro rej ļōmņak ukweļo̧k ej āinwōt kaje—juon men eo kajekdo̧o̧ne ijjelo̧kin wōt n̄e jekjek ko reļļap. Ak en̄jake in kōn kaje ej kōm̧m̧an jān Setan. Ej kajjieon̄ kabōjrak kōj jān ad reilo̧k n̄an Jisōs Kraist, eo ej jutak kōn pā ko reppeļļo̧k, kōjatdikdik im m̧ōņōņō n̄an kōmour, jeorļo̧k bōd, karreo, kōkajoorļo̧k, karreo, im kokwojarjare kōj.”

Kwoj: Aikuj ilo Kabun̄ eo an Irooj.

Kwoj JAB: Ettoļo̧k n̄an ukweļo̧k.

“Eļan̄n̄e bōlen kwoj en̄jake ke kwaar emakūt jān iaļ in bujen eo lukkun ettoļo̧k ak lukkuun aetok, kōm̧m̧an bwe in ba n̄an eok bwe ejjab m̧ool. Kōn Pinmuur eo an Jisōs Kraist, ilju im jekļaj eo am̧ emaron̄ em̧m̧an—aaet aiboojoj. Kōnono ippān ro jinōm̧ im jemōm̧ im bisop eo am̧ ak branch būreejtōn eo. … Jouj, ro̧o̧ltok n̄an lan̄lōn̄ eo im kōjparok an iaļen bujen eo. Kōm̧ij aikuji eok ippām̧.”

Bōke Mennin Letok Eo Ewājabdik an Anij

Kōn menin, kwopojak ke n̄an lōke Rilo̧mo̧o̧r eo n̄an anjo̧ jān am̧ mijak in ukweļo̧k? Kwoj jab maron̄ in ajļo̧ke.

Būreejtōn Nelson ej ba: “Kōnke laļ in ej aikuj lo̧mo̧o̧r, im kōnke kwe im n̄a aikuji lo̧mo̧o̧r [Jemedwōj Ilan̄] ekar jilkintok n̄an kōj juon Rilo̧mo̧o̧r.

“… Jen bōk mennin letok eo eaiboojoj im wāppen an Anij. Jen joļo̧k eddo ko ad im jerawiwi ko ilo im̧aan neen Rilo̧mo̧o̧r eo im en̄jake lan̄lōn̄ eo me ej itok jān ukweļo̧k im oktak.”

Kakeememej ko

1. Russell M. Nelson, “Kajoor in Jetōb eo ej Im̧we Jerbal eo,” Epr. 2022 kweilo̧k eo eļap (Liaona, Māe 2022, 98).

2. Russell M. Nelson, “Jemaron̄ Kōm̧m̧an Em̧m̧anļo̧k im Maron̄ Em̧m̧anļo̧k,” Epr. 2019 kweilo̧k eo eļap (Ensign ak Liaona, Māe 2019, 67).

3. Russell M. Nelson, “Kajoor in Jetōb eo ej Im̧we Jerbal eo” (98).

4. Russell M. Nelson, “Jemaron̄ Kōm̧m̧an Em̧m̧anļo̧k im Maron̄ Em̧m̧anļo̧k” (67–68).

5. Russell M. Nelson, “Jemaron̄ Kōm̧m̧an Em̧m̧anļo̧k im Maron̄ Em̧m̧anļo̧k” (67).

6. Russell M. Nelson, “Jemaron̄ Kōm̧m̧an Em̧m̧anļo̧k im Maron̄ Em̧m̧anļo̧k” (67).

7. Russell M. Nelson, ilo “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.