Kajju n̄an Meļeļe eo

Kabun̄ in ej ke kea kake kien ko im kien eo ioļap?

Kien ko im kien eo ioļap rej jelet mour ko ad, ekoba ad maron̄ in kabun̄jar, im Kabun̄ eo an Jisōs Kraist im Armej ro Rekwojarjar ilo Raan Ko Āliktata ej rōjan̄ membōr ro an n̄an bōk koņaer ippāer. Kōn rikanaan ro An, Irooj ekar letok n̄an kōj pedped in katak ko rem̧ool, im ej ad wōj kajjojo pepe n̄an kōjerbali pedped kein ilo jekjek ko roktak an mour ko ad, ekoba ilo ad bōk koņaad ilo kien ko im kien eo ioļap. Jikin ko roktak ewōr kakien ko roktak ie, im Kabun̄ in ej rōjan̄ kōj n̄an ad bōk koņaad ie ijoke n̄e jemaron̄.

Kabun̄ in make ejjab rie jabdewōt bade ko ilo kien, unin tōl in iktōltōl ko aer, ak rijibarek ro. Ej pād ilo an jab jipan̄ jabdewōt bade. Im Kabun̄ in ejjab jiron̄ kōj wāween ad bout. Ej baj kakeememej kōj bwe Irooj ekar jiron̄ kōj n̄an pukotļo̧k im leļo̧k jipan̄ n̄an ritōl ro rej m̧ool, em̧m̧an, im māletlet (lale Katak im Bujen Ko 98:10). Im ej jet iien kōm̧m̧an ennaan ko rejelet aolep armej kōn unin kōnono ko raorōk an kien n̄an unin kōnono ko kōn mour erreo ak imminene ko an Kabun̄ in.

Kabun̄ in ej barāinwōt rōjan̄ membōr ro an n̄an jipan̄ jukjukin pād ko aer kōn jikin ko rem̧m̧an n̄an jokwe im karūttoļo̧k baam̧le ko. Elōn̄ wāween ko rem̧m̧an jemaron̄ bōk koņaad ie n̄an jipan̄ kōkōm̧anm̧anļo̧k men ko jabdewōt jikin jej pād ie.

Lale Bok in Meļeļe, 38.8.30, Gospel Library; Laajrak in Tōmak ko 1:11–12.