Mo Le Malosi o le Autalavou
Tama ma Teine: Faamasani i le Tasi ma le Isi
Oketopa 2024

O Iesu Keriso O Lou Malosiaga Lea

Tama ma Teine: Faamasani i le Tasi ma le Isi

Saunia e David Dickson ma David A. Edwards

Mekasini a le Ekalesia

Pe o e fememea’i ona o le isi itupa? Fia iloa atili? Fefe? Faamoemoe lelei ma le faaeteete, e faapea o le a mafai ona ausia se tulaga masani o sootaga? Faitau pea.

teine ma tama

O ata na tusia e Katy Dockrill

I le amataga, na tuu ai e le Atua le alii ma le fafine i luga o le fogaeleele (tagai i le Kenese 1:27). Ma talu mai lena taimi, sa … manaia.

Mo tagata talavou, o le iloaina o tagata o le itupa faafeagai e mafai i nisi taimi ona lagona ai le fenumiai, fefe, fiafia, le mailoa, taufaafefe, faagaeetia—atonu i le taimi e tasi. O le tulaga lava lena e i ai. Ae o loo i ai nisi o tulaga faaleaganuu i le lalolagi i aso nei ua atili ai ona ese a.

Agai i Luma, Ae Lē o le Ese A

Sa matou fesili atu i le autalavou i le salafa o le lalolagi e uiga i auala e faamasani ai tama ma teineiti i le tasi ma le isi, faapea foi faafitauli latou te feagai ai ao faia lenei tulaga. Vaai i le faamatalaga lenei mai se tamaitai talavou i Aferika i Saute pe o se vaega e masani ona e faalogo i ai:

“I nei aso ma nei tausaga, e toetoe lava e peiseai e le mafai ona toe i ai ni au faauooga. Afai e i ai se fegaleglaeaiga i se alii ma se tamaita’i, e vave lava ona manatu tagata o loo i ai se mea o tupu. E ese le faatupu ita o le taumafai e faatumauina se faauooga aemaise lava pe a o uunaia pea oe e tagata e liliu lena tulaga i se mea e sili atu.”

Sa faaupuina e se isi talavou lena mea e faapea:

“Pe a talanoa se tamaitiiti ma se teine, e manatu lava tagata ua tafafao faamasani i la’ua.”

E mafai ona matou tuuina atu nisi faataitaiga (e tele naua) mai le salafa o le kelope o le autalavou i lenei lava auega e tasi. Ae e le na o le pau lena o le faafitauli o lo’o tupu. Mo se faataitaiga:

  • O vaega faatekinolosi ma ala o faasalalauga faaagafesootai e faafaigofie ai fesootaiga i nisi o auala ae ua faafaigata atili ai le fatuina o ni faauoga moni i isi auala.

  • O le faaitiitia o le faatuatuaina i le lalolagi atoa ua fai ma mea e faaeteete ai tagata i isi ma o latou faamoemoega. Mo se faataitaiga, e masani ona ta’u mai e tama ia i tatou e faigata ia i latou ona faaali na o le fiafia i se teineitiiti, e aunoa ma le mafaufau pe o le a faauiga seseina ma faaigoaina ai i latou o ni “tagata amioleaga.”

O nei mea uma e faia ai soo se taumafaiga mo se faauoga ma tagata o le isi itupa o se mea e ese lava. Ma o le mea moni lava—ua leva lava ona i ai i se tulaga faigata lenei mea.

Mo le toatele o le autalavou, o le auala faigofie lava o le aloese mai le isi itupa seia oo i se taimi mulimuli ane i le olaga. O se mea o le a avea ma se faalavelave. Afai e te vavaeeseina oe lava mai le tusa ma le afa o tagata, atonu o le a e le maua ni faauoga taua. Ma o le a latou le maua foi le avanoa e iloaina ai foi oe.

Na saunoa mai Tamara W. Runia, Fesoasoani Muamua i le Au Peresitene Aoao o Tamaitai Talavou, “E taua tele le fesootaiga. Tulei i tua na lagona e pei e ese lava ma talanoa i le toatele o tagata (e aofia ai i latou i le isi itupa!). Ia avea ma tagata muamua e ataata ma fai atu talofa.”

Na faaluaina e Bradley R. Wilcox, o le Fesoasoani Muamua i le Au Peresitene Aoao o Alii Talavou: “Aua le popole tele i manatu o isi tagata,” o lana tala lea. “O le auala sili e lagona ai le fiafia ma faia ni uo o le faatino lea. Aua le faatali mo se isi tagata e fai mai talofa ma amata se talanoaga. O le a tuputupu ae lou talitonuga mautinoa a o e suia lou fefe i mea e mafaufau i ai isi tagata i le faatuatua i manatu o le Atua.”

O Le a Le Tala a le Taiala?

Laki mo oe, o le taiala Mo le Malosi o le Autalavou o loo i ai lenei fautuaga musuia:

faauooga faamaoni

O faauooga faamaoni (faatasi ai ma teineiti ma tama) e maloloina ma tauia. E faavae i luga o se fiafiaga moni mo se tasi, faapea foi le faamaoni, faatuatuaina, ma le faaaloalo. E tele foi ina le tupu i se taimi vave. O faauooga faamaoni e fausia—i le tasi le laa i le taimi.

tagata e toatele

E le manaomia ona i ai ni uo se tele, ae e le tatau ona e faatapulaaina oe lava pe a mafaufau po o ai e te ono faauo i ai. Na aoao Peresitene Russell M. Nelson, “I aso taitasi o lou olaga, taumafai e faateleina lau lava li’o o le faauooga.” Ou te toe fai atu—e mafai ona faauo i tama ma teine.

gaioioiga faafiafia lelei a vaega

I le tele o nofoaga i le lalolagi, e mafai e se vaega o tama ma teine ona potopoto faatasi ia maua le fiafia i le faia o mea e fiafia i ai tagata uma, e aunoa ma se tulaga lamatia i le faaletino pe faaleagaga. E mafai ona avea lenei mea o se auala sili e faamasani ai i le toatele o tagata eseese. Ua fai mai le autalavou i le lalolagi atoa o gaoioiga a le Ekalesia, i Aso Sa ma i le aluga o le vaiaso, o nisi ia o auala sili e amata ai.

gaoioiga taitoatasi

O se tamaitiiti e toatasi ma se teineitiiti e toatasi e fuafua e fai paga faatasi mo se gaoioiga e manaomia ai sina faatagata matua. E sili lava le faatali seia oo i le 16, e pei ona fai mai ai le taiala.

sootaga faapitoa

Po o le a lava le ta’u e te ta’uina ai, o se sootaga faapitoa e matuai faamemelo lava i ai e mo i latou o loo i ai i se tulaga ua mafaufau loloto e uiga i le faaipoipoga. A o lei oo i lena tulaga, e le fetaui ma e na o le valaauliaina ai o tulaga lamatia faalelagona ma faaleagaga. Ia avea lou talavou o se mea fiafia, e le tumu i feeseeseaiga ma faaosoosoga.

faaalu le taimi

O le i ai faatasi ma tagata ma fegalegaleai ma i latou taitoatasi e taua ma maloloina (tagai i le Mo Le Malosi o le Autalavou: O Se Taiala mo le Faia o Filifiliga, 19).

o i latou e fesoasoani ia te oe e tausia au tautinoga ia Iesu Keriso.

O tagata nei atonu o ni tagata o le Ekalesia pe le o ni tagata foi o le Ekalesia ma e faaaloalo ia te oe ma ou talitonuga ma tulaga faatonuina. O tagata nei e le faatosinaina pe faamalosia oe e fai ni mea sese.

E I Ai Se Fautuaga?

O le iloaina o tagata le isi itupa atonu e foliga mata’utia, atonu e lagonaina e ese lava, ae e taua taumafaiga uma. O ni nai mafaufauga faaiu nei ma ni vaega taua mai le autalavou i le salafa o le lalolagi.

  • “E le tatau ona tatou fefefe e faamasani le tasi i le isi.”

  • “E mafai ona ou maua ni uo ma alofa ia i latou e aunoa ma le alofa ia i latou i tulaga o mafutaga faaleuo. O nei sootaga e fesoasoani foi ia i tatou e maua ai se uo faatuatuaina po o se tasi e liliu atu i ai i se taimi o mafatiaga.”

  • “O le mea e tasi e foliga mai e fesoasoani o le alu lea i gaoioiga i fafo atu o o tatou fale lea tatou te feiloai ai ma faamasani atili ai le tasi i le isi.”

  • “Ou te talitonu o le taumafai e fesootai i se lotu, aoga, po o se faatulagaga faaleāiga atonu e faigofie atu ona e i ai lava pea se mea e aumaia faatasi ai i tatou.”

  • “Ua ou maua le olioli i le fiafia i mea lava e tasi lea e fiafia i ai se tasi mai le isi itupa.”