O Aoaoga Autu o le Talalelei

Avea ma Se Vaega o le Olaga o se Tasi

Saunia e Kate Stewart

Mekasini a le Ekalesia

Mulimuli i le faataitaiga a Keriso e auauna atu ma le alofa.

O le a le auaunaga, ma e faape’i ona foliga moni lava? Ia, o se tasi o auala e mafaufau ai i le auaunaga o le faapea lea o loo e mulimuli i le faataitaiga a Keriso ia alofa, siitia, ma auauna atu i isi. O le auaunaga e foliga mai e pei lava o le avea ma se vaega o le olaga o se tasi!

I le avea ai ma soo o Iesu Keriso, ua tatou maua le avanoa e mulimuli ai i Lana faataitaiga. I le taimi o Lana galuega i le olaga nei, sa faamanuiaina ai e le Faaola ma le agaga tatalo, taitoatasi, ma matuai faamanuiaina ai olaga o le faitau afe o tagata. E faapena foi, i o tatou aso, o tofiga faaleauaunaga e mafai ai ona tatou faamanuiaina i latou o siomiaina i tatou, e masani lava ona taitoatasi i le taimi, i le ala na Ia faia ai. O le auaunaga e fesoasoani tatou te fesootai atili ai ma isi ma Iesu Keriso.

E le afaina pe afai e te lagona le popole, faatuai, pe le mautonu i le auala e mafai ona e auauna atu ai i se tasi. O le a faalauteleina e Keriso au taumafaiga. Manaomia ni fautuaga i le mea e amata ai? Siaki le lisi lenei.

Manaomia ni fautuaga? O nisi nei o mea faigofie e 10 e mafai ona e faia e te auauna atu ai i isi.

Tatalo mo i latou.
Auina atu se feau tusitusia faaleuo.
Fesili atu e uiga ia latou mea e faapasi ai le taimi ma mea e fiafia i ai.
Tusi se kata po o se tusi.
Valaau e siaki po o a mai lo latou aso.
Valaaulia i latou e auai i se gaoioiga faatasi ma oe.
Aumai ia i latou a latou meaai e fiafia i ai.
Faasoa atu musika musuia pe faagaeetia.
Nonofo ma talanoa ma i latou i le aoga po o le lotu.
Saili mo avanoa e auauna atu ai ia i latou ma o latou aiga.

I le aluga o taimi, o le a e iloa ai o le alofa, siitiaina, ma le auauna atu i isi e fesoasoani moni lava ia te oe e avea ai o se vaega o o latou olaga!