Fesootai
Chien-Hsun C.
15, Aai o Taouani, Taiuani
Ata na pueina e Zhiyang Tsai
O talavou i Taiuani e tatau ona ala i luga i le 5:00 i le taeao e o i le seminare i le 5:30. O se luitau tele lenei mo a’u aua e tele au suega ma meaaoga. O lea sa masani ona ou tuai ai mo le seminare. I le taimi muamua, sa ou tuuaia le Ekalesia mo le vave tele ona ou ala i luga. Ae na fautuaina au e ou matua e tatalo ma ole atu i le Tama Faalelagi mo se fesoasoani.
I le taimi muamua, sa ou manatu e le mafai ona fesoasoani mai le Tama Faalelagi ia te a’u. Ae i se tasi po sa ou tootuli ai i tafatafa o le moega ma tatalo, ma ole atu i le Atua e fesoasoani mai ia te a’u ia maua le mafuaaga sa le mafai ai ona lava la’u moe. Ina ua mavae lena, sa ou iloiloina la’u faiga masani. Sa ou vaaia sa ou faamaimauina le tele o taimi ae ou te lei moe.
O lea la ua ou taumafai e vave moe. Ou te tatalo a o lei moe, e faafetai ai i le Atua mo le tuuina mai ia te a’u o le fiafia ma le filemu ma mo le taitaiga a le Agaga Paia.