Fakafehokotaki
Chien-Hsun C.
15, Taouani Siti, Taiuani
Faitaaʻi ʻe Zhiyang Tsai
Kuo pau ke ʻā e toʻu tupu ʻi Taiuaní he 5:00 pongipongi ke ʻalu ki he seminelí he 5:30. Ko ha pole faingataʻa ʻaupito ʻeni kiate au he ʻoku lahi ʻeku ngaahi siví mo e ngāue fakaako mei ʻapí. Ko ia ne u faʻa tōmui ki he seminelí. ʻI he kamatá, naʻá ku tukuakiʻi ʻa e Siasí ʻi heʻeku ʻā pongipongiá. Ka naʻe faleʻi au ʻe heʻeku ongomātuʻá ke u lotu ʻo kole tokoni ki he Tamai Hēvaní.
ʻI he kamatá, naʻá ku fakakaukau he ʻikai lava ʻa e Tamai Hēvaní ʻo tokoniʻi au. Ka ʻi ha pō ʻe taha ne u tūʻulutui he veʻe mohengá ʻo lotu, ʻo kole ki he ʻOtuá ke tokoni mai ke u ʻilo ʻa e ʻuhinga naʻe ʻikai ke u lava ai ʻo mohé. Hili iá, naʻá ku toe vakaiʻi ʻeku founga angamahení. Naʻá ku fakatokangaʻi naʻá ku fakamoleki ha taimi lahi kimuʻa peá u mohé.
ʻOku ou feinga he taimí ni ke u mohe efiafia ange. ʻOku ou lotu kimuʻa peá u mohé, ʻo fakafetaʻi ki he ʻOtuá ʻi heʻene foaki mai ʻa e fiefiá mo e nongá pea mo e tataki ʻa e Laumālie Māʻoniʻoní.