O Upu e Ola Ai

O Se OlioliMaualuga Atu

Saunia e Elder Dieter F. Uchtdorf

O Le Korama a Aposetolo e Toasefululua

Na oo ia te a’u se aafiaga o le tafa o ata o le mamalu na faatumulia ai le loto i le olioli. Ua ou iloaina mo a’u lava ia o lenei talitonuga filemu e sau mai le mulimuli i le Faaola ma savali i Ona Ala.

E tuuina mai e le Atua se olioli e sili atu nai lo soo se mea e ofoina mai e lenei lalolagi. O le olioli lea e onosaia le lotonutimomoia, e talepeina faanoanoaga, ma faaitiitia le lagona tuuatoatasi.

A O E Sailia le Olioli, Ia Iloa:

• O luitau faalemafaufau ma faalelagona e moni. Mo nisi tagata, o le mauaina o le olioli e ono aofia ai le sailia o se fesoasoani mai tagata tomai faapitoa i le soifua mālōlōina o le mafaufau.

• O le lagonaina o le faanoanoa e le o se faailoga o le toilalo. I lenei olaga, o le measili, o le olioli ma le faanoanoa o ni soa e le mafai ona tuueseeseina.

Valaaulia e Maua Ai le Olioli

1. Faaalu le taimi i se taumafaiga faamaoni ma le loto atoa ia faalatalata atu i le Atua.

2. Saili mo le olioli. Saili ma le filiga i aso uma mo ni taimi faapitoa o le faamoemoe, filemu, ma le olioli.

3. Avatu le olioli i isi o loo siomia oe. E mafai ona e taumafai e:

   • Tatalo mo se tasi

   • Tuuina atu o se faamālō faamaoni.

   • Fesoasoani i se tasi ia lagoina le taliaina ma le alofagia.

   • Faasoaina atu o se mau e sili ona fiafia i ai ma lona uiga ia te oe.

   • Faalogo

A o e taliaina nei valaaulia, o le a e mauaina “le filemu mai le Atua, e silisili i manatu uma lava,” e oo lava i le lotolotoi o faanoanoaga.

Na sii mai i se lauga o le konafesi aoao o Aperila 2024.