Ngaahi Lea ke Moʻui ʻAkí

Ko ha Fiefia Māʻolunga Ange

Fai ʻe ʻEletā Dieter F. Uchtdorf

ʻO e Kōlomu ʻo e Kau ʻAposetolo ʻe Toko Hongofulu Mā Uá

Kuó u aʻusia tonu ʻa e kamataʻanga nāunauʻia ʻokú ne fakafonu ʻa e laumālié ʻaki ʻa e fiefiá. Kuó u ʻilo ʻiate au pē ko e nonga ʻi he loto-falala ko ʻení ʻoku maʻu ia ʻi he muimui ki he Fakamoʻuí mo ʻaʻeva ʻi Hono Halá.

ʻOku ʻomi ʻe he ʻOtuá ha fiefia ʻoku mahulu hake ʻi ha faʻahinga meʻa pē ʻoku foaki ʻe he māmani ko ʻení. Ko ha fiefia ia ʻokú ne kātekina ʻa e loto-mamahí, fakanonga ʻa e mamahí mo fakasiʻisiʻi ʻa e ongoʻi tuenoá.

ʻI Hoʻo Fekumi ki he Fiefiá, ʻIloʻi ʻOku:

• ʻOku moʻoni ʻa e ngaahi faingataʻa fakaʻatamai mo fakaelotó. Ki ha kakai ʻe niʻihi, ʻe lava ke kau ʻi hono maʻu ʻo e fiefiá ʻa e fekumi ki ha tokoni mei ha kau mataotao ʻi he moʻui lelei fakaeʻatamaí.

• Ko e ongoʻi loto-mamahí ʻoku ʻikai ko ha fakaʻilonga ia ʻo e ʻikai ke lavameʻá. ʻI he moʻui ko ʻení, ʻoku fehokotaki vāofi ʻa e fiefiá mo e mamahí.

Ngaahi Fakaafe ke Maʻu ʻa e Fiefiá

1. Fakaʻaongaʻi ho taimí ʻi ha ngāue fakamātoato ʻaki ʻa e kotoa ho lotó ke ke ʻunuʻunu ke ofi ki he ʻOtuá.

2. Fekumi ki ai. Fekumi faivelenga ki he fanga kiʻi momeniti fakaʻaho ʻo e ʻamanaki leleí, nongá mo e fiefiá.

3. ʻOatu ʻa e fiefiá ki he niʻihi ʻoku mou feohí. Te ke ala ʻahiʻahi e:

   • Lotua ha taha.

   • Fai ha fakahīkihiki ʻi he loto moʻoni.

   • Tokoniʻi ha taha ke ne ongoʻi ʻoku talitali lelei mo ʻofaʻi ia.

   • Vahevahe ha potufolofola manako mo hono ʻuhinga kiate koé.

   • Fakafanongo.

ʻI hoʻo tali e ngaahi fakaafe ko ʻení, te ke aʻusia ai ʻa e “melino ʻo e ʻOtuá, ʻa ia ʻoku lahi hake ʻaupito ʻi he faʻa ʻiloá,” ʻo aʻu ai pē ki he lotolotonga ʻo e ngaahi mamahí.

Toʻo mei ha lea ʻi he konifelenisi lahi ʻo ʻEpeleli 2024.