“Era na Tu ena Mata ni Kalou na Mate,” Me iSakisaki ni iTabagone, Tise. 2023.
iTukutuku Vakavula ni Me iSakisaki ni iTabagone Tiseba 2023
Era na Tu ena mata ni Kalou ko ira na Mate
Ena nona ivakatakila, a raica kina o Joni na iOtioti ni Veilewai.
E Lako Tale Mai me Vakatulewa ka Veiliutaki, mai vei Mary R.Sauer
ko ira na mate, na tamata lalai kei na turaga, era sa tu ena mata ni Kalou
Na kaukauwa ni Tucaketale i Jisu Karisito e kauti ira kece mai na tamata ki na iserau ni Kalou me ra lewai (raica na Alama 11:42–44; 33:22; 40:21; Ilamani 14:15–17; Momani 9:13–14).
a sa tevuki na ivola e so
Na ivola eso oqo e matataka na itukutuku ka maroroi tu e vuravura me baleta na veika era cakava na tamata e vuravura me ra muria na salatu ni veiyalayalati (raica na Vunau kei na Veiyalayalati 128:7).
Na ivola ni bula
“Ena dua na kena vakasama na iVola ni Bula sai koya na isoqoni taucoko ni nona vakasama kei na nona itovo e dua na tamata—na ivolatukutuku ni nona bula. Ia, e vakaraitaka talega na ivolanikalou ni ivolatukutuku vakalomalagi e maroroi tu me baleti ira na yalodina, oka kina na yacadra kei na itukutuku ni nodra ivalavala dodonu” (iDusidusi ki na iVolanikalou, “iVola ni Bula,” scriptures.ChurchofJesusChrist.org).
veilewai
Ena yaco mai na iOtioti ni Veilewai ni oti na nodra tucake tale na tamata. O Jisu Karisito ena nodra turaganilewa na tamata yadua. Na veilewai oqo ena vakatau kina na lagilagi tawamudu ena ciqoma na tamata yadua. (Raica na iDusidusi kina iVolanikalou, “Veilewai, na iOtioti ni,” scriptures.ChurchofJesusChrist.org; Alama 41:3–5; Vunau kei na Veiyalayalati 88:26–32.)
me vaka nodrai ivalavala
Era na lewai na tamata yadua me vaka na nodra cakacaka kei na gagadre ni lomadra (raica na Vunau kei na Veiyalayalati 137:9). Era na lewai me vaka na nodra talairawarawa kina ivakaro ni Kalou ka ivalavala me salavata kei na rarama kei na dina cava ga era ciqoma ena bula oqo.
© 2023 mai na Intellectual Reserve, Inc. All rights reserved. Tabaki e Amerika. Vakadonui me vakaValagi: 6/19. Vakadonui me vakadewataki: 6/19. Vakadewa ni Monthly For the Strength of Youth Message, December 2023. Language. 19049 858