“Agtakderto dagiti Natay iti Sanguanan ti Dios,” Para iti Pigsa dagiti Agtutubo, Dis. 2023.
Binulan a Mensahe iti Para iti Pigsa dagiti Agtutubo ,Disiembre 2023
Agtakderto Dagiti Natay Iti Sanguanan ti Dios
Iti paltiingna, nakita ni Juan ti Maudi a Panangukom.
Umay Manen Tapno Agturay ken Agari, ni Mary R. Sauer
dagiti natay, babassit ken dadakkel, agtakderda iti sanguanan ti Dios
Ti bileg ti Panagungar ni Jesucristo iyegna amin a tao iti sanguanan ti Dios tapno maukomda (kitaen iti Alma 11:42–44; 33:22; 40:21; Helaman 14:15–17; Mormon 9:13–14).
nabistrad dagiti pagbasaan
Dagitoy a libro ti mangirepresentar kadagiti kasuratan a naitalimeng ditoy daga iti no ania ti inaramid dagiti tao ditoy daga tapno surotenda ti dana ti katulagan (kitaen iti Doktrina ken Katulagan 128:7).
ti libro ti biag
“Maysa a kaibatogan ti libro ti biag ti naan-anay a kapanunotan ken tignay ti maysa a tao—ti kasuratan ti kabibiagna. Nupay kasta, ipakita met dagiti nasantuan a kasuratan nga intalimeng dagiti natulnog ti nailangitan a sinurat, a pakairamanan dagiti naganda ken pakaammuan kadagiti nalinteg nga aramidda.” (Pangiwanwan iti Nasantuan a Kasuratan, “Libro ti Biag,” scriptures.ChurchofJesusChrist.org).
maukom
Mapasamak ti Maudi a Panangukom kalpasan ti panagungar dagiti tattao. Ni Jesucristo ti Ukom ti tunggal tao. Daytoy a panangukom ti mangikeddengto iti agnanayon a gloria nga awaten ti tunggal tao. (Kitaen iti Pangiwanwan iti Nasantuan a Kasuratan, “Panangukom, ti Maudi,” scriptures.ChurchofJesusChrist.org; Alma 41:3–5; Doktrina ken Katulagan 88:26–32.)
kas mayannurot kadagiti aramidda
Maukomto ti tunggal tao maibatay kadagiti aramidda ken tarigagay ti puspusoda (kitaen iti Doktrina ken Katulagan 137:9). Maukomdanto no nagtulnogda kadagiti bilin ti Dios ken no nagtignayda a maitunos iti aniaman a lawag ken kinapudno nga inawatda iti daytoy a biag.
© 2023 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, December 2023. Language. 19049 864