« មនុស្សស្លាប់នឹងឈរនៅចំពោះព្រះ » ទស្សនាវដ្តី ដើម្បីកម្លាំងនៃយុវជន ខែ ធ្នូ ឆ្នាំ ២០២៣ ។
សារលិខិតប្រចាំខែ ទស្សនាវដ្តី ដើម្បីកម្លាំងនៃយុវជន ខែ ធ្នូ ឆ្នាំ ២០២៣
មនុស្សស្លាប់ នឹង ឈរនៅចំពោះព្រះ
នៅក្នុងវិវរណៈរបស់លោក យ៉ូហានបានឃើញការជំនុំជម្រះចុងក្រោយ ។
ទ្រង់យាងមកម្តងទៀតដើម្បីគ្រប់គ្រង និងសោយរាជ្យ ដោយម៉ារី សោអឺ
មនុស្សស្លាប់ ទាំងអ្នកធំទាំងអ្នកតូច គេឈរនៅចំពោះព្រះ
អំណាចនៃការរស់ឡើងវិញរបស់ព្រះយេស៊ូវគ្រីស្ទនាំមនុស្សទាំងអស់ចូលទៅក្នុងទីវត្ថមាន និង ដើម្បីជំនុំជម្រះពីព្រះ ( សូមមើល អាលម៉ា ១១:៤២–៤៤; ៣៣:២២; ៤០:២១; ហេលេមិន ១៤:១៥–១៧; មរមន ៩:១៣–១៤ ) ។
សៀវភៅទាំងនោះបានបើក
សៀវភៅទាំងនេះតំណាងឲ្យកំណត់ត្រាដែលបានរក្សាទុកនៅលើផែនដី អំពីអ្វីដែលមនុស្សបានធ្វើនៅលើផែនដីដើម្បីធ្វើតាមផ្លូវនៃសេចក្ដីសញ្ញា ( សូមមើល គោលលទ្ធិ និងសេចក្តីសញ្ញា ១២៨:៧ ) ។
សៀវភៅជីវិត
« តាមន័យមួយ សៀវភៅជីវិត គឺជាការសរុបនូវគំនិត និងកិច្ចការរបស់បុគ្គលម្នាក់–គឺជាបញ្ជីអំពីជីវិតរបស់គេ ។ ប៉ុន្តែព្រះគម្ពីរក៏បានចែងផងដែរថា មានបញ្ជីនៅស្ថានសួគ៌មួយច្បាប់ ដែលបាន និងដំណើររឿងអំពីការប្រព្រឹត្តិដ៏សុចរិតទាំងឡាយរបស់គេផង » ( សេចក្តីណែនាំដល់បទគម្ពីរទាំងឡាយ « សៀវភៅជីវិត » នៅលើគេហទំព័រ scriptures.ChurchofJesusChrist.org ) ។
សេចក្ដីជំនុំជម្រះ
ជាសេចក្ដីជំនុំជម្រះចុងក្រោយបង្អស់ដែលនឹងកើតឡើង បន្ទាប់ពីដំណើរ រស់ឡើងវិញ ។ ព្រះយេស៊ូវគ្រីស្ទ ទ្រង់នឹងជំនុំជម្រះបុគ្គលម្នាក់ៗ ។ សេចក្តីជំនុំជម្រះនេះនឹងកំណត់ពីសិរីល្អដ៏នៅអស់កល្បជានិច្ចណាមួយដែលជននោះនឹងបានទទួល ។ ( សូមមើល សេចក្ដីណែនាំដល់បទគម្ពីរទាំងឡាយ « សេចក្ដីជំនុំជម្រះចុងក្រោយបំផុត » នៅលើគេហទំព័រ scriptures.ChurchofJesusChrist.org; អាលម៉ា៤១:៣–៥;គោលលទ្ធិ និង សេចក្តីសញ្ញា ៨៨:២៦–៣២ ។ )
ស្របតាមកិច្ចការទាំងឡាយដែលខ្លួនប្រព្រឹត្ត
បុគ្គលម្នាក់ៗនឹងទទួលការជំនុំជម្រះ ស្របតាមកិច្ចការរបស់ពួកគេ និង ស្របតាមសេចក្ដីប៉ងប្រាថ្នារបស់ពួកគេ ( សូមមើល គោលលទ្ធិ និងសេចក្តីសញ្ញា ១៣៧:៩ ) ។ ពួកគេនឹងទទួលការជំនុំជម្រះ ទៅតាមការគោរពតាមបទបញ្ញត្តិរបស់ព្រះ ឬអត់ ហើយបានធ្វើសកម្មភាពស្របទៅនឹងពន្លឺ និងសេចក្ដីពិតណាក៏ដោយដែលពួកគេបានទទួលនៅក្នុងជីវិតនេះ ។
© 2023 by Intellectual Reserve, Inc. All rights reserved. បោះពុម្ពនៅ ស.រ.អា ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖ ៦/១៩ ។ ការបកប្រែនៃMonthly For the Strength of Youth Message, December 2023.Language.19049 258