“The Dead Will Stand before God,” For the Strength of Youth, Dec. 2023.
ຂ່າວສານປະຈຳເດືອນ For the Strength of Youth, ເດືອນທັນວາ 2023
ບັນດາຄົນທີ່ຕາຍແລ້ວ ຈະ ຢືນ ຢູ່ຕໍ່ພຣະພັກຂອງ ພຣະເຈົ້າ
ໃນການເປີດເຜີຍຂອງເພິ່ນ, ໂຢຮັນໄດ້ເຫັນການພິພາກສາຄັ້ງສຸດທ້າຍ.
He Comes Again to Rule and Reign [ພຣະອົງສະເດັດມາອີກຄັ້ງເພື່ອປົກຄອງ ແລະ ຄອງຣາດ], ໂດຍ ແມຣີ ຊໍເອີ
ບັນດາຄົນທີ່ຕາຍແລ້ວ, ທັງຜູ້ໃຫຍ່ ແລະ ຜູ້ນ້ອຍ, ພາກັນຢືນຢູ່ຕໍ່ພຣະພັກຂອງພຣະເຈົ້າ
ອຳນາດຂອງການຟື້ນຄືນພຣະຊົນຂອງພຣະເຢຊູຄຣິດ ນຳ ທຸກຄົນ ເຂົ້າໄປສູ່ການປະທັບຢູ່ຂອງພຣະເຈົ້າ ເພື່ອຮັບການພິພາກສາ (ເບິ່ງ ແອວມາ 11:42–44; 33:22; 40:21; ຮີລາມັນ 14:15–17; ມໍມອນ 9:13–14).
ໜັງສືຕ່າງໆກໍເປີດອອກ
ໜັງສືເຫລົ່ານີ້ ເປັນຕົວແທນໃຫ້ແກ່ບັນທຶກຕ່າງໆທີ່ໄດ້ຖືກບັນທຶກໄວ້ເທິງແຜ່ນດິນໂລກ ກ່ຽວກັບສິ່ງທີ່ຄົນທັງຫລາຍໄດ້ເຮັດເທິງແຜ່ນດິນໂລກ ເພື່ອຕິດຕາມເສັ້ນທາງແຫ່ງພັນທະສັນຍາ (ເບິ່ງ ຄຳສອນ ແລະ ພັນທະສັນຍາ 128:7).
ໜັງສືທະບຽນແຫ່ງຊີວິດ
“ໃນຄວາມໝາຍໜຶ່ງ ໜັງສືທະບຽນແຫ່ງຊີວິດ ແມ່ນບັນຊີຂອງຄວາມຄິດ ແລະ ການກະທຳທັງໝົດຂອງບຸກຄົນ—ບັນທຶກຊີວິດຂອງເຂົາ. ເຖິງຢ່າງໃດກໍຕາມ, ພຣະຄຳພີໄດ້ແຈ້ງບອກວ່າ ບັນທຶກໃນສະຫວັນໄດ້ເກັບກຳບັນທຶກຂອງຄົນທີ່ຊື່ສັດ, ລວມທັງຊື່ ແລະ ເລື່ອງລາວທີ່ຊອບທຳຂອງເຂົາເຈົ້າ” (ຄູ່ມືພຣະຄຳພີ, “ໜັງສືທະບຽນແຫ່ງຊີວິດ,” scriptures.ChurchofJesusChrist.org).
ຖືກຕັດສິນ
ການພິພາກສາຄັ້ງສຸດທ້າຍຈະເກີດຂຶ້ນຫລັງຈາກທີ່ຄົນທັງຫລາຍຟື້ນຄືນຊີວິດແລ້ວ. ພຣະເຢຊູຄຣິດຈະເປັນຜູ້ພິພາກສາຂອງແຕ່ລະຄົນ. ການພິພາກສານີ້ ຈະກຳນົດລັດສະໝີພາບນິລັນດອນທີ່ແຕ່ລະຄົນຈະໄດ້ຮັບ. (ເບິ່ງ ຄູ່ມືພຣະຄຳພີ, “ພິພາກສາ, ການພິພາກສາຄັ້ງສຸດທ້າຍ,” scriptures.ChurchofJesusChrist.org; ແອວມາ 41:3–5; ຄຳສອນ ແລະ ພັນທະສັນຍາ 88:26–32.)
ຕາມການກະທຳຂອງພວກເຂົາ
ແຕ່ລະຄົນຈະຖືກຕັດສິນຕາມສິ່ງທີ່ພວກເຂົາໄດ້ເຮັດ ແລະ ສິ່ງທີ່ພວກເຂົາປາດຖະໜາ (ເບິ່ງ ຄຳສອນ ແລະ ພັນທະສັນຍາ 137:9). ພວກເຂົາຈະຖືກຕັດສິນວ່າ ພວກເຂົາໄດ້ເຊື່ອຟັງພຣະບັນຍັດຂອງພຣະເຈົ້າ ແລະ ປະພຶດຕົນຢ່າງສອດຄ່ອງກັບຄວາມສະຫວ່າງ ແລະ ຄວາມຈິງໃດກໍຕາມທີ່ພວກເຂົາໄດ້ຮັບໃນຊີວິດນີ້.
© 2023 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, December 2023. Language. 19049 331