“Bafua Nebimana Kumpala kua Nzambi,” Bua Dikankamika dia Bansonga, Ngondu wa Dikumi ne Muibidi 2023.
Mukenji wa ku ngondu Bua Dikankamika dia Bansonga, Ngondu wa Dikumi ne Muibidi 2023
Bafua Ne Bimana Kumpala kua Nzambi
Mu dibuluila edi, Yone wakamona Tshilumbuluilu tshia Ndekelu.
Udi Ulua Kabidi bua Kulombola ne Kukôkesha, Kudi Mary Sauer
bafua, bana ne bakola, bimana kumpala kua Nzambi
Bukola bua Dibika ku Lufu dia Yezu Kilisto budi butuala bantu bonsu ku mesu kua Nzambi bua kulumbuluishibua (tangila Alama 11:42–44; 33:22; 40:21; Helamana 14:15–17; Molomo 9:13–14).
mikanda yakunzulukibua
Mikanda eyi idi ileja mindiku milama pa buloba ivua bantu benza pa buloba bua kulonda njila wa tshipungidi (tangila Dilongesha ne Bipungidi 128:7).
mukanda wa moyo
“Mu mushindu umua Mukanda wa Moyo udi nsangilu wa meji ne bienzedi bia muntu—miandiku ya moyo wenda. Nansha nanku, mifundu idi ileja kabidi ne muandiku wa ku diulu udi mulama bua bena lulamatu, biangata mena ne milubu ya bienzedi biabu bimpa” (Buludiki bua Mifundu “Mukanda wa Moyo,” scriptures.ChurchofJesusChrist.org).
balumbuluishibua
Tshilumbuluilu tshia Ndekelu tshidi tshilua kunyima kua bantu babika ku lufu. Yezu Kilisto neikala Mulumbuluishi wa muntu yonsu. Tshilumbuluilu etshi netshileja butumbi bua tshiendelela buapeta muntu yonsu. (Tangila Buludiki bua Mifundu, “Judgment, the Last,” scriptures.ChurchofJesusChrist.org; Alama 41:3–5; Dilongesha ne Bipungidi 88:26–32.)
bilondeshela bienzedi biabu
Muntu yonsu nealumbuluishibua ku bivuaye muenza ne ku bivuaye mujinga (tangila Dilongesha ne Bipungidi 137:9). Nebalumbuluishibua mu pikalabu bavua batumikidi ku mikenji ya Nzambi ne benza malu mu dipetangana ne bukenka ne bulelela bivuabu bapeta mu moyo ewu.
© 2023 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, December 2023. Language. 19049 760