« E ti’a te feiā pohe i mua i te Atua », Nō te pūai o te feiā ’āpī, Tītema 2023.
Parau poro’i tā’āva’e Nō te pūai o te feiā ’āpī, Tītema 2023
E ti’a te feiā pohe i mua i te aro o te Atua
I roto i tāna ’ōrama, ’ua ’ite ’o Ioane i te Ha’avāra’a hope’a.
He Comes Again to Rule and Reign [E ho’i fa’ahou mai ’oia nō te fa’atere ari’i], nā Mary Sauer
tei pohe ra, ’o te ta’ata ri’i ’e te feiā rarahi, i te ti’ara’a i mua i te Atua ra
E hōpoi te mana o te ti’afa’ahoura’a o Iesu Mesia i te tā’āto’ara’a o te ta’ata i mua i te aro o te Atua ’ia ha’avāhia rātou (hi’o Alama 11:42–44 ; 33:22 ; 40:21 ; Helamana 14:15–17 ; Moromona 9:13–14).
heua ihora nā buka ra
Te fa’ahōho’a nei teie mau buka i te mau pāpa’a parau tei pāpa’ihia i ni’a i te fenua nei nō ni’a i te mea tā te mau ta’ata i rave i ni’a i te fenua nei nō te pe’e i te ’ē’a nō te fafaura’a (hi’o Te Ha’api’ira’a Tumu ’e te mau Fafaura’a 128:7).
te buka ora
« E nehehenehe e parau ē te buka nō te ora, ’o te tā’āto’ara’a ïa o te mau mana’o ’e te mau ’ohipa a te hō’ē ta’ata—te tuatāpapara’a nō tōna orara’a. ’Āre’a rā, tē nā ’ō ato’a ra te mau pāpa’ira’a mo’a ē tē tāpa’ohia nei te hō’ē parau tuatāpapara’a i te ra’i nō te feiā fa’aro’o, ’e tae noa atu tō rātou mau i’oa ’e te mau ’ohipa parauti’a tā rātou i rave » (Arata’i nō te mau pāpa’ira’a mo’a, « Buka nō te ora », scriptures.ChurchofJesusChrist.org).
ha’avāhia
E tae mai te Ha’avāra’a hope’a i muri a’e i te ti’afa’ahoura’a o te ta’ata. E riro Iesu Mesia ’ei ha’avā nō te ta’ata tāta’itahi. Nā teie ha’avāra’a e fa’ata’a i te hanahana mure ’ore tā te ta’ata tāta’itahi e fa’ari’i. (Hi’o i te Arata’i nō te mau pāpa’ira’a mo’a, « Ha’avāra’a hope’a », scriptures.ChurchofJesusChrist.org ; Alama 41:3–5 ; Te Ha’api’ira’a Tumu ’e te mau Fafaura’a 88:26–32.)
i tā rātou ra mau ’ohipa
E ha’avāhia te ta’ata tāta’itahi e te mea tā rātou i rave ’e te mea tā rātou i hina’aro (hi’o Te Ha’api’ira’a Tumu ’e te mau Fafaura’a 137:9). E ha’avāhia rātou e te mea ē ’ua ha’apa’o ānei rātou i te mau fa’auera’a a te Atua ’e ’ua rave ānei rātou mai te au i te māramarama ’e te parau mau tā rātou i fa’ari’i i roto i teie nei orara’a.
© 2023 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly For the Strength of Youth Message, December 2023. Language. 19049 895