“Ndi Muyidi wa Yezu Kilisto,” Bua Dikankamika dia Bansonga, Ngondu wa Kumpala 2024.
Mukenji wa ku Ngondu Bua Dikankamika dia Bansonga, Ngondu wa Kumpala 2024
Ndi Muyidi wa Yezu Kilisto
Udi mua kulonda Mupandishi ne kutangalaja diyi dienda kudi bakuabu.
Nukadiku badikonka buatshinyi, kunyima kua mondopa bantu, Yezu wakambila bamua ba ku bobu ne kabambidi muntu (tangila Mâko 7:36)? Kamua ka ku tubingila kadi mua kuikala ka tshipidi tshia balondi bavuaye ujinga. Nudi mua kuela meji ne bu bantu bakula bua londopu luabu tshivua mua kuikala mushindu muimpa bua Yezu kukoka balondi. Kadi, Yezu kavua amu ujinga balondi. Uvua ujinga bayidi.
Yezu wakambila Petelo ne Andele ne, “Ndondayi” (Matayo 4:19). Dikudimuna dia Joseph Smith dia mvese didi dibadika ne, “Ndi udi bambi bafunda; ndondayi” (Dikudimuna dia Joseph Smith, Matayo 4:18 [mu Matayo 4:19, footnote a]). Dibikila kadivua dia kupisha nenda diba bua tshitupa tshipi to. Wakajinga bua bikala bayidi Bende bakashidi.
Kavua ujinga ne bikala amu bamutangila ulongesha bantu, unanga bantu, ne ukumbaja bishima. Uvua ujinga ne benza bia momumua. Uvua ujinga ne mudimu wenda ulua mudimu wabu. Disungula Kilisto tshidi tshiumvuija kulonga bua kusadila bu muvuaye usadila ne kuela meji bu muvuaye wela meji. Kuenza nsombelu bu muvuaye usomba, ne uvua ubakuba ne ubapesha diambuluisha divuabu nadi dijinga bua kulua bu Yeya.
Muaku wa mu Geleke bua muyidi udi mathetes. Udi umvuija kupita mulondi anyi mulongi. Utu ukudimunyibua nangananga bu mulongi wa menamena. Mu tshikondu tshia Kilisto, bayidi bavua basungula mulongeshi uvuabu basua kulonga kudiye ne dijinga dia kuluabu pabu balongeshi. Kilisto kavua mulonda ngenzelu ewu to. Patshiotshi wakabikudimuna ne wakakeba bayidi benda. Lelu, Kilisto udi utubikila bua tulua kudiye. Udi utubikila bua tuikala bayidi benda ne tumanyisha muaku wenda munkatshi mua bantu benda, bua bapeta moyo wa kashidi (tangila 3 Nefi 5:13).
Nsongakaji umua wa ku Haiti mu Caraïbe wakaleja dijinga dienda dia kuikala muyidi wa Kilisto ku dibikila dia mulunda wenda uvua kayi tshidimba tshia Ekelezia bua kuyabu mu mpungilu wa FSY. Diambedi tatuenda wa mulunda wenda kavua musua kufila dianyisha kudi muanenda bua kuya to. Balombodi ba Ekelezia bakamumvuija pa dimanya dimpa didi dimuindila ne bansonga bakulumpa nkaya babedi bansongu badi ne bua kumutshiunga. Tatu wakapesha muanenda dianyisha bua kubuela, ne kunyima wakamona dishilangana divua difika mu moyo wenda, wakamupesha kabidi dianyisha bua kubuelaye mu bisangilu bia Ekelezia ne—ngondu isambombo mipita—wakatambuishibua.
Nsongaluma umua wa ku Argentine mu Amerique du Sud wakaleja dijinga dienda dia kuikala muyidi wa Kilisto ku diabanyangana dia bombo yenda ne mulunda pavuabu bangata mashinyi bua kuya mu tshilongelu. Pakafikaye mu katupa kavua ne cafe, wakumvuija ne katumuntantshisha ngumvuilu ewu bualu nansha umua wa mu dîku dienda katu unua cafe. Tshiotshi kulombola muyuki pa Ekelezia, wakalombola ne ku dibikila bua kulua mu bisangilu, tshiotshi etshi ke tshiakalombola mulunda wenda bua kubuela mu Ekelezia ne kusadila bukenji mu Chili.
Muntu yonsu uudi wakula nenda pa Ekelezia anyi ubikila mu tshibilu tshia Ekelezia kakujinga bua kubuela. Kabiena ne BUALU. Yonsu uvua Kilisto muakula nenda mu mudimu Wenda wa pa buloba kakamulonda to. Kadi, tuetu basungula bua kuikala bayidi ba Yezu Kilisto, ne kumanyisha muaku wenda, neatupesha dikima ne diambuluisha dia bunzambi. Netulonga mushindu wa kulua biabunyi bu Yeya, ne ke tshiotshi tshidi bayidi benda benza.
© 2024 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, January 2024. Language. 19273 760