“I Gag reb e Pi Gachalpen Yesus Kristus,” Fan ko Gelngin e Pi’in ni Fal’yangren, Jan. 2024.
Mulwol ni Ngan Thapeg ko biney e Pul ni Fan ko Gelngin e Pi’in ni Fal’yangren ko, January 2024
I Gag Reb e Pi Gachalpen Jesus Kristus
Rayag ni ngam lek wo’en fare Tathapeg mag weliy mornga’agen e thin rok’ ngak e gidii’.
Gama tafney nag ko mangfan, ni tomuren ni gol nag, Yesus fapi gidii’ me yog ngorad ni dabra yoged e biney ngak e gidii’ (muguy ko Mark 7:36)? Reb i fan e bay ni bachan e rib mitrug u waen’ e gidii’ ni ngeyib i leak. Bay ni rayag ni ngam tafney nag ni fa’anra weliy e gidii’ mornga’agen e gol roraed ma biney era fek e gidii’ ni yo’or nge yib ngak. Machane, gathi kemus nib tu’uf ni nge leak e gidii’ i Yesus. N’en nib tu’uf rok’ e pi gachalpen.
Yesus ni ga’ar ngak Peter nge Andrew, “Mu unew ngog” (Matthew 4:19). Fare pilyeg thin ni tay Joseph Smith ko biney e verse e ga’ar, I gag facha’ nike weliy fapi profet mornga’agen’; mu uned ngog” (Joseph Smith Translation, Matthew 4:18 [ulan e Matthew 4:19, footnote a]). Fare mulwol rok’ e gathi kemus ni ngan nib ngak ko ta’abochingiyal’. Ya ba’adag ni ngar manged pi gachalpen ni manemus.
Gathi kemus ni ba’adag ni ngar guyed nibe machib ngak fapi gidii’, t’ufeg fapi gidii’, me ngongliy e muruwel ko ma’ang’ang. Ya ba’adag ni ngar uned ngak ngar rrin’ed e pin’ey. Ya ba’adag ni muruwel rok’ e nge mang e muruwel roraed. Mel’eg Kristus e be yip fan ni yaedra fil rogon ni ngar pigpig gaed ni wod rogon nima pigpig nge rogon ni be leam. Yaedra gay rogon ni ngar pired ni wod rogon nima par, mara fanow nagraed me ayuweg raed ni ngar boded Ir.
Fare bugithin ni Greek nifan e gachalpen e kanog e mathetesngay. Be yipfan ni gathi kemus ni bee’ nima leak fa reb e student. Pilyeg e thin ko biney e baga’ ni be yipfan bee’ ni kanoeg e apprentice ngak. Ngiyal’ ni’i moy Kristus, fapi gachalpen e baga’ ni yead ma mel’eg e masta roraed ko facha’ ni yaed ba’adag ni ngar filed e fanow rok’ ni ngeyag nira manged e masta nifaraed. Kristus e dani rrin’ ni wod kanawo’en e biney. Ir e guy ko mini’ e nge mang e pi gachalpen. Daba’, Kristus e be pining daed ni ngad uned Ngak. Ke piningeg daed ni ngad manged e pi gachalpen min weliy e thin rok’ ngak e gidii’ ni yo’or ni nge yog e yafos ngoraed ni dabimus biʼid (muguy ko 3 Nephi 5:13).
Reb e bpin nib fel’yangren nu Haiti u Karibbean ni dag wo’en ni ba’adag ni nge mang reb pi gachalpen Kristus ni pinning reb e fagar rok’ ni dani member ko Galasia nge un ngak ko FSY conference. Somm’on e dubun chitamangin e fagar rok’ ni nge pag fak ni bpin ni nge un. Tiyugang’ ko Galasia e weliy e tin nib fel’ nira thapeg ma bay e counselors ni fal’yangren nira taliyeg nag raed ko pi n’en ni yaed be rrin’. Fare matam e pii’ mat’won fak ni bpin ni nge un, ma tomuren ni guy rogon nike thilyeg e yafos rok’, maki pii’ mat’won ni nge un ko fapi mo’olung ko Galasia—nel’ e pul nga tomuren—min tawfe nag.
Reb e pagal ni fel’yangren nu Argentina u South America ni dag wo’en ni ba’adag ni nge mang reb pi gachalpen Kristus ni fo’od nag e kandy rok’ ko reb e fagar napan ni yow be yan u bus. Napan ni guy reb fare kandy ni lemen e coffee, me yog ni dariy bi’id nike ri’ lemen e biney ni bachan e dariy bee’ ulan e tabinaew rok’ nima n’um e coffee. Biney e tabab nag e sabathin rorow ko mornga’agen e Galasia, ni pinning ni nge un ko mo’olung, ni ki ul’ul’ ni un fare fagar rok’ ko Galasia me yean ko mission rok’ u Chile.
Gathi gubin e gidii’ ni gara weliy fa mu pining ni nge un ko Galasia era adag ni nge un. Machane ba OK e biney. Ya gathi gubin e gidii’ ni non Kristus ngak ko ngiyal’ ne machib rok’ e yib i un ngak. Machane, napan ni gadaedra mel’eg ni ngaed manged pi gachalpen Yesus Kristus min weliy e thin Rok’,mara pii’ e athamgil nge ayuw ngodaed nib thothup. Gadaedra fil rogon ni ngad boded ir, ya irerram e n’en ni ma rrin’ pi gachalpen.
© 2024 by Intellectual Reserve, Inc. Gubin mat’won ma bay. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Monthly For the Strength of Youth Message, January 2024. Language. 19273 905