“Kuh Nga Ohiyac nuhke Engan’?,” Mwe Ahkkweye Mwet Fuhsr, Fep. 2024.
Mahlwem Nuhkwewa Mwe Ahkkweye Mwet Fuhsr Mwe Fahkwack, Fepweri 2024
Kuh Nga Moulkihn Ohiyac nuhke Engan?
Pa inge kuhtuh nuhnak ma kom kuh in moul ohiyac Nephi el fahk lah mwet lal moul.
Sroallah sel Alyssa Gonzalez
Tiac paht tukun Nephi ac mwet lal fahsrwelihk liki mwet Lamanites ah, Nephi el fahk lah mwet lal tuh muhta ac moulkihn ohiyac nuhke engan (2 Nephi 5:27). Kuht fin etuh lah oasr mwet sahyac ma suk in onweloslac (liye 2 Nephi 5:1–6, 14), kuht kuh in suhluhlahlfongi lah pwacye elos engan. Mwet se e engan fuhkah ke el ac oasr ke ohiyac se inge?
Ma se met, enenuh kuht in etuh lah moulkihn ohiyac nuhke engan tiac kalmeac pa nohfohn mwet lal Nephi ah engan pacl nuhkwewa ke lwen nuhkwewa. Kalmac pa elos moulkihn kain ohiyac se inge, ac oruh ma ac pwacnwacng pwacnuhlos nuhke engan. Finne elos puhlakihn ma upac, elos muhta in engan.
Ohinge meac ohiyac nuhke engan? Kuht e fuhkah sang pac nuhke moul lasr uh, ke kuht puhlakihn pac ma upac uh? Lwelah kuht in liye!
-
Ahkostwen. “Ac kuht karihngihn in liyacacng … masap lal Leum” (2 Nephi 5:10).
Moulkihn wosasuc luhn Jisus Kraist pa step se met. Kom kuh in engan ke kom oruh ma koluk uh, tuhsruhk ac tiac paht engan se ingacn. Seahkswel God el tiac pa “ohiyac nuhke engan” (liye Alma 41:10).
-
Suk ma suhmuhslah uh. “Ac nga, Nephi, oacyacpac us ma sihmlac ma taflweyucklac ke plwet prahs” (2 Nephi 5:12). “Kuht … lutlutkihn ma inge ac konwacack lah ma inge ma na wo; aok, finne arulacna yohk sripac nuh sesr” (1 Nephi 5:21) .
Mwet lal Nephi ah sruok ma suhmuhslah. Ac tiac oasr selos muhkwena ma suhmuhslah uh—elos lutlutkihn ke ma suhmuhslah.
-
Lohng sramsram luhn mwet kol. “Nga, Nephi, tuh mosrwacllah Jacob ac Joseph, tuh elos in mwet tol ac mwet luti … fin mwet luhk” (2 Nephi 5:26).
Mwet luti inge orekmakihn muh suhmuhslah in kolluhltahl (liye 2 Nephi 4:15; 6:4).
-
Som nuhke tempuhl (ac oacyacpac acn muhtahl sahyac). “Nga Nephi, tuh muhsahelah sie tempuhl” (2 Nephi 5:16).
Yohk sripac in oasr acn muhtahl kain se ke lohm in toeni ac tempuhl luhn mwet luhlahlfongi in fahsrweni ac alu. (Kuht kuh in nuhnkuh muh mwet lal Nephi ah orekmakihn pac tempuhl lalos ah.) Kom fin tiac kuh in som nuhke tempuhl ah, kom kuh in orekma ke tahk sucu lom.
-
Mukwikwi kac. “Nga luti mwet luhk in muhsahelah lohm, ac in orekma. … “[Nga] oruh tuh mwet luhk in oaru in orekma, ac in orekma ke paholos” (2 Nephi 5:15, 17).
Sie ip luhn “ohiyac nuhke engan” ah in oasr ma kom oruh! Orekma ma se, kuh kunihkohn se—oacna sie ma usot nuh sum sripac nuhke moul uh (ac oasr pacl in monglac). Upac kom in engan fin wacngihn ma kom oruh pacl nuhkwewa.
Kom e kuh in fahk muh kom moulkihn ohiyac nuhke engan ingena? Fin kom tiac, sahp srihkasrak lal Nephi inge kuh in usot kuhtuh nuhnak ah nuh sum kom in eklac wolac liki met ah fuhkah.
© 2024 sin Intellectual Reserve, Inc. Suwohs nuhkewa fihliyucki. Printiyucki fin acn USA. Ahkkweyeyucklac nuh ke English: 6/19. Ahkkweyeyucklac ke lweng: 6/19. Lwenglah luhn Monthly For the Strength of Youth Message, February 2024. Language. 19276 868