Mukenji wa ku ngondu Bua Dikankamika dia Bansonga, Ngondu Muibidi 2024

2 Nefi 5

Ndi Musomba “mu Mushindu wa Disanka Anyi”?

Kudi Eric D. Snider

Makazina a Ekelezia

Eyi idi ngenyi minga bua wikala ne moyo mu mushindu uvua Nefi wamba ne bantu benda bavua basomba mu mushindu wa disanka

bansonga

Bimfuanyi kudi Alyssa Gonzalez

Mu tshikosu kunyima kua ditapulukangana ne bena Lamanita,Nefi wakamba ne bantu benda “bavua basomba mu mushindu wa disanka” (2 Nefi 5:27). Mu kutangila ne kuvua tshisumbu tshia bantu tshikuabu tshivua tshijinga kubashipa (Tangila 2 Nefi 5:1–6, 14), atshi tshivua tshikemesha. Mushindu kayi udi muntu mua kuikala musankishibua mu bikondu bu abi?

Tshiakumpala, manya ne “tuvua basomba mu mushindu wa disanka” kabiena biumvuija “muntu yonsu pankaya wa mu Nefite uvua musankishibua nansha 24/7.” Bidi biumvuija ne bavua basomba mu mushindu wa buenawu, ne benza mishindu ya malu, adi mu kabujima atuala ku disanka. Kumutu kua bionsu, katuyi tubala ntatu yabu, tshivua tshikondu tshia disanka.

Pananku “mushindu wa disanka” ntshinyi? Mushindu kayi utudi mua kuwutentula mu mioyo yetu, idi kabidi ne ntatu? Tutangilayi!

• Ikala mutumikidi. “Tuakatangila bua kulama … mikenji ya Mukalenga” (2 Nefi 5:10).

  Kuteka lumu luimpa mu tshienzedi tshidi Tshitupa 1. Newikala ne disanka bua tshitupa tshipi mu bubi, kadi kadiakunenga to. Dibenga kutumikila dia ku bukola kudi Nzambi kadiena “mushindu wa disanka to” (tangila Alama 41:10).

• Bala mifundu. “Mema, Nefi, mvua … mutuala miandiku ivua mikanunyibua pa bitata bia kalabi” (2 Nefi 5:12). “Tua … kayikebulula ne tuakasangana ne ivuabu mua kujinga; eyowa, mena ivua ne mushinga munena kutudi” (1 Nefi 5:21) .

  Bantu ba Nefi bavua ne mifundu Kadi kabavua anu nayi—bavua bayikebulula .

• Teleja balombodi badi ne nyuma. “Mema, Nefi, ngakajidila Yakobo ne Yosefe, bua bikala bakuidi ne balongeshi pamutu pa … bantu banyi” (2 Nefi 5:26).

  Balongeshi aba bakenzela mifundu bu ndeji njila (tangila 2 Nefi 4:15; 6:4).

• Ndaku ku ntempelo (ne mu miaba mikuabi ya tshijila). “Mema, Nefi, ngakibaka ntempelo” (2 Nefi 5:16).

  Bidi ne mushinga bua kuikala ne miaba ya tshijila bumudi nzubu ya bisangilu ne ntempelo bua bayidi bikala basangila ne batendelela. (Tudi mua kutshintshikila ne bena Nefite kabavua anu ne ntempelo to—bavua bulelela bamuenzela.) Pawudi kuyi mua kubuela mu ntempelo mu bumuntu, udi misangu yonsu mua kuenza mudimu wa miyiki ya diku.

• Ikala Muvudiji. “Ngakalongesha bantu banyi bua kuasa nzubu, ne kuenza mudimu … [I] Ngakasaka batu banyi bua kuenza mu matanda, ne kuenza midimu ne bianza biabu” (2 Nefi 5:15, 17).

  Tshitupa tshia “mushindu wa disanka” tshidi kuikala ne tshia kuenza! Tshia kuenza, mudimu, bukokeshi—tshintu kampanda tshidi tshikupesha bujalami ne kipatshila (ne diba dikumbane dia kuikisha, bulelela). Bidi bikola bua kuikala musankishibua pawudi ne lutetuku diba dionsu

Udi mua kuamba katataka ne udi usomba mu mushindu wa disanka anyi? Pikalabi kabiyi nanku, tshilejilu tshia Nefi tshidi mua kukupesha ngenyi kampanda bua kudilongolola.

© 2024 kudi Intellectual Reserve, Inc. All rights reserved. Bipatula mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, February 2024. Language. 19276 760