လစဉ် လူငယ်တို့အတွက်ခွန်အား အမှာစကား၊ ဖေဖော်ဝါရီ ၂၀၂၄

၂ နီဖိုင်း ၅

ကျွန်ုပ်သည် “ပျော်ပျော်ရွှင်ရွှင်” နေထိုင်လျက်ရှိပါသလား။

အဲရစ် ဒီ၊ စနိုက်ဒါ မှ

အသင်းတော်မဂ္ဂဇင်းများ

ဤသည်မှာ နီဖိုင်း ဆိုခဲ့သည့်အတိုင်း သူ၏လူမျိုးများနေထိုင်သကဲ့သို့ နေထိုင်ရန် သင့်အတွက် နည်းလမ်းအချို့ဖြစ်ပါသည်။

အက်လစ်ဆာ ဂွန်ဇာလက်၏ သရုပ်ဖော်ပုံ

လာမန်အမျိုးသားများထံမှခွဲထွက်ပြီး မကြာမီ၊ သူ၏လူမျိုးများသည် “ပျော်ပျော်ရွှင်ရွှင်” နေထိုင်ခဲ့ကြသည်ဟု နီဖိုင်းက ဆိုခဲ့ပါသည် (၂ နီဖိုင်း ၅း၂၇)။ သူတို့အား သုတ်သင်လိုသော အခြားလူတစ်စုရှိကြောင်း တွေးတောမိခြင်းသည်၊ ထိတ်လန့်စရာကောင်းပါလိမ့်မည် (ရှု ၂ နီဖိုင်း ၅း၁-၆၊၁၄)။ မည်သို့သောသူသည် ထိုအခြေအနေတွင် ပျော်ရွှင်နိုင်လိမ့်မည်နည်း။

ပထမဆုံး၊ မှတ်သားရန်မှာ “ကျွန်ုပ်တို့ ပျော်ပျော်ရွှင်ရွှင်နေထိုင်ခဲ့ကြသည်“ ဆိုသည်မှာ “နီဖိုင်းလူမျိုးတစ်ဦးတစ်ယာက်ချင်းစီတိုင်းသည် အချိန်တိုင်း ပျော်ရွှင်နေရသည်”ဟု မ ဆိုလိုပါ။ သူတို့သည် ယေဘုယျအားဖြင့် ပျော်ရွှင်ခြင်းဆီသို့ ဦးတည်ခဲ့သော အရာများနှင့် နည်းလမ်းများကို လုပ်ဆောင်နေထိုင်ခဲ့ကြခြင်းဖြစ်ကြောင်း ဆိုလိုပါသည်။ ခြုံငုံကြည့်ပါက၊ သူတို့တွင် စိန်ခေါ်မှုများရှိသော်လည်း၊ ပျော်ရွှင်စရာအချိန်တစ်ခုဖြစ်ခဲ့ပါသည်။

ထို့ကြောင့် “ပျော်ပျော်ရွှင်ရွှင်” ဆိုသည်မှာ အဘယ်နည်း။ စိန်ခေါ်မှုများရှိနေသည့် ကျွန်ုပ်တို့၏ကိုယ်ပိုင်အသက်တာများတွင် ထိုအရာကို မည်ကဲ့သို့ ပုံတူပွားမည်နည်း။ ကြည့်လိုက်ကြပါစို့။

• နာခံခြင်းရှိပါ။ “ငါတို့သည် … ကိုယ်တော်ရှင်၏ ပညတ်တော်များကို စောင့်ထိန်းရန် အားထုတ်ကြ၏” (၂နီဖိုင်း ၅း၁၀)။

  ဧဝံဂေလိအတိုင်းရှင်သန်ခြင်းသည် ပထမအဆင့်ဖြစ်၏။ သင်သည် အပြစ်၌ ယာယီမျှသာ ပျော်နိုင်သော်ငြား၊ ရေရှည်ခံမည်မဟုတ်ပါ။ ဘုရားသခင်အား တမင် မနာခံခြင်းသည် “ပျော်ပျော်ရွှင်ရွှင်” နေခြင်းမဟုတ်ပါ (ရှု အယ်လမာ ၄၁း၁၀)။

• ကျမ်းစာများကို ရှာဖွေပါ။ “ငါ၊နီဖိုင်း၊သည်လည်း … ကြေးပုရပိုက်ပြားများပေါ်၌ ရေးထွင်းထားသည့် မှတ်တမ်းများကို ယူဆောင်လာခဲ့၏” (၂နီဖိုင်း ၅း၁၂)။ “ငါတို့သည် … စေ့စေ့ဖတ်ရှုလျက်၊ နှစ်လိုဖွယ်ဖြစ်ကြောင်းကိုလည်း တွေ့ရှိ၏။ အမှန်စင်စစ်၊ ငါတို့အတွက်ကြီးစွာပင်အဖိုးထိုက်၏” (၁နီဖိုင်း ၅း၂၁)။

  နီဖိုင်း၏လူမျိုးများတွင် ကျမ်းစာများရှိ၏။ သို့ရာတွင် သူတို့၌ ကျမ်းစာများ ရှိ ရုံမျှသာမဟုတ်ဘဲ—သူတို့သည် {စေ့စေ့ဖတ်ရှု ခဲ့ကြသည်။

• ခွန်အားပေးသောခေါင်းဆောင်များကို နားထောင်ပါ။ “ငါ၊ နီဖိုင်းသည်၊ ယာကုပ်နှင့်ယောသပ်အား ငါ့လူမျိုးတို့ … ၌ ယဇ်ပရောဟိတ်များနှင့်ဆရာများ ဖြစ်စေခြင်းငှာ ခန့်ထား၏” (၂နီဖိုင်း ၅း၂၆)။

  ထိုဆရာများသည် ကျမ်းစာများကို သူတို့၏လမ်းညွှန်အဖြစ် အသုံးပြုခဲ့ကြသည် (ရှု ၂နီဖိုင်း ၄း၁၅၊ ၆း၄)။

• ဗိမာန်တော် (နှင့်တခြား သန့်ရှင်းမြင့်မြတ်သောနေရာများ) သို့သွားရောက်ပါ။ “ငါ၊ နီဖိုင်း၊ သည် ဗိမာန်တော်တစ်ခု တည်ဆောက်၏” (၂ နီဖိုင်း ၅း၁၆)။

  တပည့်တော်များစုဝေးရန်နှင့် ဝတ်ပြုရန်အစည်းအဝေးခန်းမများနှင့် ဗိမာန်တော်များကဲ့သို့ သန့်ရှင်းမြင့်မြတ်သောနေရာများရှိရန် အရေးကြီးပါသည်။ (နီဖိုင်းတွင် ဗိမာန်တော်တစ်ခု ရှိ ခဲ့ရုံမျှတင်မဟုတ်ဘဲ—သူတို့ အမှန်တကယ် အသုံးပြုခဲ့ကြကြောင်း ကျွန်ုပ်တို့ယူဆနိုင်ပါသည်။) သင်သည် ဗိမာန်တော်အား လူကိုယ်တိုင်မတက်ရောက်နိုင်ပါက၊ မိသားစုသမိုင်းအလုပ်အား အမြဲတစေ လုပ်နိုင်ပါသည်။

• အကျိုးရှိပါစေ။ “ငါသည် ငါ၏လူမျိုးတို့အား အဆောက်အအုံများတည်ဆောက်ခြင်းနှင့် အတတ်ပညာတို့ကို သွန်သင်ပေးခဲ့၏။ … ငါသည် ငါ၏လူတို့ကို လုံ့လဝီရိယရှိစေ၏၊ ထို့အတူ သူတို့၏လက်များဖြင့် အလုပ်လုပ်စေ၏” (၂နီဖိုင်း ၅း၁၅၊၁၇)။

  “ပျော်ပျော်ရွှင်ရွှင်” ၏တစ်စိတ်တစ်ပိုင်းသည် လုပ်စရာတစ်စုံတစ်ခုရှိနေခြင်းဖြစ်ပါသည်။ တာဝန်တစ်ခု၊ အလုပ်တစ်ခု၊ ဝတ္တရားတစ်ခု—သင့်အား အာရုံစိုက်မှုနှင့်ရည်ရွယ်ချက်ရှိစေမည့် တစ်စုံတစ်ရာဖြစ်သည်(အပန်းဖြေရန် သင့်တော်သော အနားယူချိန်ဖြင့် သာအလုပ်လုပ်ရပါမည်)။ သင်သည် အချိန်တိုင်း ပျင်းရိနေပါက ပျော်ရွှင်ရန် ခက်ခဲပါလိမ့်မည်။

သင်သည် လက်ရှိအချိန်တွင် ပျော်ပျော်ရွှင်ရွှင် နေထိုင်လျက်ရှိကြောင်း ပြောနိုင်ပါမလား။ မပြောနိုင်ခဲ့လျှင်၊ နီဖိုင်း၏ ပုံဥပမာသည် သင့်အား တိုးတက်ရန် နည်းလမ်းအချို့ကို ပေးနိုင်ပါသည်။

© 2024 by Intellectual Reserve, Inc. မူပိုင်ခွင့်ရယူပြီး။ USA တွင်ပုံနှိပ်သည်။ အင်္ဂလိပ်စာခွင့်ပြုချက်၊ ၆/၁၉။ ဘာသာပြန် ခွင့်ပြုချက်၊ ၆/၁၉။ Monthly For the Strength of Youth Message, February 2024. ၏ဘာသာပြန် Language. 19276 256