நான் “மகிழ்ச்சியாய்” வாழ்கிறேனா?

எரிக் டி. ஸ்னைடர்

சபை பத்திரிக்கைகள்

நேபி தனது மக்கள் வாழ்ந்ததைப் போலவே வாழ, உங்களுக்கு சில யோசனைகள் இங்கே உள்ளன.

லாமானியர்களிடமிருந்து பிரிந்த சிறிது காலத்திற்குப் பிறகு, நேபி தனது மக்கள் “மகிழ்ச்சியாய் வாழ்ந்தனர்” என்று கூறினான். (2 நேபி 5:27). அவர்களைக் கொல்ல விரும்பிய மற்றொரு குழு (2 நேபி 5:1–6, 14ஐப் பார்க்கவும்) இருப்பதைக் கருத்தில் கொண்டால், அது ஆச்சரியமாக இருக்கலாம். அத்தகைய சூழ்நிலையில் ஒருவர் எப்படி மகிழ்ச்சியாக இருக்க முடியும்?

முதலாவதாக, “நாங்கள் மகிழ்ச்சியாக வாழ்ந்தோம்” என்பது “ஒவ்வொரு நேபியனும் 24/7 மகிழ்ச்சியாக இருந்தோம்” என்று அர்த்தமல்ல. பொதுவாக மகிழ்ச்சிக்கு வழிவகுக்கும் விதத்தில் அவர்கள் வாழ்ந்தார்கள், மற்றும் காரியங்களைச் செய்தார்கள் என்று அர்த்தம். ஒட்டுமொத்தமாக, அவர்களின் சவால்கள் இருந்தபோதிலும், இது மகிழ்ச்சியான நேரமாயிருந்தது.

ஆகவே “மகிழ்ச்சி” என்பது என்ன? சவால்கள் உள்ள நம் சொந்த வாழ்க்கையில் அதை எப்படி நகலெடுக்க முடியும்? பார்க்கலாம்!

கீழ்ப்படிந்திருங்கள். “நாங்கள் கர்த்தருடைய கட்டளைகளையும் … கைக்கொண்டு ஆசரித்தோம்.” (2 நேபி 5:10).

சுவிசேஷத்தின்படி வாழுதல் படி 1 ஆகும். நீங்கள் பாவத்தில் தற்காலிகமாக மகிழ்ச்சியாக இருக்கலாம், ஆனால் அது நீடிக்காது. வேண்டுமென்றே தேவனுக்குக் கீழ்ப்படியாமல் இருப்பது “மகிழ்ச்சி” அல்ல (ஆல்மா 41:10 ஐப் பார்க்கவும்).
வேதங்களைத் தேடவும். “நேபியாகிய நான், பித்தளைத்தகடுகளின் மேல் பதிக்கப்பட்டிருந்த பதிவேடுகளைக் … கொண்டுவந்தேன்.” (2 நேபி 5:12). “நாங்கள் … அவைகளை ஆராய்ந்து, அவைகள் விரும்பப்படத்தக்கவையாய் இருப்பதைக் கண்டோம்; ஆம், எங்களுக்கு அவைகள் அவ்வளவு பெருமதிப்பு உடையனவாய் இருந்தன.” (1 நேபி 5:21) .

நேபியின் மக்களிடம் வேதம் இருந்தது. அவர்களிடம் அவை இருந்தது மட்டும் இல்லை—அவர்கள் அவற்றை ஆராய்ந்தனர்.
உணர்த்தப்பட்ட தலைவர்கள் சொல்வதைக் கேளுங்கள். அந்தப்படியே, நேபியாகிய நான், யாக்கோபையும், யோசேப்பையும் என் ஜனத்தின் மீது ஆசாரியர்களாயும், ஆசிரியர்களாயும் இருக்கும்படி பிரதிஷ்டை பண்ணினேன். (2 நேபி 5:26).

இந்த ஆசிரியர்கள் வேதத்தையே வழிகாட்டியாகப் பயன்படுத்தினர் (2 நேபி 4:15; 6:4 பார்க்கவும்).
ஆலயத்துக்கும் (மற்றும் பிற பரிசுத்த ஸ்தலங்களுக்கு) செல்லுங்கள். “நேபியாகிய நான், ஒரு ஆலயத்தை எழுப்பினேன்.” (2 நேபி 5:16).

சீடர்கள் கூடி வழிபடுவதற்கு கூடுமிடங்கள் மற்றும் ஆலயங்கள் போன்ற பரிசுத்த ஸ்தலங்கள் இருப்பது முக்கியம். (நேபியர்களுக்கு ஒரு ஆலயம் இருந்தது மட்டும் இல்லை என்று நாம் கருதலாம்—அவர்கள் உண்மையில் அதைப் பயன்படுத்தினர்.) நீங்கள் ஒரு ஆலயத்துக்கு நேரில் செல்ல முடியாவிட்டால், நீங்கள் எப்போதும் குடும்ப வரலாற்றுப் பணிகளைச் செய்யலாம்.
செயல்படுங்கள். நான் என் ஜனங்களுக்குக் கட்டிடங்களைக் கட்டவும், வேலைகளைச் செய்யவும் கற்றுக் கொடுத்தேன். … என் ஜனங்கள் காரியசமர்த்தர்களாயும், தங்கள் கைகளினால் பிரயாசப்படும்படியும் செய்தேன்.” (2 நேபி 5:15, 17).

“மகிழ்ச்சியின்” ஒரு பகுதி ஏதாவது செய்ய வேண்டும் என்பதே! ஒரு பணி, ஒரு வேலை, ஒரு பொறுப்பு—உங்களுக்கு கவனத்தையும் நோக்கத்தையும் கொடுக்கும் (ஓய்வெடுக்க சரியான நேரத்துடன், நிச்சயமாக). நீங்கள் எல்லா நேரத்திலும் சலிப்பாக இருந்தால் மகிழ்ச்சியாக இருப்பது கடினம்.

நீங்கள் தற்போது மகிழ்ச்சியாக வாழ்கிறீர்கள் என்று சொல்வீர்களா? இல்லையெனில், நேபியின் உதாரணம் எவ்வாறு மேம்படுத்துவது என்பது பற்றிய சில யோசனைகளை உங்களுக்கு வழங்கலாம்.

© 2024 by Intellectual Reserve, Inc. All rights reserved. அ.ஐ.நாட்டில் அச்சிடப்பட்டது. ஆங்கில அங்கீகாரம்: 6/19. மொழிபெயர்ப்பு அங்கீகாரம்: 6/19. Monthly For the Strength of Youth Message, February 2024 மொழிபெயர்ப்பு. Language. 19276 418.