“A ke Tshela ‘ka fa Mokgweng wa Boitumelo’?,” Go Nonofo ya Banana, Tlha. 2024.
Molaetsa Go Nonofo ya Banana wa Kgwedi le kgwedi, Tlhakole 2024
A ke Tshela “ka fa Mokgweng wa Boitumelo”?
Fano ke megopolo mengwe e o ka tshelang ka tsela e Nefi a rileng batho ba gagwe ba tshedile.
Setshwantsho ka Alyssa Gonzalez
Moragonyana ga go kgaogana ga Balamane, Nefi o ne a re batho ba gagwe ba “tshedile ka fa mokgweng wa boitumelo” (2 Nefi 5:27). Fa o akanya gore go ne go na le setlhopha sa batho bao ba ba neng ba batla go ba bolaya (bona 2 Nefi 5:1–6, 14), seo se ka gakgamatsa. Ke mang yo a ka itumelang mo diemong tse di ntseng jalo?
Lantlha, tshwaya gore “re tshedile ka fa mokgweng wa boitumelo” ga go reye gore “mongwe le mongwe wa Monefi o ne a itumetse 24/7.” Go raya gore ba tshedile ka tsela nngwe, le go dira dilo dingwe, tse ka kakaretso di isitseng kwa boitumelong. Gotlhe, le ntswa dikgwetlho tsa bone, e ne e le nako ya boitumelo.
Jalo ke eng “mokgwa wa boitumelo”? Re ka o kopisa jang mo matshelong a rona, ao a nang le dikgwetlho? A re lebeng!
-
Obamela. “Re ne ra tlhokomela go tshegetsa … ditaelo tsa Morena” (2 Nefi 5:10).
Go tshela efangele ke Kgato 1. O ka itumela ga nakwana mo sebeng, mme go ka se tseye sebaka. Go sa obamele Modimo ka bomo ga se “mokgwa wa boitumelo” (bona Alema 41:10).
-
Batla dikwalo tse di boitshepo. “Nna, Nefi, ke ne le gone ke tlile ka dipolelo tse di neng di gabilwe mo dipapetlaneng tsa borase” (2 Nefi 5:12). “Ra … di keleka le go bona gore di a eletsega; ee, ebile ele tsa boleng jo bogolo go rona” (1 Nefi 5:21) .
Batho ba ga Nefi ba ne ba na le dikwalo tse di boitshepo. Mme ba ne ba sa nna le tsone fela—ba di keleka le tsone.
-
Reetsa baeteledipele ba ba tlhotlheleditsweng. “Nna, Nefi, ka tshwaela Jakobe le Josefe, gore ba nne baperesiti le baruti … ba batho ba me” (2 Nefi 5:26).
Baruti ba ba ne ba dirisa dikwalo tse di boitshepo jaaka kaedi ya bone (bona 2 Nefi 4:15; 6:4).
-
Ya kwa tempeleng (le mafelo a mangwe a boitshepo). “Nna, Nefi, ke ne ka aga tempele” (2 Nefi 5:16).
Go botlhokwa go nna le mafelo a boitshepo jaaka mafelo a bophuthegelo le ditempele gore barutwana ba phuthege le go obama. (Re ka akanyetsa gore Banefi ba ne fela ba sena tempele—ba ne ba e dirisa.) Fa o ka se etele tempele ka bo wena, ka metlha o ka dira tiro ya ditso tsa lelwapa.
-
Nna matlhagatlhaga. “Ke na ka ruta batho ba me go aga dikago, le go bereka. … [Ke] ne ka dira batho ba me gore ba nne dinatla, le go dira ka diatla tsa bone” (2 Nefi 5:15, 17).
Karolo ya “mokgwa wa boitumelo” ke go nna le sengwe se o ka se dirang! Thomo, tiro, maikarabelo—sengwe se se ka go neelang tsepamo le maikaelelo (le nako e e lekaneng ya go itapolosa, tota). Go thata go itumela fa o jewa ke bodutu nako tsotlhe.
A mme o ka re o tshela ka mokgwa wa boitumelo? Fa go sa nna jalo, gongwe sekai sa ga Nefi se ka go neela mengwe ya megopolo ya ka fa o ka tokafalang ka teng.
© 2024 ka Intellectual Reserve, Inc. All rights reserved. Printed in USA. Tetla ya Sekgoa: 6/19. Tetla ya thanolo: 6/19. Thanolo ya Monthly For the Strength of Youth Message , February 2024. Language. 19276 000