Mete Ase “wɔ Anigyeɛ Kwan so”?

Efiri Eric D. Snider hɔ

Asɔre Nsɛmma nwoma

Nsusuɛ bi nie ma wo sɛ wobɛbɔ bra sɛdeɛ Nifae kaa sɛ ne nkorɔfoɔ tenaa ase no.

Ɔtwee ne ho firii Lamanfoɔ ho akyire berɛ tiawa bi no, Nifae kaa sɛ ne nkorɔfoɔ “tenaa ase wɔ anigyeɛ kwan so” (2 Nephi 5:27). Sɛ yɛsusu sɛ nnipa kuo foforɔ bi wɔ hɔ a na wɔpɛ sɛ wɔkum wɔn a (hwɛ 2 Nephi 5:1–6, 14), ɛno bɛtumi ayɛ nwanwa. Ɛbɛyɛ dɛn na obi anya anigyeɛ wɔ tebea a ɛte saa mu?

Deɛ ɛdi kan koraa no, hyɛ no nso sɛ “yɛtenaa ase wɔ anigyeɛ kwan so” nkyerɛ sɛ “Nephini biara ani gyee 24/7.” Ɛkyerɛ sɛ wɔtenaa ase wɔ ɔkwan a ɛte saa so, na wɔyɛɛ nneɛma ahodoɔ, a mpɛn pii no ɛde anigyeɛ baeɛ. Sɛ yɛka ne nyinaa bom a, ɛmfa ho ne wɔn haw no, na ɛyɛ anigyeɛ berɛ.

Ɛnti deɛn ne “anigyeɛ kwan no”? Yɛbɛyɛ dɛn atumi ayɛ bi wɔ yɛn ankasa asetena a ɛno nso wɔ ɔhaw mu? Momma yɛnhwɛ!

Yɛ setie. “Yɛhwɛɛ sɛ yɛbɛdi Awurade mmaransɛm so” (2 Nephi 5:10).

Asɛmpa a yɛde bɔ bra yɛ Anammɔn 1. Ebia w’ani bɛtumi agye berɛ tiaa bi wɔ bɔne mu, nanso ɛrenkyɛ. Onyankopɔn a yɛhyɛ da yɛ Ne so asoɔden no nyɛ “anigyeɛ kwan” (hwɛ Alma 41:10).
Hwehwɛ twerɛnsɛm no mu. “Na me, Nifae, mefaa twerɛtohɔsɛm no a wɔakrukyire wɔ yaawa mprɛte so no nso baae; (2 Nephi 5:12). “Yɛhwehwɛɛ wɔn mu na yɛhunuu sɛ wɔpɛ wɔn asɛm; aane, ɛsom boɔ mpo ma yɛn” (1 Nephi 5:21).

Na Nifae nkorɔfoɔ no wɔ twerɛsɛm no. Na ɛnyɛ sɛ wɔwɔ no kɛkɛ, mmom—wɔ hwehwɛɛ mu.
Tie akannifoɔ a wɔwɔ nkanyan. “Me, Nephi, mehyiraa Yakob ne Yosef, sɛ wɔbɛyɛ asɔfoɔ ne akyerɛkyerɛfoɔ wɔ me nkorɔfoɔ so” (2 Nephi 5:26).

Saa akyerɛkyerɛfoɔ yi de twerɛnsɛm no dii dwuma sɛ wɔn kwankyerɛfoɔ (hwɛ 2 Nephi 4:15; 6:4).
Kɔ tɛmpol (ne mmeaeɛ kronkron afoforɔ). “Na me, Nifae, mesii tɛmpol” (2 Nephi 5:16).

Ɛho hia sɛ yɛnya mmeaeɛ kronkron te sɛ nhyiamu adan ne asɔredan a asuafoɔ bɛhyiam na wɔasom. (Yɛbɛtumi afa no sɛ na ɛnyɛ sɛ Nifaefoɔ no wɔ tɛmpol kɛkɛ— wɔde yɛɛ adwuma ankasa.) Sɛ wo ankasa wontumi nkɔ tɛmpol a, wobɛtumi ayɛ abusua abakɔsɛm adwuma berɛ biara.
So aba pa. Mekyerɛɛ me nkorɔfoɔ sɛnea wɔsisi adan, na wɔyɛ adwuma. [Me] maa me nkorɔfoɔ yɛɛ adwumaden, na wɔde wɔn nsa yɛɛ adwuma” (2 Nephi 5:15, 17).

“Anigyeɛ kwan” no fa bi ne sɛ wowɔ biribi yɛ! Dwumadie, adwuma, asɛdeɛ—biribi a ɛma wode w’adwene ne tirimpɔ si biribi so (a wonya berɛ a ɛfata de gye w’ahome, nokorɛm mu). Sɛ berɛ biara wonni hwee yɛ a, ɛyɛ den sɛ w’ani begye.

Ɛnti wobɛka sɛ seesei wote anigyeɛ kwan no so? Sɛ ɛnte saa a, ɛbia Nephi nhwɛsoɔ no bɛtumi ama wo adwene bi wɔ sɛdeɛ wobɛtu mpɔn ho.

© 2024 by Intellectual Reserve, Inc. Wɔsi ho kwan ahodoɔ nyinaa. Wɔtintimm wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyeraseɛ ma Bosome bosome De ma Mmabunu Ahoɔden Nkrasɛm, Ɔgyefuo 2024. Language. 19276 000