Gube Par “ko tin nibay ma’amngin e falfalaen’ riy”?

Fal’agin ii Eric D. Snider

Fapi Magazine ko Galasia

Ba’aray boch rogon ningan par ni woed rogon ni yoeg Nephi ni rin’ pigirdi’en.

Napan nira chuwgad ko fapi Lamanites, me ga’ar Nephi ngak pigirdi’en “Pired ko rogon ma’amngin e falfalaen’” (2 Nephi 5:27). Demturug nibay boch e gidii’ nibe gay rogon ningan li’rad (muguy u 2 Nephi 5:1–6, 14), dabni ginngay. Mini e rayog ninge falfalaen’ u dakaen e tiney nibe buch ko ngiyal’ ney.

Ma so’omon, e ni ga’ar “magmad par u lan ma’amngin e falfalaen’” ni da’ani yoeg ni “ragubin ea Nephites ea ngar falfalaen’ gad 24/7.” Be yip fan ni ngan par nirabe’ ma fal’ ngak be’, man rin’ e tin mangil ngak e gubin, mea rayog nigadra pat ko falfalaen’. Ma amorgon ni, demturug e gafgow rorad, ma yibma par ni yadba falfalaen’ ko ngiyal’ nem.

Ere “mang e ma’amngin e falfalaen’”? Urogon ningan uneg nga lane yofas rodad, niku arogon nibay ea gafgow riy? Sap gad!

Ngan fol. “Ere gguyed rogon ni nggu fol gaed … ko fapi motochiyel rokʼ Somoel” (2 Nephi 5:10).

Bin numba 1 e kanawo’ ko par u lane gospel. Rayog ni kagbe falfalaen’ napan nigbe denen, machane dabiyog ningam par nigab falfalaen’ ni manemus. Sulu dakaen e denen ngak Got e dabiyog ninge yog “fare ma’amngin ea falfalaen’ ngodad” (see Alma 41:10).
Mugay u lane fapi chep nib thothup. “Me gag, Nephi, e kug fek fapi chep ni kan ker nga dakean fapi plate ni brass” (2 Nephi 5:12). “Ma … kug biʼegew ma gamow pirʼeg ni rib mangil; arragon, mar kub gaʼfan ngomow” (1 Nephi 5:21) .

Bay e chep nib thothup ko gidi’en Nephi. Da’ani mus nibay rorad—ur gayed u fithik.
Matal ko picha’an nib toelang e murwel rorad. “Gag, Nephi, e gu yibliy Jacob nge Yosef, ni ngar mangew priest nge sensey u dakean e nam … ko gidiiʼ rog” (2 Nephi 5:26).

Sensey e rayong ninge use nag e chep nib thothup nge kanowa’iy (muguy u 2 Nephi 4:15; 6:4).
Man nga lane temple (nge kuboch ngiyang nib thothup). “Gag, Nephi, e gu toey ba temple” (2 Nephi 5:16).

Rib tʼuf ninge yog bang nib thothup niwoed e temple nga’un mada’ ngay ngan meybil. (Kad tafiney niged u loeligandad ni fapi Nephites da’ani mus nibay e temple rorad—ya ka’ur ranoed ngay.) Fa’anra dabiyor ningam un nga lane temple, ma rayog ningam ngongliy ea murwel ni kakrom ko tabinaw.
Ngam rrin’. “Gu fil ngak pi giidi’eg ngug toeyed e na’un, man murwel. … [Gag] Nephi, e gguy rogon e gidiiʼ rokʼ ni ngar muruwel gaed nib gel, ma ngar muruwel gaed nga paʼaraed” (2 Nephi 5:15, 17).

Reb ko “fare ma’amngin e falfalaen’” e ngan rin’ boch binen’! Reb e assignment, fa murwel, fa magfow nikan pi’ ngom—binen’ ngra ayuweg nem nge uthum owchem (Ma kubay, ea tofan riy). Dabiyog ningam falfalaen’ nifa’anra gubin ngiyal’ ma be chachalbam.

Rayog ningamog nigabe par ko ma’amngin ea falfalaen’ ko ngiyal’ ney? Fa’anra dangay, masana rayog ninge ayuweg ko nen’ nirin’ Nephi ngam mo’onog.

© 2024 by Intellectual Reserve, Inc. All rights reserved. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Thiliyeg e thin ko Gubin ea Pool ko Fapi Fal’yangran, February 2024. Language. 19276 905