“Bua Dikankamika dia Bansonga: Mukenji wa Mupandishi Kuudi” Bua Dikankamika dia Bansonga, Ngondu Muisatu 2024.
Mukenji wa ku ngondu Bua Dikankamika dia Bansonga Ngondu Muisatu 2024
Bua Dikankamika dia Bansonga: Mukenji wa Mupandishi Kuudi
Buludiki ebu budi bukuambuluisha bua kutuangaja masungula eba kudi Yezu Kilisto ne dilongesha dienda.
Ndi Muimana ku Tshibi ne Nkokola, kudi J. Kirk Richards
Ela meji ne udi musomba mu Ngalela wa kala, bidimu 2000 bipita. Wewa ne balunda beba nuvua babikidibua mu tshisangilu tshia bansonga mu nsunagoga wa muaba awu, nuyukila ne muenyi muakudi wa pabuenda: Yezu wa mu Nazaleta. Ne mu bimua bitupa bia mukenji wenda, Yezu udi ubikila bansonga mu nsangilu bua kumuela nkonku.
Nkoku kayi iwudi wela meji bua kumvua?
Ndi mfuanyikija ne, imua nkonku ivua mua kuleja ngikadilu ne nsombelu ya tshikondu atshi. Kadi ndi ngitabuija mu bulelela ne ya bungi yayi ivua mua kumvuika bikola mifuanangana ne inudi nayi lelu.
Tshilejelu, mu Dipungila Dipia-dipia, bantu bakela Mupandishi nkonku bu eyi:
-
Ngenza tshinyi bua kupeta moyo wa tshiendelela?1
-
Ndi muitabibua anyi? Ndi wa momu anyi?2
-
Pikala muanetu mungenzela bubi, misangu bungi munyi indi mua kumubuikidila?3
-
Ntshinyi tshiapitakana pa buloba ebu mu matuku alualua? Nengikala mukubibua anyi?4
-
Udi mua kondopa munanga wanyi anyi?5
-
Bulelela ntshinyi?6
-
Mushindu kayi undi mua kumanya ne ndi ngenda mu njila mulelela?7
Katuena bonsu tuelangana meji pa tshintu tshia momumua diba ku diba anyi? Bidimu nkama ne nkama bipita, nkonku kayena mishintuluka bia bungi to. Nansha lusa lua Mupandishi kudi badi bayela kaluena lushintuluka to. Mmumanya mushindu udi moyo mua kuikala mupapakana ne tshibuejakaji. Mmumanya mushindu udibi bipepela bua kujimija njila wetu. Mmumanya ne tudi misangu mikuabu tudiabakena bua matuku alualua. Ne udi wakula kudi wewa ne mema, mu mushindu umua uvuaye muambila bayidi bidimu bishala:
Pawudi ne masungula a mushinga a kuenza, Yezu Kilisto ne lumu luimpa luenda lupingajilula bidi disungula dipita buimpa. Pawudi ne nkonku, Yezu Kilisto ne lumu luimpa luenda lupingajilula bidi diandamuna.
Ki bualu kayi ndi munanga Bua Dikankamika dia Bansonga: Buludiki bua Kuenza Masungula. Mukanda ewu udi uleja kudi Yezu Kilisto bua tupeta bukola buenda. Ndi ne dibeji diawu mu mpaya wanyi meba onsu. Pandi mpetangana ne bantu munda mua buloba bujima, bantu badi bajinga bua kumanya bua tshinyi tuetu, bu bidimba bia Ekelezia wa Yezu Kilisto, tudi tuenza bitudi tuenza, ndi ntangalaja buludiki ebu nabu.
Bua Dikankamika dia Bansonga udi ulongesha malelela a tshiendelela pa Mupandishi ne njila wenda. Udi ukubikila bua kuenza masungula mashindemena pa malelela â. Ne udi utangalaja mabenesha malaya adiye ufila kudi aba badi bamulonda. Suaku ubala, unana meji, ne utangalaja buludiki ebu!
Mubikila bua Abuela Munda
Yezu Kilisto udi musua kuikala tshitupa tshia moyo weba—dimueneka dia dituku dionsu ne dishindama mu bikondu bimpa ne bibi. Kena amu muimana kundekelu kua njila, muindila bua upetangana nenda to. Yeya neenda neba mu dikasa dionsu dia njila. Yeya udi Njila!
Kadi kena wenzeja njila wenda ku bukola mu moyo weba to. Wewa udi umubikila munda, kupitshila ku masungula eba. Ki bualu kayi buludiki bua kuenza masungula, bu mudi Bua Dikankamika dia Bansonga, budi bushema. Misangu yonsu iwudi wenza disungula diakana dishindamena pa malelela a tshiendelela a Mupandishi, udi uleja ne udi mumusua mu moyo weba. Masungula aa adi akangula biibi bia diûlu, ne bukola buenda budi bupumuka mu moyo weba.11
Enza Dituangaja Dikola
Udi mua kuvuluka ne Mupandishi uvua mufuanyikija aba badi bumvua ne benza meyi enda kudi muntu wa lungenyi udi “wibaka nzubu wenda pa dibua.” Udi umvuija ne:
“Mvula wakaloka, nkoka ya mayi yakalua, bipepela biakalua, ne biakakuma pa mutu pa nzubu awu; ne kakakuluka nansha, bualu uvua mushimika pa dibua.”12
Nzubu kena wimana mu tshipepela tshikola bualu nzubu udi ne makanda. Kena kabidi wimana bualu dibua didi ne makanda. Nzubu udi wimana mu tshipepela tshikola bualu udi mulamatshisha bikola pa dibua adi dia makanda. Tshidi dikankamika dia dituangaja ku dibua didi ne bualu.
Bia momumua, patudi tuibaka mioyo yetu, bidi ne mushinga bua kuenza masungula mimpa. Ne bidi ne mushinga bua kumvua bulelela bua tshiendelela bua Mupandishi. Kadi bukola butuajinga bua kuimanyina bipepela bikola bia moyo budi bulua patudi tu tuangaja masungula etu ne Yezu Kilisto ne dilongesha dienda. Kitshidi Bua Dikankamika dia Bansonga utulongesha.
Tshilejelu, balunda beba badi mua kumanya ne kuena uteta bua kuenzela muakulu udi unyingalaja ne ubungamija. Badi mua kukumona udifila kudi muana mu tshilongelu udi bantu bonsu balengulula ne bazakeja. Kadi mbamanya ne udi wenza masungula aa bualu Yezu Kilisto wakalongesha ne “bantu bonsu badi bana benu baluma ne bakaji—kuela ne … bantu badi bashilangana neba anyi”?13
Balunda beba badi mua kumanya ne udi uya mu ekelezia Dialumingu dionsu. Badi mua kumanya pawudi ujima musambu kampanda anyi ubenga dibikila bua kutangila tshindindimbi kampanda. Kadi mbamanya ne udi wenza masungula aa bualu udi ne “malanda a tshipungidi tshia disanka ne Tatu wa mu Diûlu ne Yezu Kilisto,” ne bu tshitupa tshia dipangadika dia kulonda Mupandishi, udi ne disakidila “dia kuikala ne Nyuma wa Tshijila bu mulunda wa mpatshi anyi”?14
Bantu badi mua kumanya ne kuena unua anyi ukoka muishi anyi wenzela bintu bia lulengu. Kadi mbamanya ne udi wenza masungula aa bualu Yezu Kilisto wakalongesha ne “mubidi weba udi wa tshijila,” “dipa dia pa buadi dia kudi Tatu weba wa mu Diûlu,” muenza mu tshimfuanyi tshienda anyi?15
Balunda Beba badi mua kumanya ne kuena wiba anyi ushima ne udi wangata kulonga ne mushinga. Kadi mbamanya ne atshi tshidi bualu Yezu Kilisto wakalongesha ne “bulelela nebukuenza mudikadila anyi”?16
Ku bionsu, balunda beba mbamanya ne udi wenza misangu mikuabu masungula adi bakuabu kabayi basua bua kushala mulelela ku mikenji ya Kilisto bualu udi mumanya ne “Yezu Kilisto udi bukola bueba anyi”?17
Udi Bukola Bueba
Ndi nnupesha bushuwa bujadiki buanyi ne Yezu Kilisto udi Njila ku matuku alualua a bukenka ne butumbi—matuku alualua eba. Ne udi kabidi Njila ku tshikondu etshi tshia bukenka ne butumbi. Enda mu njila wenda, ne neenda neba. Udi mua kutshienza!
Balunda banyi bansonga ba mushinga mukola, Yezu Kilisto udi bukola buenu. Tungunukayi kuenda nenda, ne neanuambuluisha bua kubûka “ne mapuapua bu nyunyi ya minkanku”18 batangila ku disanka dia tshiendelela didiye mu nulongoluela.
© 2024 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Mukenji wa ku ngondo Bua Dikankamika dia Bansonga Ngondo Muisatu 2024. Tshiluba. 19356 760