iTukutuku ni Veivula Me iSakisaki ni iTabagone, Epereli 2024

Jeromi

Vakabauti Karisito ni Bera ni Lako Tale Mai

Mai vei Joshua T. Dennis kei Jessica Zoey Strong

Mekasini ni Lotu

Era a vakabauta tu na Nifaiti ni bera ni lako mai na iVakabula, ka sa rawa ni da vakabauta ni bera ni lako tale mai o Koya.

Sikovi ira tiko na Nifaiti o Jisu Karisito

O sa bau vakasamataka mada se na vakacava tu beka me da vakabauta na iVakabula ni bera Nona lako mai ki vuravura? O ira na Nifaiti makawa era a cakava na ka oqori—“me ra namaka na Mesaia, ka vakabauta ni na yaco mai me vaka ga e a sa yaco oti mai” (Jeromi 1:11).

Edaidai, sa tu vei keda na ivolanikalou kei na itukutuku makawa eso ka vakadinadinataka ni a bula o Jisu Karisito, mate, ka tucake tale. Eda vakabauta e dua na iVakabula sa lako oti mai. Ia eda vakabauta talega na iVakabula ena lesu tale mai.

Ni Bera ni Lako Mai o Jisu Karisito, era a Vakabauta na Nifaiti me ra:

masu tiko o Penijamini na Tui kei watina

Vosoti ena nodra ivalavala ca.

“Me bokoci rawa kina na nodra ivalavala ca ia ko ira yadua sa vakabauta ni na lako mai na Karisito, ka ra na reki ena marau levu, ka vaka ga me a sa lako oti mai ko koya ena kedra maliwa” (Mosaia 3:13; vakaikuritaki).

Inosi

Vosoti ira vakai ira.

“Ka sa rogo mai vei au e dua na domo ka kaya: Inosi, sa vosoti na nomu ivalavala ca. … O koya, sa seyavu kina mai yaloqu na noqu kila na noqu cala. Ka’u sa kaya: Turaga, sa caka rawa vakacava? Ka sa kaya vei au ko koya: Ena vuku ni nomu vakabauti Karisito, o koya ko sa sega mada ni bau rogoca se raica. Ka na oti mada e vuqa na yabaki ena qai vakaraitaki Koya mai vakayago; … sa vakabulai iko na nomu vakabauta” (Inosi 1:5–8; vakaikuritaki).

vunau tiko o Jekope

Cakamana.

“Keimami a kila na veika baleti Karisito, ka a tu vei keimami na inuinui ni nona lagilagi ena vica na drau na yabaki ni se bera na nona lako mai. … Ka sa rawa vakaidina kina me keimami vakarota ena yaca i Jisu ka ra talairawarawa vei keimami na vei vunikau, se na ulunivanua, se na ua ni wasawasa” (Jekope 4:4, 6; vakamatatataki).

volavola tiko ena peleti o Moronai

Ciqoma na ivakatakila.

“Era a lewe vuqa e a kaukauwa sara na nodra vakabauta, ni se bera sara mada ga ni lako mai na Karisito, ka sa sega kina ni rawa ni ra tarovi mai na ilati, ia era sa raica vakaidina sara e matadra” (Ica 12:19; vakaikuritaki).

Ni bera ni Lako Tale Mai o Jisu Karisito, Eda Rawa ni Da Vakabauta Meda:

Vosoti, vosoti keda vakai keda, vakayacora na cakamana, ka ciqoma na ivakatakila (me vakataki ira na Nifaiti).

lagasere tiko na cauravou e valenilotu

Vakarautaki keda ki na Nona lako mai.

Ni da saga me da maroroya na noda veiyalayalati, eda sa vakavakarau tiko me da laki bula ena matanitu vakasilesitieli. “Ia raica, na bula oqo sai koya na gauna me vakarautaki koya kina na tamata me sota kei na Kalou; io, raica na veisiga ena bula oqo me vakayacora kina na tamata na nona cakacaka kecega” (Alama 34:32).

itabagone ena mata ni valetabu

Vakarautaka na vuravura me baleta na Nona lako mai.

Eda sa sureti mai vei Peresitedi Russell M. Nelson me da sa tiki ni “cakacaka cecere duadua e vuravura”—na vakasoqoni vata i Isireli. “Na Tamada Vakalomalagi sa maroroi ira tu mai na Nona tamata cecere—au rawa ni kaya, ira na Nona qaqa—ki na iotioti ni cakacaka. O ira sa cecere oqo—na kenadau savasava, ira na qaqa—sai kemuni!”¹

era veimokoti na goneyalewa

Dau nuidei ena veigauna dredre.

Ni sa lako tale mai na iVakabula, era na bula vakacegu na yalododonu. Ena vakatulewa na iVakabula, ka na vakadodonutaki na veika sega ni dodonu. “Raica ena tiko ena kedra maliwa na Turaga, ka na serauni ira na nona lagilagi, io ena nodra tui ka nodra daunilewa” (Vunau kei na Veiyalayalati 45:59).

goneyalewa

Nuitaka na Tucaketale.

Era na tucake tale na kawatamata kecega. Eda na rawata na yago sa uasivi sara, ka tawamate rawa. Eda rawa ni raici ira tale na noda daulomani era sa takali yani. “E rau na cokotivata tale na yago kei na yalo ena kena itutu dina; ia ena semati vata tale na liga kei na yava kei na isema ena kena itutu ga, me vakai keda ga ena gauna oqo” (Alama 11:43).

O ira na Nifaiti ni gauna e liu era a vakabauta na iVakabula ni bera ni lako mai o Koya. E rawa ni da vakabauta ni na lako tale mai na iVakabula.

sa rairai tiko vei ira na Nifaiti o Jisu Karisito

O ira na Nifaiti ni gauna e liu era a vakabauta na iVakabula ni bera ni lako mai o Koya. Eda rawa ni vakabauta ni na lako tale mai na iVakabula—ni “[da] na raici [Koya] ena veio ni lomalagi, [ni] vakaisulu tu ena kaukauwa kei na lagilagi levu” (Vunau kei na Veiyalayalati 45:44; raica talega na Cakacaka 1:11). Ena veisautaka vakacava na veika o na cakava nikua ni o kila ni na lako tale mai o Koya?

© 2024 mai na Intellectual Reserve, Inc. Dodonu taucoko e taqomaki. Tabaki e Amerika. Vakadonui me vaka Valagi: 6/19. Vakadonui me vakadewataki: 6/19. iVakadewa ni Monthly For the Strength of Youth Message, April 2024. Language. 19353 858

Me kilai

1. Russell M. Nelson, “Nuinui nei Isireli” (lotu e vuravura raraba ni itabagone, 3 ni Jiune, 2018), Valenivola Vakosipeli.