“Kuitabuija Kilisto Kumpala kua yeya kulua kabidi,” Bua Dikankamika dia Bansonga, Ngondu Muinayi 2024.
Mukenji wa ku ngondu Bua Dikankamika dia Bansonga, Ngondu Muinayi 2024
Kuitabuija Kilisto Kumpala kua yeya kulua kabidi
Bena Nefi bavua ne ditabuija kumpala kua Mupandishi kulua, ne tudi mua kuikala ne ditabuija kumpala Kua yeya kulua kabidi.
Ukatu muela meji mushindu udi kuitabuija mu Mupandishi mua kuikala kumpala kua yeya kulua pa buloba anyi? Bena Nefi ba kala bavua ne bua kuenza nangananga nunku—“kuindila Masiya, ne kumuitabuija yeya udi ne bua kulua bu ne ukadi mumana kulua ” (Jarom 1:11).
Tshikondu etshi, tudi ne miandiku ya mifundu ne malu a kala yidi ijadika ne Yezu Kilisto uvua pa buloba, wa kafua, ne wa kabika kabidi. Tudi tuitabuija mu Mupandishi ukadi mumana kulua. Kadi tudi kabidi tuitabuija mu Mupandishi udi ulua kabidi.
Kumpala kua Yezu Kilisto kulua, bena nefi bavua ne ditabuija mu:
Bua bafuidibua lusa ku mibi yabu.
“Ewu yonsu witabuija ne Kilisto nealua, ne apeta ,dilekedibua dia mibi yenda, ne asanka ne disanka dinena,mena bienza bu ukadi mumana kulua munkatshi muabu” (Mosiah 3:13; ngenyi mikumbajija).
Kufuilangana lusa.
“Ne kuakalua dîyi kundi, diamba: Enosha, mibi yeba yabuikidibu. … Ki bua tshinyi, dipîla dianyi diakakupudibua. Ne mema kuamba ne: Mukalenga, biafiki bishi? Ne wakangambila: Amu bua ditabuija dieba mu Kilisto, ûtu kuyi muanji kumvua anyi kumona. Ne bidimu bia bungi nebipita kumpala kua yeya kudileja mu musunyi; … ditabuija dieba diakupandishi” (Enosha 1:5–8; ngenyi mikumbajija).
Kuenza bishima.
“Tuvua bamanya bua Kilisto, ne tuvua ne ditekemena dia butumbi buenda nkama ya bidimu kumpala kua dilua dienda. … too ne mu tuakumbana mua kutumina mitshi dîyi mu dîna dia Yezu yitutumikila, anyi mikuna, anyi mavuala a mayi manena” (Yakoba 4:4, 6; ngenyi mikumbajija).
Kupeta dibuluibua.
“Ne kuvua ba bungi bena ditabuija divua dikala dikola menamena, mena kumpala kua Kilisto kuluaye, bavua kabayi mua kupangishibua bua kumona munda mua tshibuikilu to, kadi bulelela bakamona ne mesu abu” (Etele 12:19; ngenyi mikumbajija).
Kumpala kua Kilisto kulua kabidi, tudi mua kuikala ne ditabuija mu:
Kufuidibua lusa, kufuilangana lusa, kuenza bishima, ne kupeta dibuluibua (bu bena nefi).
Tudilongolola bua kulua kuenda.
Patudi tu dienzeja bua kunemeka bipungidi, tudi tudilongolola bua kubuela mu bukalenga bua mu dîulu. “Bualu monayi, moyo ewu tshikondu tshia bantu kudilongolola bua kumonangana ne Nzambi; eyowa, monayi dituku dia moyo edi didi dituku dia bantu kukuata midimu yabu” (Alama 34:32).
Kulongolola ba pa buloba bua Kulua Kuibidi Kuenda.
Bakatu batubikila kudi Mulombodi mukulu Russell M. Nelson bua kutua mpanda ku “mudimu mupita bunena ”—wa disangisha dia isalele. “Tatu wetu wa mu diûlu uvua mulama nyuma yenda minena ya bunyi—yimua misangu, ndi mua kuamba ne, tshisumbu tshienda tshimpa—bua tshitupa tshia ndekelu etshi. Nyuma minena eyi—banayi bimpa aba, batshimunyi aba—badi nenu!”1
Ikala ne ditekemena mu tshikondu tshikola.
Palua Mupandishi kabidi,bantu bakana ne basomba mu ditalala. Mupandishi neakokesha, ne kupanga bulelela ne kuvuijibua bulelela. Bualu Mukalenga neikala mu menji abu, ne butumbi buenda nebuikala pamutu pabu, ne neikala mfumu wabu ne mubapeshi wa mikenji (Dilongesha ne Bipungidi 45:59).
Ditekemena mu dibika dia ku lufu.
Bukua bantu bonsu nebubishibua ku lufu. Netuikala ne mibidi miakana, idi kayiyi yifua. Netumonangana ne banangibua betu bakadi bafua. “Nyuma ne mubidi nebisangishibua kabidi mu tshimfuanyi tshiabu tshijima; bubidi bua bidimba ne manungu nebipingajibua mu mubidi wabi muakana, mpindiewu mena bu mutudi mu tshikondu etshi” (Alama 11:43).
Bena Nefi ba kala bavua ne ditabuija mu Mupandishi kumpala kua yeya kulua. Tudi mua kuikala ne ditabuija ne Mupandishi nealua kabidi—pa tuamumona mu matutu a diûlu, muluatshika bukola ne butumbi bunena (Dilongesha ne Bipungidi 45:44; tangila kabidi Bienzedi 1:11). Mushindu kayi udi dimanya dia kulua kuenda kabidi dishintulula biûdi ne bua kuenza lelu?
© 2024 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, April 2024. Language. 19353 760