Bulanan nga Mensahe sang Para sa Kusog sang mga Lamharon, Hunyo 2024

Ano gid bala ang aton ginapromisa kon ginabunyagan kita?

Baptism [Bunyag], ni Annie Henrie Nader

Ang balaan nga mga kasulatan nagatudlo sa aton nga kon ginabunyagan kita, nagapakigsugot (ukon nagapromisa) kita nga sugot kita nga dalhon sa aton kaugalingon ang ngalan ni Jesucristo, magserbisyo sa Dios, kag tumanon ang Iya mga kasuguan (tan-awa sa Mosias 18:10; Doktrina kag mga Kasugtanan 20:37, 77).

Natun-an man naton sa balaan nga mga kasulatan nga ang bunyag nagabulig sa aton nga matuman ang aton handum nga “magsulod sa panong sang Dios, kag tawagon nga iya katawhan” (Mosias 18:8). Sa iban nga pulong, isa ka rason nga ginabunyagan kita amo nga gusto naton magsulod sa Simbahan ni Jesucristo kag magkalipay sa pagpalangga kag pagka-sakop nga maangkon sa pag-isa kay Cristo.

Ang pangako nga magserbisyo sa Ginuo kag sundon ang Iya mga kasuguan mahimo maglakip sang madamo nga butang sa bilog naton nga kabuhi. Halimbawa, upod diri ang mag-“sugot nga magpas-an sang mga palas-anon sang isa kag isa, … magpangalisud upod sinang mga nagapangalisud; huo, kag magpaumpaw sinang mga nagakinahanglan sang kaumpawan, kag magtindog bilang mga saksi sang Dios sa tanan nga tion kag sa tanan nga butang, kag sa tanan nga lugar” (Mosias 18:8–9).

© 2024 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, June 2024. Hiligaynon. 19299 861