Zaj Lus Hauv phau Ntxiv Dag Zog rau cov Tub Hluas Ntxhais Hluas Txhua Hli, Rau Hli Ntuj 2024

Peb cog lus tias yuav ua dab tsi thaum peb ua kev cai raus dej?

kev cai raus dej

Kev Cai Raus Dej, los ntawm Annie Henrie Nader

Cov vaj lug kub qhia peb tias thaum peb ua kev cai raus dej, peb khi lus (los sis cog lus) tias peb txaus siab ris Yexus Khetos lub npe, ua hauj lwm rau Vajtswv, thiab ua raws li Nws cov lus txib (saib Mauxiyas 18:10; Lus Qhuab Qhia thiab Kev Khi Lus 20:37, 77).

Peb kuj kawm los ntawm cov vaj lug kub hais tias kev cai raus dej pab peb ua raws li peb xav kom “los rau hauv Vajtswv pab yaj, thiab los ua nws cov neeg” (Mauxiyas 18:8). Los yog hais tias, peb ua kev cai raus dej vim peb xav koom Yexus Khetos lub Koom Txoos thiab txais kev zoo siab los ntawm txoj kev hlub thiab kev sib raug zoo uas los ntawm qhov uas peb koom nrog Yexus Khetos.

Peb yuav ua ntau yam hauv peb lub neej thaum peb cog lus tias peb yuav ua hauj lwm rau tus Tswv thiab ua raws li Nws cov lus txib. Piv txwv hais tias, peb “ib leeg txaus siab ris ib leeg tej nra, … txaus siab nyuaj siab nrog cov uas nyuaj siab; muaj tseeb tiag, thiab nplij cov uas xav tau kev nplij siab, thiab ua tim khawv txog Vajtswv txhua lub sij hawm thiab ua tim khawv txog txhua yam, thiab ua tim khawv nyob hauv txhua qhov chaw” (Mauxiyas 18:8–9).

© 2024 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, June 2024. Hmong. 19299 295