“Ania ti eksakto nga ikaritayo no mabuniagantayo?,” Para iti Pigsa dagiti Agtutubo, Hunio 2024.
Binulan a Mensahe iti Para iti Pigsa dagiti Agtutubo , Hunio 2024
Ania ti eksakto nga ikaritayo no mabuniagantayo?
Panagbuniag, ni Annie Henrie Nader
Isuro kadatayo dagiti nasantuan a kasuratan a no mabuniagantayo, makitulagtayo (wenno ikaritayo) a situtuloktayo a mangala kadatayo iti nagan ni Jesucristo, agserbi iti Dios, ken mangtungpal kadagiti bilinna (kitaen iti Mosiah 18:10; Doktrina ken Katulagan 20:37, 77).
Masursurotayo pay kadagiti nasantuan a kasuratan a ti panagbuniag tulongannatayo a mangipatungpal iti tarigagaytayo “nga umay iti salinong ti Dios, ken maawagan a tattaona” (Mosiah 18:8). Iti sabali a pannao, maysa a rason a mabuniagantayo ket gapu ta kayattayo ti kumappeng iti Simbaan ni Jesucristo ken agragsak iti ayat ken pannakaikameng nga agtaud iti pannakikaykaysa ken ni Cristo.
Ti panagkumit nga agserbi iti Apo ken mangtungpal kadagiti bilinna ket mabalin a mangiraman iti adu a banag iti unos ti panagbiagtayo. Kas pagarigan, iramanna ti “siaayat a makipagbaklay iti imet ti tunggal maysa, … makipagladingit kadagiti agladladingit; wen, ken manglinglingay kadagiti makasapul iti pannakalinglingay, ken agtakder a saksi ti Dios iti amin a kanito ken iti amin a banag, ken iti amin a lugar” (Mosiah 18:8–9).
© 2024 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, June 2024. Ilokano. 19299 864