Mahlwem nuhkwewa Mwe Ahkkweye Mwet Fuhsr Pweng, Jun 2024

Meac na pwacye kuht olwelah ke kuht pacptaislac ah?

Pacptais, sel Annie Henrie Nader

Ma suhmuhslah luti kuht lah ke kuht pacptaislac, kuht wuhlweacng (kuh olwelah) in kuh in eis nuh facsr inen Jisus Kraist, kuhlwacnsapuh God, ac karihngihn masap Lal (liye Mosiah 18:10; Doctrine and Covenants 20:37, 77).

Kuht oacyacpac luti ke ma suhmuhslah lah pacptais kahsre kuht in fohnohslah kena lasr “in tuhkuh nuh ke u luhn God, in pahngpahng mwet Lal” (Mosiah 18:8). In fahk pac ohinge, sie srihpac kuht pacptaislac uh pa kuht luhngse wi Alu luhn Jisus Kraist ac engankihn luhngse ac puhla yohk srihpac ma tuhkuh ke ma se fanalac in Kraist.

Olwelah se lasr in kuhlacnsapuh Leum ac in karihngihn masap Lal kuh in som nuh ke ma puhs nuh ke moul lasr. Sie srikasrak an, pa “kena in akacsruhi ke ma toasr luhn kais sie, … ahsor weluhlos suc ahsor; ahok, ahkenganyaclos suc enenuh in ahkenganyeyuck, ac in tu oacna mwet loh luhn God ke pacl nuhkwewa ac ke ma nuhkwewa, ac ke acn nuhkwewa” (Mosiah 18:8–9).

© 2024 sin Intellectual Reserve, Inc. Suwohs nuhkewa fihliyucki. Printiyucki fin acn USA. Ahkkweyeyucklac nuh ke English: 6/19. Ahkkweyeyucklac ke lweng: 6/19. Lungasyucklac luhn Pweng in Mwe Ahkkweye Mwet Fuhsr ke Mahlwem Nuhkewa, Jun 2024.Kosraean.19299 868