“Ntshinyi tshitudi tulaya mu bulelela patudi tutambuishibua?,” Bua Dikankamika dia Bansonga, Ngondu Muisambombu 2024.
Mukenji wa ku Ngondu Bua Dikankamika dia Bansonga Ngondu Muisambombu 2024
Ntshinyi tshitudi tulaya mu bulelela patudi tutambuishibua?
Ditambula, kudi Annie Henrie Nader
Mifundu idi itulongesha ne, patudi tutambuishibua, tudi tuenza tshipungidi (anyi tulaya) bua tuitaba bua kuangata pa mutu wetu dîna dia Yezu Kilisto, kusadila Nzambi, ne kulama mikenji yenda (tangila Mosiya 18:10; Malongesha ne Bipungidi 20:37, 77).
Tudi kabidi tulonga mu mifundu ne, ditambula didi dituambuluisha bua kuenza disua dietu dia kubuela mu tshisumbu tshia mikoko tshia Nzambi, ne bua kubikidibua bantu benda (Mosiya 18:8). Mu miaku mikuabu, kabingila kamua ka patudi tutambuishibua kadi ne; tudi tujinga kubuela mu Ekelezia wa Yezu Kilisto ne kusanka ne dinanga ne buikadianganyi budi bufuma ku disangishibua pamua mu Kilisto.
Dipangadika dia kusadila Mukalenga ne kulama mikenji yenda didi mua kuangata bintu bia bungi mu mioyo yetu. Tshilejilu; didi diangata kuikala “bitaba bua kuambuilangana majitu enu, … kudila ne badi badila; eyowa, ne kusamba badi ne dijinga dia disamba, ne kuikala bajadiki ba Nzambi diba dionsu, mu bintu bionsu, ne mu miaba yonsu” (Mosiya 18:8–9).
© 2024 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, June 2024. Tshiluba. 19299 760