“Ta eo jej kallim̧ur ippān Anij n̄e jej peptaij??,” N̄an Kōkajoorļo̧k Jodikdik Ro, Juun 2024.
Ennaan eo an N̄an Kōkajoorļo̧k Jodikdik Ro Kajjojo Allōn̄, Juun 2024
Ta eo jej kallim̧ur ippān Anij n̄e jej peptaij?
Peptaij, jān Annie Henrie Nader
Jeje ko rekwojarjar rej katakin kōj bwe ilo ad peptaij, jej kōm̧m̧an bujen (ak kallim̧ur) bwe jej bōk iood etan Jisōs Kraist, jerbal n̄an Anij, im kōjparok kien ko An (lale Mosaia 18:10; Katak im Bujen Ko 20:37, 77).
Jej barāinwōt katak ilo jeje ko rekwojarjar bwe peptaij ej jipan̄ kōj kakūrm̧ool ikdeelel ko ad “n̄an erom̧ ro bwijjin Anij, im maron̄ kūr kōj armej ro an” (Mosaia 18:8). Ilo bar juon wāween, juon un ilo ad peptaij ej bwe jej kōņaan bwe jen uwaan Kabun̄ eo an Jisōs Kraist im en̄jake iakwe im oņaake eo ej itok jen ad ippān doon ilo Kraist.
Kijejeto eo n̄an jerbal n̄an Irooj im kōjparok kien ko An emaron̄ boktok elōn̄ kōjeraam̧m̧an ko. N̄an wanjon̄ak, ej iiokļo̧k wōt “ineek eddo ko an ro jet, … jan̄ ippān ro rej jan̄; aaet, im kaenōm̧m̧an ro rej pād ilo aikuj in aenōm̧m̧an, im n̄an jutak āinwōt rikam̧ool ro an Anij ilo aolep iien ko im ilo aolep men otemjeļo̧k, im ilo aolep jikin ko kom̧ maron̄ pād ie” (Mosaia 18:8–9).
© 2024 jān Intellectual Reserve, Inc. All rights reserved. Printed in USA. Kōmālim ilo kajin In̄lij: 6/19. Kōmālim ukook eo: 6/19. Ukook eo an Monthly For the Strength of Youth Message, June 2024 2024. Marshallese. 19299 874