Parau poro’i tā’āva’e Nō te Pūai o te Feiā ’Āpī Tiunu 2024

E aha mau tā tātou e fafau ’ia bāpetizo-ana’e-hia tātou ?

bāpetizora’a

Bāpetizora’a, nā Annie Henrie Nader

Tē ha’api’i nei te mau pāpa’ira’a mo’a ia tātou ē, ’ia bāpetizo-ana’e-hia tātou, e fafau tātou (’aore rā e hōreo) ’ia ineine nō te rave i ni’a iho ia tātou i te i’oa o Iesu Mesia, ’ia tāvini i te Atua, ’e ’ia ha’apa’o i tāna mau fa’auera’a (hi’o Mosia 18:10 ; Te Ha’api’ira’a Tumu ’e te mau Fafaura’a 20:37, 77).

Tē ha’api’i ato’a mai nei te mau pāpa’ira’a mo’a ia tātou ē, e tauturu te bāpetizora’a ia tātou ’ia fa’atupu i tō tātou hina’aro « ’ia ō mai i roto i te nana o te Atua, ’e ’ia parauhia ’ei mau ta’ata nōna » (Mosia 18:8). E nehenehe e parau ē, hō’ē tumu tātou e bāpetizohia ai ’oia ho’i, e hina’aro tātou e tomo i roto i te ’Ēkālesia a Iesu Mesia ’e ’ia ’oa’oa i te here ’e i te tā’amura’a ’o te tae mai nā roto i te tāhō’ēra’a atu i te Mesia.

E nehenehe te fafaura’a ’ia tāvini i te Fatu ’e ’ia ha’apa’o i tāna mau fa’auera’a e fa’aō mai e rave rahi ’ohipa i te roara’a o tō tātou orara’a. ’Ei hi’ora’a, tei roto i te reira « ’ia amo te tahi i tā te tahi mau hōpoi’a…, ’ia ’oto ’a ’oto ai te feiā ’oto ra ; ’oia ïa, ’e ’ia tāmāhanahana ia rātou ’o tē au ’ia tāmāhanahanahia, ’e ’ia ti’a ’ei mau ’ite nō te Atua i te mau taime ato’a, ’e nō te mau mea ato’a, ’e i roto i te mau vāhi ato’a tā ’outou e pārahi ra » (Mosia 18:9

© 2023 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Iritira’a nō te Monthly For the Strength of Youth Message, June 2024. Tahitian. 19299 895