Mulwol ni Fan ko Gelngin e Pi’in ni Fal’yangren ko thin, June 2024

Mang e karid michegned napan nikan tawfe nagdad?

Tawfe, Nike fil’eag Annie Henrie Nader

Fare chep nib thothup e i fil ngodad napan tawfe nagdad, kad ma’aged (fani m’ag nag) ningad feked ngadakaen dad fithngan Yesus Kristus, migad pigpig ngak Got, man tay fan e Motochiyal Rok (muguy u Mosiah 18:10; Doctrine and Covenants 20:37, 77).

Ma kad filed u lan fapi chep nib thothup ni tawfe e ra ayuwegdad ko tinnigad be athapeg “ere chiney, e bachan e gimed baʼadag ni ngam baed ko ulung rokʼ Got, ma noeg ni gimed e gidiiʼ rokʼ” (Mosiah 18:8). Kureb rogon ninganoeg e, reb rogon nikan tawfe e gadba’adiged ningan un’ ko Galasia rok Yesus Kristus ngan thamiy ea adag nge unan’ rodad ngak Kristus u ta’abang.

Ra michmicheged ningan pigpig ngak e an Ga’ man tayfan e pi Motochiyal Rok e ra uneg yo’or binaen’ u lane yafas rodad. Napan nran tawfe nagdaed, ma aram ni kad michegned nra “kirbaenʼmed ngakʼ e piʼin nibe kirbaenʼ… mi gimed falʼeg laniyaenʼ e piʼin nib tʼuf rokʼ ni ngan falʼeg laniyaenʼ, pired ni gimed e pi mich rokʼ Got ni gubin e ngiyalʼ ngo fithikʼ gubin banʼen, nge gubin yang ni gimed bay riy,” (Mosiah 18:9).

© 2024 by Intellectual Reserve, Inc. All rights reserved. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Pilyegthin ko Mulwon ni Fan ko Gelngin e Pi’in ni Fal’yangren ko biney e puul ko, June 2024. Yapese. 19299 905