Mahlwem Nuhkwewa Mwe Ahkkweye Mwet Fuhsr Sramsram, Ohkohs 2024
Kuhpahsr Fokoko se
Olwelah se el yohk liki contract uh; el kuhpahsr se.
Srwackna oasr sihk petsac ke siah folfol sra ma Elder Pistone ac Elder Morasco tuh muhta kac ke elos tuh luti sucu luhk ke lohm sesr fin acn Argentina ah. Nga ac tuhlihk muhtwacn se wiyuhk ah e muhta akuhtuhn nuhke siah lukwac ah in kahlyac min ke elos ac tari som uh kuh mweyent muh kuh se kuht liye kacltahl ah ac kuh in srwemlah pac kacsr.
Tohkoh nga etwaclah lah kuh se inge tiacna tuhkuh liki siah ah tuhsruhk tuhkuh ke olwelah lasr ke kuhpahsr lasr sel God ac Jisus Kraist.
Pacptais luhk
Nga oraclah olwelah se met luhk ke Nohfacmpuh 13,1977. Tiac arulacna yohk esam luhk ke pacptais luhk, tuhsruhktuh nga esam lah Elder Pistone pa kahsrweyuc pacptaisiyuclac ah ac Elder Morasco pa kahsrweyuc ke mwe sang luhn nguhn muhtahl ah suc pacl sac srwackna sroksrok insifuck ke pacptais luhk ah. Ac oacyacpac nga srwackna esam engan se nga puhla ke kawuhk sasuc luhk ke wohrt se Argentina ah elos paing yuc ac kena fokoko luhk in sie muhtwacn suwohs nahtuhl Pahpah Luhng.
Sister Spannaus ke el fuhsr (infulwac) wi ninac ac pahpah tuhmwacl (lacsac), Silvina muhtwacn wiyacl (lacyoht), ac Elder Morasco.
Tohkohyang nga akihlacnack lah engan se nga puhla ah ma tuhkuh ke mwe sang luhn nguhn muhtahl. Nga lotwelah lah ke nga kampare liyacacng olwelah luhk sin God uh, Nguhn muhtahl e wiyuc na. Nguhn muhtahl el sie na sin mwe insewowo kuh ma tuhkuh ke olwelah lasr ke kuhphasr lasr sin God ac Jisus Kraist.
Ingena, finne oruh luhk, nuhnak luhk, ac mukwikwi luhk fototolac, oasr na finsrak luhk in srihke na. Efuh? Ke sripen eisyacn kuhfa luhn Leum el ikacslah nuhsihk in ahksasucye olwelah luhk ac orwaclah olwelah sasuc ke kais sie wik. Nga arulacna kuloh ke mwe insewowo se inge.
Kuhpahsr oreklac ke Olwelah
Kuht muhta wacna lohng lah olwelah uh el ma inmahsrlosr ac God. Ke ma se inge pwacye uh, tiac pa inge nohfohn kalmeac uh. Ma na pwacye uh pa, “Liyacacng olwelah uh el tiac sie orekma upac tuhsruhk el kuhpasr se.”
Pwacnwacng kom e fuhkah orwaclah kuhpahsr in olwelah lom nuhsel Pahpah Luhng ac Jisus Kraist? Elos luhngse kom tari ac kena in ahkinsewowoye kom (liye 3 Nephi 14:11). Tuhsruhk kain in kuhpahsr inge enenuh pacl ac luhngse sin kwewa na sait an.
Yac kom ke in yohk pacl lom seltahl? Ke kom oruh ma elos e oruh uh, kom weluhlos fahsr! Kuh in fihsrwacsr oacna ke kom muhta lohng kawuhk se ke el sramsram ke pacl upac,sokwack pacl in wi tuhlihk se wiyom sritacl, kuh wi sie mwet ma puhla tuhlac. Nga sislah pacl luhk in weluhl God fahsr ke nga sruok puhsrwek ac suhpuh nuhsin kawuhk se luhk suc muhta Argentina ma puhla muhkwena. Nga oacyacpac otwelah in oasr tempuhl rackuhmacn luhk ke pacl nuhkwewa nga in muh kuh in weluhl Leum in lohm muhtahl sel. Kom kuh in pruhe nuhke kuhtuh mwe nuhnak ma e kahsrwe kom in oasr pacl lom sel Pahpah Luhng ac Mwet Lahngo lom.
Yac kom ke ahkkahlwemye nuh selos lah kom nuhkwwaclos? Oruh masap ma kom olwelah in liyacacng in sie inkacnek in ahkkahlwemye luhngse lom, tiac tahk in masap. In mwe srihkasrak, in moulkihn masap luhn kahs luhn lahlmwetmwet, nga lotwelah atacn orek mongo wowo. Ingena nga litu tuhlihk muhtwacn intihk ngwe in oruh oacna. Ke kom liyacacng masap lal God uh, luhngse lom nuhsel ac nuhsin Kraist ac kapwacp yohkwelihk.
Kuhpahsr lasr ke olwelah lasr nuhsel Pahpah Luhng ac Jisus e kahsrwe kuht in etwaclos yohk liki met ah ac eis kuh fokoko lalos nuhke moul lasr—yohk liki na ma siah folfol sra ac usot nuh sum. Ac kuh se ingacn e ikihl kuhtlac ne tok ma pahtpaht!
© 2024 sin Intellectual Reserve, Inc. Suwohs nuhkwewa fihliyucki. Printiyucki fin acn USA. Ahkkweyeyucklac ke English: 6/19. Ahkkweyeyucklac ke lweng: 6/19. Luhngasyucklac luhn Monthly For the Strength of Youth Message, August 2024. Kosraean. 19342 868