Ozi Maka Ume nke Ndị Ntoroọbịa Kwa Ọnwa, Septemba 2024

Ị Na-atụ Egwu Nchegharị?

Jessica Zoey Strong

Magazin niile nke Nzukọ nsọ

Dị ka otu Onyeisi Russell M. Nelson kwuru, nke a bụ ihe mere i kwesịghị.

Gịnị na-atụ gị egwu? Rollercoasters? Klas math? Ịnwa ịghọta Aịzaya?

Kedụkwanụ maka nchegharị? Ọ bụrụ na echiche nke ichegharị na-eme gị izo nokpuru ihe mkpuchi gị niile ma ọ bụ rie oke chokolat, ederede nke a bụ maka gị.

“Biko atụkwala egwu ma ọ bụ gbuo oge ichegharị,” Onyeisi Russell M. Nelson kwuru. Ma jiri nzube dị mma. Nke a bụ ihe ole ma ole nke nchegharị bụ na abụghị, dị ka Onyeisi Nelson kwuru.

ndị ntoroọbịa dị iche iche

Ngosipụta niile sitere n’aka Corey Egbert

Nchegharị bụ: Maka onye niile.

Nchegharị ABỤGHỊ: Naanị maka ndị “ọjọọ”.

“‘Ọ bụ na onye ọbụla kwesịrị ichegharị?’ Ọsịsa ya bụ ee.”

“Nchegharị bụ ihe a chọrọ n’aka onye ọ bụla ruru ogo inye nkọwapụta nke chọrọ ebube dị ebighị ebi. Enweghị ndị a gụpụrụ. … Inwe nchegharị bụ ọtụghe nye ọganiihu.”

onyeikom nta ji kalenda buru oke ibu

Nchegharị bụ: Otu ụzọ iji metazie ụbọchị niile.

Nchegharị ABỤGHỊ: Ihe na-eme mgbe ụfọdụ naanị maka mmehie ndị “buru ibu”.

“Nweta nhụmiihe ike nke nchegharị kwa ụbọchị—nke ị mee ihe ọma ma ọ bụ ịdị mma n’ụzọ ntakịrị karịa n’ụbọchị ọbụla.”

“Mgbe anyị họrọ nchegharị, anyị họọrọ ị gbanwe! Anyị na-ekwe ka Onye Nzọpụta gbanwee anyị, ka anyị bụrụ mmadụ kachasị mma nke onwe anyị. …

“… Onye nweanyị anaghị atụ anya izu okè n’aka anyị n’oge nke a niime njem ebighị ebi anyị. Mana Ọ naghị ele anya na anyị ga-abịa dịrịzie oke ọcha nke ukwuu.”

nwanta nwanyị na nwanta nwoke na-awụli elu nihi ọńụ

Nchegharị bụ: Otu ụzọ eji enwete udo na ọńụ.

Nchegharị ABỤGHỊ: Ihe na-eme ka ị nwee ihere na tụọ egwu.

“Nchegharị … bụ otụghe nke añụrị na udo nke uche. …

Mgbe anyị họọrọ ichegharị, … anyị na-ahọrọ ito niime mmụọ ma nata ọńụ—ọńụ nke mgbapụta niime [Jizọs Kraịst].” (Lee kwa Alma 36:17–23.)

nwantakịrị nwanyị jidere ihe yiri obi

Nchegharị bụ: Ngọzi sitere n’aka Nna nke Eluigwe na Onye Nzọpụta, onye hụrụ anyị nanya.

Nchegharị Abụghị: Ntara m ahụhụ

“Ọtụtụ ndị mmadụ ga-atule nchegharị dị ka ntarama ahụhụ—ihe ekwesịrị ize eze ma ọbụla naanị n’ọnọdụ ndị dị oke mkpa. Mana echiche nke a na nchegharị bụ ntarama ahụhụ bụ nrọpụta nke Setan. Ọ na-achọ igbochi anyị ka anyị ghara ịlekwasị Jizọs Kraịst anya, ọnye guzoro ma gbasaara anyị aka ya, nwee olileanya ma dị na njikere ịgwọ, ịgbaghara, ịsacha, ị gba ume, ma ị mee k’anyị dị nsọ.”

ndị mmdụ na-eje ije ruo na ụlọ ụka

A chọrọ gị: niime Nzukọ nsọ nke Onyenwe anyị.

A CHỌGHỊ gị: Igate ebe dị anya ghara ịchegharị.

“Ọ bụrụ na i chere na ị kpafuwo n’ụzọ nke ọgbụgba ndụ gatee aka ma ọ bụ ogologo oge ma nwekwaghị ụzọ ịlọghachị, nke ahụ abụghị nnọọ eziokwu. Site na Aja mgbaghara mmehie nke Jizọs Kraịst, ọdịniihu gị pụrụ inwupụ enwupụ—ọbụla amamiihe. Gị na ndị nne na nna gị na bishọp gị ma ọ bụ nke onyeisi ngalaba nta kwuo okwu. … Biko, bịaghachi azụ n’ọńụ na nchekwa ụzọ nke ọgbụgba ndụ. Anyị chọrọ gị isoro anyị.”

nwaikom nta sooro Jizọs Kraịst eje ije

Nabata Onyinye Zuru oke nke Chineke

Ya mere, ị dị njikere ịtụkwasị obi na Onye Nzọpụta iji merie ịtụ egwu nke nchegharị? Ị gaghị enwe akwa ụta.

Onyeisi Nelson kwuru sị: “Niihi na ụwa na-achọ nzọpụta, ma niihi na mụ na gị na-achọ nzọpụta, [Nna nke Eluigwe] zitara Onye Nzọpụta.

“… Ka anyị nabata onyinye nke Chineke zuru oke dị oke ọnụ ahịa. Ka anyị tụkwasị ibu anyị na mmehie anyị niile n’ụkwụ nke Onye Nzọpụta ma nwete nhụmiihe nke na-abịa site na nchegharị na mgbanwe.”

© 2024 site n’aka Intellectual Reserve, Inc. Ikike niile ka edokwara. Ebipụtara na USA. Nkwado n’asụsụ Bekee: 6/19. Nkwado ntụgharị asụsụ: 6/19. Ntụgharị asụsụ nke Ozi Maka Ume nke Ndị Ntoroọbịa Kwa Ọnwa, Septemba 2024. Igbo. 19343 593

Hụba ama

1. Russell M. Nelson, “Ike Ime mmụọ ahụ N’abịa abịa,” Apr. 2022 ọgbakọ zuru ọha (Liahona, Me 2022, 98).

2. Russell M. Nelson, “Anyị Pụrụ Ime Karịa ma Dịrị Karịa,” Epr. 2019 ọgbakọ zuru ọha (Ensign ma ọ bụ Liahona, Me 2019, 67).

3. Russell M. Nelson, “Ike Ime mmụọ ahụ N’abịa abịa” (98).

4. Russell M. Nelson, “Anyị Nwere ike Ime Ihe Kacha dị mma ma Dị Mma karịa” (67-68).

5. Russell M. Nelson, “Anyị Nwere ike Ime Ihe Kacha dị mma ma Dị Mma karịa” (67).

6. Russell M. Nelson, “Anyị Nwere ike Ime Ihe Kacha dị mma ma Dị Mma karịa” (67).

7. Russell M. Nelson, niime “Worldwide Day of Testimony: Ihe Niile M Pụrụ Ime site na Kraịst,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.