Etinda ya sanza ya Mpo na Bokasi ya Bilenge, Sanza ya libwa 2024

Bozali na Bobangi ya Boyamboli?

Jessica Zoey Strong

Bazulunale ya Eklezia

Engebene na Mokambi Russell M. Nelson, oyo ezali mpo na nini osengeli kosala yango te.

Ozali kobanga nini? Rollercoasters? Kelasi ya matematiki? Komekaka kososola Yisaya?

Boyamboli ezali nini? Soki likanisi ya boyamboli ezali kopesa yo mposa ya kobombana na nsima ya mposo na yo to kolia shokola mingi, nsango oyo ezali mpo na yo.

“Tosengi yo kobanga to kowumisa boyamboli te,” Mokambi Russell M. Nelson alobaki. Mpe na ntina ya malamu. Oyo ezali mwa makambo oyo boyamboli ezali mpe ezali te, engebene na Mokambi Nelson.

bilenge ndenge na ndenge

Bililingi na Corey Egbert

Boyamboli ezali: Mpo na mutu nyonso.

Boyamboli ezali TE: Kaka mpo na “bato” mabe.

“‘Ezali ntina mutu nyonso ayambola?’ Eyano ezali iyo.

“Boyamboli esengaka mokumba ya mutu nyonso oyo azali na mposa ya nkembo ya seko. Ezali na mutu moko te alongolami. … Boyamboli ezali fungola ya kokende liboso.”

elenge mobali na manaka ya monene

Boyamboli ezali: Lolenge ya kobongwana mikolo nyonso.

Boyamboli ezali TE: Molulu moko ya mbalakaka bobele mpo na masumu “minene”.

“Bosalela nguya elendisaka ya boyamboli ya mokolo na mokolo—ya kosalaka mpe kozalaka mwa malamu mingi mokolo na mokolo.

“Ntango toponi koyambola, toponi kobongwana! Topesi nzela na Mobikisi mpo na kobongola biso na lolenge ya malamu mingi ya bisomei. …

“… Nkolo azali kozela te bobongi mpenza na biso na esika oyo ya bokoli ya seko. Kasi azali kozela na biso kokoma na bopeto ya kobakisa.”

mwana mwasi mpe mwana mobali bazali kosepela

Boyamboli ezali: Lolenge ya koyoka kimia mpe esengo.

Boyamboli ezali TE: Mpo na koyokisa yo soni mpe bobangi.

“Boyamboli … ezali fungola ya esengo mpe kimia ya makanisi. …

“Ntango toponaka koyambola, … toponaka kokola na molimo mpe kozwa esengo—esengo ya bosikoli kati na [Yesu Klisto].” (Tala lisusu Alma 36:17–23.)

mwana mwasi asimbi lokasa ya motema

Boyamboli ezali: Lipamboli uta na Tata na Lola mpe Mobikisi, oyo balingaka biso.

Boyamboli ezali TE: Etumbu.

“Batu mingi mpenza bamonaka boyamboli lokola etumbu—eloko moko ya koboya longola se na makambo ya makasi. Kasi liyoki oyo ya kozwa etumbu ewuti na Satana. Amekaka kokanga biso mpo na kotala Yesu Klisto te, oyo atelemi na maboko ya kofunguama, kolikiaka mpe kolingaka kobikisa, kolimbisa, kosukola, kolendisa, kopetola, mpe kosantisa biso.”

bato bazali kokende na ndako ya likita

Yo: Osengelami na Eklezia ya Nkolo.

Yo ozali Te: Mosika mpo na koyambola.

“Soki ntango mosusu omiyoki okeyi mosika ya nzela ya boyokani to osala yango kala, tika nandimisa yo ete ezali ya solo te. Na nzela ya Bomikabi ya Yesu Klisto, lobi na yo ekoya ekoki kozala ya bongengi—kutu bongengi makasi. Solola na baboti na yo mpe episikopo to mokambi ya etape. … Tosengi, zongela esengo mpe bobateli ya nzela ya boyokani. Tozali na mposa na yo elongo na biso.”

elenge mobali azali kotambola na Yesu Klisto

Ndima Likabo Ebonga nie ya Nzambe

Na yango, omilengeli mpo na kolikya Mobikisi kolonga bobangi na yo ya boyamboli? Okoyokisama mpasi te.

Mokambi Nelson alobi: “Mpo ete mokili ezalaki na mposa ya lobiko, mpe mpo na yo na ngai tozali na mposa ya lobiko, [Tata na Lola] atindelaki biso Mobikisi.

“… Tika tondima likabo ebonga nie mpe ntina koleka ya Nzambe. Tika tobwaka mikumba mpe masumu na biso na makolo ya Mobikisi mpe tozwa esengo oyo ewutaka na boyamboli mpe mbongwana.”

© 2024 na Intellectual Reserve, Inc. All rights reserved. Ebetami na USA. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly For the Strength of Youth Message, September 2024. Lingala. 19343 639

Matangi

1. Russell M. Nelson, “Nguya ya Bolingi ya Kotambola na Molimo,” likita linene ya Sanza ya minei 2022 (Liahona, Sanza ya mitano 2022, 98).

2. Russell M. Nelson, “Tokoki Kosala Malamu mingi mpe Kozala Malamu mingi,” likita linene ya Sanza ya minei 2019 (Ensign to Liahona, Sanza ya mitano 2019, 67).

3. Russell M. Nelson, “Nguya ya Bolingi ya Kotambola na Molimo” (98).

4. Russell M. Nelson, “Tokoki Kosala Malamu mingi mpe Kozala Malamu mingi” (67–68).

5. Russell M. Nelson, “Tokoki Kosala Malamu mingi mpe Kozala Malamu mingi” (67).

6. Russell M. Nelson, “Tokoki Kosala Malamu mingi mpe Kozala Malamu mingi” (67).

7. Russell M. Nelson, in “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Sanza ya Zomi na mibale. 24, 2021, instagram.com/russellmnelson.