လစဉ် လူငယ်တို့အတွက်ခွန်အား အမှာစကား၊ စက်တင်ဘာ ၂၀၂၄

နောင်တရဖို့ ကြောက်ရွံ့ပါသလား။

ဂျက်ဆီကာ ဇိုဝီ စတောင်း

အသင်းတော်မဂ္ဂဇင်းများ

ဥက္ကဋ္ဌ ရပ်ဆဲလ် အမ်၊ နယ်လဆင်ရဲ့ ပြောကြားချက်အရ၊ သင်ဘာကြောင့် မကြောက်ရွံ့သင့်သလဲဆိုတာ ဒီမှာကြည့်ပါ။

သင် ဘာကိုကြောက်ရွံ့နေသလဲ။ ရိုလာကိုစတာတွေလား။ သင်္ချာအတန်းလား။ ယေရှာယအနာဂတ္တိကျမ်းကို နားလည်ဖို့ ကြိုးစားရတာကိုလား။

နောင်တရခြင်း ကိုလား။ တကယ်လို့ နောင်တရဖို့ဆိုတဲ့ စိတ်ကူးက သင့်ကို စောင်အောက်မှာ ပုန်းနေချင်အောင် ဒါမှမဟုတ် ချောကလက်တွေအများကြီးစားရအောင်လုပ်နေပြီဆိုရင်၊ ဒီ‌ဆောင်းပါးက သင့်အတွက်ပါပဲ။

“နောင်တရဖို့ ကြောက်ရွံ့ခြင်း ဒါမှမဟုတ် တွန့်ဆုတ်ခြင်း မဖြစ်ပါနဲ့၊” လို့ ဥက္ကဋ္ဌ ရပ်ဆဲလ် အမ်၊နယ်လဆင်က ပြောခဲ့ပါတယ်။ ပြီးတော့ ကောင်းမွန်တဲ့အကြောင်းပြချက်ရှိပါ။ ဥက္ကဋ္ဌ ရပ်ဆဲလ် အမ်၊ နယ်လဆင်ရဲ့ ပြောကြားချက်အရ၊ ၊ ဒီအရာအချို့က နောင်တရခြင်း ဖြစ်ပြီး နဲ့ ဒီအရာအချို့က နောင်တရခြင်း မဟုတ်ပါဘူး။

နောင်တရခြင်းဆိုတာ၊ လူတိုင်းအတွက်ဖြစ်ပါတယ်။

နောင်တရခြင်းဆိုတာ၊ “မကောင်းတဲ့”သူတွေအတွက်ပဲ မဟုတ်ပါဘူး။

“‘ လူတိုင်း ကနောင်တရဖို့လိုအပ်ပါသလား။’ အဖြေကတော့ ဟုတ်ပါတယ်။”

“ထာဝရဘုန်းအသရေကို လိုလားတဲ့ တာဝန်ရှိသူတိုင်းအတွက် နောင်တရခြင်းလိုအပ်ပါတယ်။ ခြွင်းချက်တွေမရှိပါဘူး။ နောင်တရခြင်းဟာ တိုးတက်ဖို့အတွက် သော့ချက် ဖြစ်ပါတယ်။”

နောင်တရခြင်းဆိုတာ နေ့စဉ်တိုးတက်ဖို့အတွက် နည်းလမ်းတစ်ခုဖြစ်ပါတယ်။

နောင်တရခြင်းဆိုတာ “ကြီးမားတဲ့ “အပြစ်တွေအတွက်ပဲ ရှားပါးဖြစ်စဉ်တစ်ခုမဟုတ်ပါဘူး။

“နေ့ရက်တိုင်းမှာ နည်းနည်းစီပိုကောင်းလာအောင် နေထိုင်လုပ်ကိုင်ပြီး — နေ့စဉ်နောင်တရခြင်းရဲ့ ခိုင်ခံ့တဲ့စွမ်းအားကို ခံစားကြည့်ပါ။

“ကျွန်ုပ်တို့နောင်တရဖို့ ‌ရွေးချယ်တဲ့အခါ၊ ကျွန်ုပ်တို့ ပြောင်းလဲဖို့ ရွေးချယ်တာပဲဖြစ်ပါတယ်။ ကျွန်ုပ်တို့ရဲ့အကောင်းဆုံးပုံစံကိုရဖို့ ကယ်တင်ရှင်ကို ပြောင်းလဲခွင့်ပေးလိုက်တာပဲဖြစ်ပါတယ်။

“ကျွန်ုပ်တို့ရဲ့ ထာဝရတိုးတက်ပြောင်းလဲခြင်းမှာ ကျွန်ုပ်တို့ဆီက ပြီးပြည့်စုံမှုကို ကိုယ်တော်ရှင်က ဒီအချိန်မှာ မမျှော်လင့်ပါဘူး။ ဒါပေမဲ့ သူက ကျွန်ုပ်တို့ ပိုပြီး သန့်ရှင်းစင်ကြယ်လာဖို့ကို အမှန်တကယ် မျှော်လင့်ပါတယ်။”

ပျော်ရွှင်မှုဖြင့် ခုန်ပေါက်နေသော မိန်းကလေးနှင့်ယောင်္ကျားလေး

နောင်တရခြင်းဆိုတာ ငြိမ်းချမ်းမှုနဲ့ပျော်ရွှင်မှုကို ခံစားနိုင်တဲ့နည်းလမ်းတစ်ခုဖြစ်ပါတယ်။

နောင်တရခြင်းဆိုတာ သင့်ကို အရှက်ရအောင်နဲ့ ကြောက်ရွံ့အောင်လုပ်ဖို့ မဟုတ်ပါဘူး။

“နောင်တရခြင်းဆိုတာ ပျော်ရွှင်ဖို့နဲ့စိတ်အေးချမ်းဖို့ သော့ချက်ပဲဖြစ်ပါတယ်။

“ကျွန်ုပ်တို့နောင်တရဖို့ရွေးချယ်တဲ့အခါ၊ ကျွန်ုပ်တို့က ဝိညာဉ်ရေးရာတိုးတက်ဖို့ နဲ့ ပျော်ရွှင်မှုကိုလက်ခံဖို့ရွေးချယ်တာပဲဖြစ်ပါတယ်— [ယေရှုခရစ်တော်]ထံမှာရွေးနုတ်ခြင်းခံရတဲ့ပျော်ရွှင်မှုဖြစ်ပါတယ်။” (လည်းရှု အယ်လမာ ၃၆း၁၇-၂၃။)

နောင်တရခြင်းဆိုတာ ကျွန်ုပ်တို့ကိုချစ်တဲ့ ကောင်းကင်ဘုံရှင်အဖနဲ့ကယ်တင်ရှင်ဆီက ကောင်းချီးတစ်ခုဖြစ်ပါတယ်။

နောင်တရခြင်းဆိုတာ၊ အပြစ်ဒဏ်တစ်ခုမဟုတ်ပါဘူး။

“လူတော်တော်များများက နောင်တရခြင်းကို အပြစ်ဒဏ်တစ်ခုအနေနဲ့ စဉ်းစားကြပါတယ်—အပြင်းထန်ဆုံးအခြေအနေတွေကလွဲရင် ရှောင်ရှားရမယ့်အရာတစ်ခုလို့ထင်ကြပါတယ်။ ဒါပေမယ့် ဒီလိုပြစ်ဒဏ်ပေးခံရမယ်ဆိုတဲ့ ခံစားချက်ကို စေတန်ကဖန်တီးထားတာဖြစ်ပါတယ်။ ကျွန်ုပ်တို့ကို ကုစားဖို့၊ ခွင့်လွှတ်ဖို့၊ သန့်ရှင်းဖို့၊ သန်မာစေဖို့၊ သန့်စင်စေဖို့ နဲ့ တောက်ပြောင်စေဖို့ လိုလားစွာမျှော်လင့်ပြီး နွေးထွေးစွာကြိုဆိုနေတဲ့ ယေရှုခရစ်တော်ကို မျှော်ကြည့်ခြင်းမှ စေတန်က ပိတ်ပင်ဖို့ ကြိုးစားပါတယ်။”

ဝတ်ပြုရာအိမ်သို့ လမ်းလျှောက်သွားနေကြသောလူများ

သင့်ကို၊ ကိုယ်တော်ရှင်ရဲ့ အသင်းတော်မှာ လိုအပ်ပါတယ်။

သင်က၊ နောင်တရဖို့ နောက်ကျသွားတယ်ဆိုတာမရှိပါဘူး။

“အကယ်၍ သင်က ပဋိညာဉ်လမ်းကြောင်းပေါ်ကနေ ခပ်ဝေးဝေး ဒါမှမဟုတ် ခပ်ကြာကြာ လွဲချော်နေတယ်လို့ ခံစားရတယ်ဆိုရင်၊ ဒါက မမှန်ဘူးဆိုတာ သေချာပြောပါရစေ။ ယေရှုခရစ်တော်ရဲ့ အပြစ်ဖြေခြင်းကနေတဆင့်၊ သင့်ရဲ့အနာဂတ်ဟာတောက်ပနိုင်ပါတယ်—ပိုပြီးထူးခြားပြောင်မြောက်နိုင်ပါတယ်။ သင့်ရဲ့မိဘတွေ နဲ့ သင့်ရဲ့ သင်းအုပ် ဒါမှမဟုတ် အသင်းတော် ဥက္ကဋ္ဌနဲ့ စကားပြောကြည့်ပါ။ ကျေးဇူးပြုပြီး၊ပဋိညာဉ်လမ်းကြောင်းရဲ့ ပျော်ရွှင်မှုနဲ့လုံခြုံမှုဆီ ပြန်လာပါ။ သင့်ကို ကျွန်ုပ်တို့နဲ့အတူရှိစေချင်ပါတယ်။”

ယေရှုခရစ်တော်နှင့်အတူလျှောက်လှမ်းနေသောလူငယ်

ဘုရားသခင်ရဲ့ ပြီးပြည့်စုံတဲ့ဆုကျေးဇူးကိုလက်ခံပါ

ဒါဆိုရင်၊ သင့်ရဲ့ နောင်တရခြင်းအကြောက်တရားကိုကျော်လွှားဖို့ ကယ်တင်ရှင်ကို ယုံကြည်ရန် အဆင်သင့်ဖြစ်နေပါပြီလား။ သင်ဒီလိုလုပ်ခြင်းအတွက် ‌နှမြောတဿဖြစ်မှာမဟုတ်ပါဘူး။

ဥက္ကဋ္ဌ နယ်လဆင်က ပြောခဲ့ပါတယ်၊ “လောကကိုကယ်တင်ဖို့လိုအပ်တဲ့အတွက်၊ သင်နဲ့ကျွန်ုပ်ကို ကယ်တင်ဖို့လိုအပ်တဲ့အတွက် [ကောင်းကင်ဘုံရှင်အဘ]က ကယ်တင်ရှင်တစ်ဦးကို စေလွှတ်လိုက်တာဖြစ်ပါတယ်။

“ဘုရားသခင်ရဲ့ ပြီးပြည့်စုံပြီးတန်ဖိုးရှိတဲ့ဆုကျေးဇူးကို လက်ခံလိုက်ပါစို့။ ကျွန်ုပ်တို့ရဲ့ ဝန်ထုပ်ဝန်ပိုးတွေနဲ့အပြစ်တွေကို ကယ်တင်ရှင်ရဲ့ခြေရင်းမှာချထားပြီး နောင်တရခြင်းနဲ့ ပြောင်းလဲခြင်းမှရရှိလာတဲ့ ပျော်ရွှင်မှုကို တွေ့ကြုံခံစားကြပါစို့။”

© 2024 by Intellectual Reserve, Inc. All rights reserved. USA တွင်ပုံနှိပ်သည်။ အင်္ဂလိပ်စာခွင့်ပြုချက်၊ ၆/၁၉။ ဘာသာပြန် ခွင့်ပြုချက်၊ ၆/၁၉။ ဘာသာပြန် Monthly For the Strength of Youth Message, September 2024. Burmese. 19343 256