Klumech er a bek el buil Kirel a Klisichir a Rengeasek Ongetiu el Buil 2024

Medakt er a Ouchelreng?

Jessica Zoey Strong

Babier er a Ikelesia

A President Russell M. Nelson, a kmo tiakid a uchul meng diak el kirem el medakt .

Ngera ke medakt er ngii? Rollercoasters? Class er a math? Melasm el omtab a tekingel Isaiah?

Ea ouchel reng? A lsekum komdasu el kmo ouchelreng a rulau el mo soam el mertau a lechub e ke menga merkos, tial klumech a mo er kau.

“Kulengit melak ko medakt a lechub e momekioud el kirel ouchelreng,” ng millekoi a President Russell M. Nelson. Lokiu a ungil uchul. AIkakid a bebil er a tekoi el ouchelreng a sebechel e dirrek el diak el sebechel, kudmokl ng millekoi a President Nelson.

kakerous el ngeasek el chad

Sunga mla er a Corey Egbert

A ouchelreng a : Mo er a rebek el chad.

A ouchelreng a DIAK di: le bora remeruul a “mekngit” el chad.

“‘A rokui el chad te ousbech er a ouchelreng?’ A nger a choi.”

“A ouchel reng a kirel motirakl er a rebek el sebechir el chad el tir a sorir a diak a ulebengelel klebkall. Ng diak a mochib er ngii. … A ouchel reng a ngiia kiis er a bekesel omerolled.”

ngeasek el chad loba klou el kalender

A ouchelreng a: Rael el mo er a klungiaol er a bek el sils.

A ouchelreng a DIAK di el: Dersta lomeruul el kirel a “meklou” el klengit.

“Bo betik er sel klisichel a ouchel reng er a bek el sils—e mtelkib el merael mo ungil er a bek el sils.

“Sel dolilt el mo ouchel a rengud, e kede melilt el mengodech! Kede kongei er a Osobel el mo ngodechid el mo er sel kmal ungil kid. …

“… A Rubak a diak longerchir er a recherrungel er chelechal taem el dorael bedul a diak a ulebengelel klengar. E ng di Ngii a mengerchir kid el merael mo klikiid.”

redil me a sechal merdekekl el ngara deureng

A ouchelreng a: El bo dolchesuar a budech me a deureng.

A ouchelreng a DIAK: Le ngarngii el rullau el mo merur a lechub eke medakt.

“A ouchelreng a … a kiis el kirel a deureng me a budech er a uldesued. …

“Sel dolilt el mo ouchel a rengud, … e kede merael melilt el mukeroul er a chedaol tekoi e nguu a deureng—el ngii el deureng a ngara [Jesus Kristo].” (Dirrek el mesa Alma 36:17–23.)

redil lurrekodel er a kata er a chaidireng

A ouchelreng a: Klengletengat er a Chedam er a Babeluades me a Osobel, el tir a betik a rengrir er kid.

A ouchelreng a DIAK: el kelebsenged.

“Betok el chad omdaosu el kmo a ouchel reng a omekringel er kid— e teletael el kired el mengeroid er kid er ngii le ng di mo er a ikel oberaod el klengit. Eng di tial domelchesiu el uaia lomekringel er kid a ngara Dibalong el mei. Ngii a melasm el melenget er kid meng diak domes el bedul a Jesus Kristo, el ngii a dechor el berrokel a chimal, loureng e semeriar el mo omekungil, ousubes, omekbeches, melisiich, mengikiid, e mengedaol er kid.”

rechad el merael bedul a ikelesia

Kau: a usbechall er a chelsel a Ikelesia er a Rubak.

Kau a DIAK: Msal cheroid er a ouchelreng.

“A lsekum e komelchesiu el mla touchakl er a rolel a telbiil el kmal mla mo cherois a lechub eng kmal kemengetang, e msall ek sbedau el kmo ng diak el klemerang. Ngokiu a Tngakireng er a Jesus Kristo, ea ngarmedam el taem a sebechel mo dmiich—e mellomes Mongedecheduch er a rechad er a blim me a bisop a lechub a merredel er a branch. … Kulengit, me mluut el mei er sel deureng me a selbechakl el ngara rolel a telbiil. Kede ousbech er kau.”

ngeasek el chad el merael lobengkel a Jesus Kristo.

Mkengei er a Cherrungel Sengk er a Dios

A leuaisei, e ke kldmokl el mo oumera er a Osobel el mo sobecheklau er a dakt el kirel ouchelreng? Ng diak bo mouchel a rengum el kirel.

A President Nelson a kmo: ”Ng beluulechad lousbech el mo suobel, e dirrek el kau me a ngak el kired el mo suobel, a uchul er a [Chedam er a Babeluades] a uldureklii Osobel.

“… Mei e dekengei er a cherrungel e mekreos el sengk er a Dios. Mei e dengai a berraod me a klengit el chemoit er a Osobel me bo dolchesuar a deureng lokiu ouchelreng e de mengodech.”

© 2024 lokiu Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Klumech el kirir a Rengeasek er a Bek el buil, September 2024.Palauan.19343 881

Uleklatk

1. Russell M. Nelson, “The Power of Spiritual Momentum,” Apr. 2022 general conference (Liahona, May 2022, 98).

2. Russell M. Nelson, “We Can Do Better and Be Better,” Apr. 2019 general conference (Ensign or Liahona, May 2019, 67).

3. Russell M. Nelson, “The Power of Spiritual Momentum” (98).

4. Russell M. Nelson, “We Can Do Better and Be Better” (67–68).

5. Russell M. Nelson, “We Can Do Better and Be Better” (67).

6. Russell M. Nelson, “We Can Do Better and Be Better” (67).

7. Russell M. Nelson, er a “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.