Padahk en Sounpwung kan Ohng Kakehlepen me Pwulopwul Kan, Septempe 2024

Masak Koluhla?

Jessica Zoey Strong

Makasihn kan en Mwomwohdiso

President Russell M. Nelson kawehwehda ia kahrehpen amw sohte pahn masak.

Dahme ke masangki? Rollercoaster kan? Sukuhl? Songosong en wehwehkihla Aiseia?

Ah koluhla? Ma madamadau en koluhla kin kahrehda ahmw men ruhkala pahn amw men upwuhpw kan de kangala diren sokelehd, ire wet ong uhk.

“Menlau dehr masak de kapwandehla amw pahn koluhla,“ Presiden Russell M. Nelson mahseniher. Pwe mie kahrehpe mwahu. Met iei soahng kei me koluhlakin wiaohsohte kin wia, sang rehn Presiden Nelson.

Mahlen kan sang Corey Egbert

Koluhla: Ong koruhsie.

Kohluhla KAIDEN: Ohngete aramas “suwed“.

“‘Mie anahnepen aramas koaros en koluhla?‘ Pasapengpe iei ei.“

“Aramas koaros uhdahn anahne koluhla ma re men alehdi mour soutuk. Sohte ehu wiepe. … Koluhla ieipoasenpen atail kekeirda.“

Koluhla iei: Ehu wiepen keirda nan ehu ehu rahn.

Koluhla iei KAIDEN: Mehkot me sohte kin wiewiawi mwahl apw ongete dihp “lap“ akan.

“Alehda manaman en kakehlail kin kohsang ahmw pahn kin koluhla rahn koaros—sang ni wiewia oh mwamwahula nan ehu ehu rahn.

“Ni atail kin pilada en koluhla, kitail wiahda pilipil en wekla! Kitail kin mweidehng Sounkomouro en ketin wekid kitailla pwe kitail en momourki mour me keieu mwahu. …

“… Kauno sohte kin ketin kasik kitail en unsekla ansou wet ni atail wie kekeirda. Ahpw E kin ketin kupwurki kitail en nantihengete momour ni mwakelekel.“

Koluhla iei: Ehu wiepen ahmw kin pepehm meleilei oh popohl.

Koluhla KAIDEN: Mehkot me pahn kahrehda Ken kin patoula oh masepwehk.

“Koluhla … me wia poahsoanpen peren oh meleilei nan atail madamadau kan. …

“Ni ansou me kitail kin pilada koluhla, … kitail pil pilada keirda ni palingen oh alehda popohl—popohl me kohsang Komour en [Sises Krais].” (Pil kilang Alma 36:17-23.)

Koluhla iei: Kapai ehu sang Sahm Nanleng oh Soundoaro, me ketin poakoahng kitail.

Koluhla KAIDEN: Mehn kalokolok ehu.

Pali laud en kitail kin wiahki koluhla mehn kalokolok ehu—mehkot me kitail en soikala ihte nan iren kahpwal laud akan. Ahpw pepehm en kalokolok wet kin kohsang rehn Sehdan. E kin song en pereikitaila sang atail kin kilang lahng Sises Krais, me kin ketin kasamwohkin kitail limeh kan, kin sapwellimaniki koapwoaroapwoar oh inengieng en kamwauwihkitaila, mahkehng kitail, kamwakelih kitail, kakelailih kitail, oh kasarwihkitaila.”

Komwi mie anahnepomw nan Sapwellimen Kauno Mwomwohdiso.

Komwi KAIDEN: Wereisang ehr koluhla.

”Ma ke kehn me ke pwupwusangehr pohn ahl en inouo, mweidohng ie en kasalehda me e sohte mehlel. Sang ni Tomwpen Sises Krais, ahmw mour pahn kak marain—kakehng lingan. Koasoihong ahmw nohno oh pahpa kan oh ahmw pisop de presiden en prahnt. … Menlau, pwuredohng pohn ahl en inou en peren oh insenamwahuo. Se anahnei komwi reht.”

Alehdi Sapwellimen Koht Kisakis Unsek

Eri, ke onopadahr en likih Soundoaro pwe en powehdi ahmw masak koluhla? Kumwail sohte pahn peikasalki.

Presiden Nelson mahsenih: ”Pwehki sampah anahne komourla, oh pwehki komwi oh ngei anahne komourla, [Sahm Nanleng] poaronehdohng kitail Soundoar men.

“… Kitail alehda Sapwellimen Koht lingano oh kisakis unsek. Kitail pwilikihdi atail katoutou kan oh dipatail akan ni alualuwen Soundoaro oh kehn pereno me kin kohsang koluhla oh weliakapwala.“

© 2024 sang Intellectual Reserve, Inc. Kolokol pwuhng koaros. Intingda nan Wehin Amerika. Kamanaman ong ni Lokaiahn Wai: 6/19. Kamanaman ong kawehwe: 6/19. Kawehwepen Padahk kan en nan Ehu Ehu Sounpwong ong Kakehlepen me Pwulopwul kan, Septempe 2024.Pohnpeian.19343 885

Nting kan

1. Russell M. Nelson, “Manaman en Mwekid en PalingehnoEpreil 2022 tiepene lap (Liahona, Mei 2022, 98).

2. Russell M. Nelson, “Kitail Kak Wia Mwahusang oh Mwahula,” Epreil 2019 tiepene lap (Ensignde Liahona, Mei 2019, 67).

3. Russell M. Nelson, “Manaman en Mwekid en Palingehno” (98).

4. Russell M. Nelson, “Kitail Kak Wia Mwahusang oh Mwahula” (67-68).

5. Russell M. Nelson, “Kitail Kak Wia Mwahusang oh Mwahula” (67).

6. Russell M. Nelson, “Kitail Kak Wia Mwahusang oh Mwahula” (67).

7. Russell M. Nelson, nan “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.