Bosome bosome De ma Mmabunu Ahoɔden Nkransɛm, Ɛbɔ 2024

Wosuro Adwenesakyera anaa?

Jessica Zoey Strong

Asɔre Nsɛmma nwoma ahoroɔ

Sɛdeɛ Titenani Russell M. Nelson kyerɛ no, deɛ enti a ɛnsɛ sɛ woyɛ saa nie.

Deɛ na wo suro? Ayamhyehyeɛ? Akontabuo adesua? Worebɔ mmɔden sɛ wobɛte Yesaia ase?

Na adwensakyera ɛ? Sɛ adwensakyeara ho adwennnwene nti wopɛ sɛ wode wo ho sie anaasɛ wodi tɔfe pii a, saa amanebɔ yi kɔ ma wo.

Titenani Russell M. Nelson kaa sɛ, “Mesrɛ nsuro anaa ntwentwɛn wo nan ase wɔ adwensakyera ho.” Na ne papa mu ntira. Yeinom yɛ nneɛma kakra bi a adwensakyera yɛ ne deɛ ɛnyɛ, sɛdeɛ Titenani Nelson kyerɛ no.

Nkyerɛkyerɛmu firi Corey Egbert hɔ

Adwensakyera wɔ hɔ: Ma obiara.

Adwensakyera NNI hɔ: Mma nnipa “abɔnefoɔ” nko ara.

“‘So obiara hia adwensakyera anaa?’ Mmuaeɛ no yɛ aane.”

“Wɔhwehwɛ adwensakra firi onipa biara a ɔbu akontaa a ɔpɛ daapem animuonyam hɔ. Wɔnyi obiara mfiri mu. Adwensakyera yɛ safoa ma nkɔsoɔ.”

Adwensakyera yɛ: Kwan a wobɛfa so atu mpɔn da biara.

Adwensakyera NYƐ: Biribi a ɛntaa nsi a ɛwɔ hɔ ma bɔne “akɛseɛ” nko ara.

“Nya denhyɛ tumi a ɛwɔ da biara adwensakyera mu ho suahunu—sɛ woreyɛ na woayɛ papa kakra da biara.

“Sɛ yɛyi sɛ yɛbɛnya adwensakyera a, yɛyi sɛ yɛbɛsesa! Yɛma Agyenkwa no kwan ma ɔsakyera yɛn ma yɛbɛyɛ yɛn ankasa mu papa pa ara.

“Awurade nhwehwɛ pɛyɛ mfiri yɛn hɔ wɔ saa berɛ yi mu wɔ yɛn daapem nkɔsoɔ mu. Nanso Ɔhwehwɛ sɛ yɛn ho bɛte kɛse.”

Adwensakyera yɛ: Kwan a yɛfa so nya asomdwoeɛ ne anigyeɛ.

Adwensakyera NNI hɔ: Sɛ ɛbɛma w’ani awu na woasuro.

“Adwensakra yɛ anigyeɛ ne asomdwoeɛ safoa.

“Sɛ yɛyi sɛ yɛbɛsakyera a, yɛyi sɛ yɛbɛnyini wɔ honhom mu na yɛanya anigyeɛ—ɔgyeɛ ho anigyeɛ wɔ [Yesu Kristo mu].” (San hwɛ Alma 36:17–23.)

Adwensakyera yɛ: Nhyira a ɛfiri Ɔsoro Agya ne Agyenkwa no, a wɔdɔ yɛn hɔ.

Adwensakyera NYƐ: Asotweɛ.

“Nnipa pii hunu adwensakra sɛ asotweɛ—biribi a ɛsɛ sɛ wɔkwati gye sɛ tebea a ɛyɛ hu pa ara mu. Nanso saa asotweɛ atenka yi Ɔbonsam na ɔde ba. Ɔbɔ mmɔden sɛ ɔbɛsi yɛn kwan sɛ yɛbɛhwɛ Yesu Kristo, a ɔgyina hɔ abue ne nsam, wɔ anidasoɔ na ɔpɛ sɛ ɔbɛsa yɛn yareɛ, de bɔne akyɛ, ahohoro yɛn ho, ahyɛ yɛn den, ate yɛn ho, na wama yɛn ho afi.”

Wo: Ho hia wɔ Awurade Asɔre mu.

WoNKƆƆ: Akyiri pii sɛ wobɛsakyera.

“Sɛ ebia ɛyɛ wo sɛ woayera afiri apam kwan no so akɔ akyiri dodo anaasɛ akyɛre dodo a, ma memma wo awerɛhyem sɛ ɛnyɛ nokorɛ. Ɛnam Yesu Kristo Mpata no so no, wo daakye bɛtumi ahyerɛn—ayɛ hyɛnn mpo. Wo ne w’awofoɔ anaasɛ wo bishop anaasɛ wo brankye prɛsedɛnte nkasa. Mesrɛ, san bra apam kwan no mu anigyeɛ ne banbɔ mu. Yɛhia wo ka yɛn ho.”

Gye Onyankopɔn Akyɛde a Ɛwie Pɛyɛ no tom

Enti, woayɛ krado sɛ wode wo ho bɛto Agyenkwa no so adi w’adwensakyera ho ehu no so? Worennu wo ho.

Titenani Nelson sɛ: “Esiane sɛ na wiase hia nkwagyeɛ, na esiane sɛ me ne wo hia nkwagyeɛ nti, [Ɔsoro Agya] brɛɛ yɛn Agyenkwa.

“Momma yɛnnye Onyankopɔn akyɛdeɛ a ɛwie pɛyɛ na ɛsombo no ntom. Momma yɛmfa yɛn nnesoa ne yɛn bɔne ngu Agyenkwa no nan ase na yɛnnya anigyeɛ a ɛfiri adwensakyera ne nsakraeɛ mu ba no.”

© 2024 by Intellectual Reserve, Inc. Wɔakora hokwan ahodoɔ nyinaa so. Wɔtintimm wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyerɛaseɛ ma Bosome bosome De ma Mmabunu Ahoɔden Nkransɛm, Ɛbɔ 2024. Twi. 19343 503

Atwerɛ.

1. Russell M. Nelson, “The Power of Spiritual Momentum,” Oforisuo 2022 amansan nhyiamu (Liahona, Kɔtɔnimma 2022, 98).

2. Russell M. Nelson, “We Can Do Better and Be Better,” Oforisuo 2019 amansan nhyiamu (Ensign anaasɛ Liahona, Kɔtɔnimma 2019, 67).

3. Russell M. Nelson, “The Power of Spiritual Momentum” (98).

4. Russell M. Nelson, “We Can Do Better and Be Better” (67–68).

5. Russell M. Nelson, “We Can Do Better and Be Better” (67).

6. Russell M. Nelson, “We Can Do Better and Be Better” (67).

7. Russell M. Nelson, wɔ “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Ɔpɛnimma 24, 2021, instagram.com/russellmnelson.