UMyalezo weNyanga Okwenzelwe Ukomeleza uLutsha, EyoMsintsi 2023

Woyika Inguquko?

Jessica Zoey Strong

Iimagazini zeBandla

NgokukaMongameli uRussell M. Nelson, nasi isizathu sokuba ungafanele ube njalo.

Yintoni wena oyoyikayo? Imizila kaloliwe enamagophe? Iklasi yezibalo? Ngaba uzama ukuqonda uIsaya?

Kuthekani ngayo inguquko? Ukuba ingcinga yokuguquka ikwenza ukuba ufune uzifihla phantsi kwezigqubuthelo zakho okanye utye itshokolethi eninzi, eli nqaku lenzelwe wena.

“Nceda ungoyiki okanye ulibazise ukuguquka,” watsho uMongameli Russell M. Nelson. Yaye ngesizathu esivakalayo. Nazi izinto ezimbalwa inguquko eyiyo kwaye nengeyiyo, ngokukaMongameli Nelson.

abantu abatsha abahlukeneyo

Imizobo nguCorey Egbert

Inguquko: Yenzelwe wonke umntu.

Inguquko AYIYO: yabantu “ababi” kuphela.

“‘Ngaba umntu wonke kufuneka aguquke?’ Impendulo ngu ewe.”

“Inguquko iyafuneka kuye wonke umntu onokuziphendulela onqwenela uzuko olungunaphakade. Akukho ukukhetha. … Ukuguquka kusisitshixo kwinkqubela phambili.”

umfana onekhalenda enkulu

Inguquko yi: Ndlela yokuphucula yonke imihla.

Inguquko AYISISO: Isisiganeko esinqabileyo kuphela sezono “ezikhulu”.

“Yiva amandla omelezayo enguquko yemihla ngemihla—okwenza nokuba ngcono kancinci suku ngalunye.

“Xa sikhetha ukuguquka, sikhetha ukutshintsha! Sivumela uMsindisi ukuba asiguqule sibe kolona guqulelo lungcono kuthi. …

“… INkosi ayilindelanga imfezeko kuthi okwangoku ekuqhubeleni kwethu kwanaphakade. Kodwa Yona ilindele ukuba sibe nyulu ngakumbi.”

intombazana nenkwenkwe zixhumaxhuma luvuyo

Inguquko yi: Ndlela yokuva uxolo novuyo.

Inguquko AYIKHO: ukwenza uzive uneentloni noloyiko.

“Inguquko … sisitshixo kulonwabo noxolo lwengqondo. …

“Xa sikhetha ukuguquka, … sikhetha ukukhula ngokomoya kwaye sifumane uvuyo—uvuyo lwenkululeko [kuYesu Krestu].” (Bona kananjalo Alma 36:17–23)

intombazana ebambe imilo yentliziyo

Inguquko yiyo : Intsikelelo evela kuBawo waseZulwini noMsindisi, abasithandayo.

Inguquko AYISISO: Isohlwayo.

“Abantu abaninzi kakhulu bayibona inguquko njengesohlwayo—into efanele iphetshwe ngaphandle kuzo ezona meko zinzima. Kodwa le mvakalelo yokohlwaywa yenziwa nguSathana. Yena uzama ukusithintela ekujongeni kuYesu Krestu, lowo ume ngengalo ezivulekileyo, enethemba kwaye ezimisele ukuphilisa, ukuxolela, ukucoca, ukomeleza, ukuhlambulula, kwaye nokungcwalisa thina.”

abantu besiya kwindlu yentlanganiso

Wena: Uyafuneka kwiBandla leNkosi.

Wena AWUKHO: Kude kakhulu ukuba uguquke.

“Ukuba mhlawumbi uziva ulahlekile kude kwindlela yomnqophiso okanye ixesha elide, mandikuqinisekise ukuba asiyonyani leyo. NgeNtlawulo kaYesu Krestu, ikamva lakho lingaqaqamba—nkqu liqaqambe. Thetha nabazali bakho nobhishophu okanye umongameli wesebe lakho. … Nceda, ubuyele kuvuyo nakukhuseleko lwendlela yomnqophiso. Sifuna wena kunye nathi.”

umfana ehamba noYesu Krestu

Samkele Isipho SikaThixo Esigqibeleleyo

Ke, ingaba ukulungele ukuthemba uMsindisi ukuba aloyise uloyiko lwakho lwenguquko? Awuyi kuzisola.

UMongameli Nelson uthi: “Ngenxa yokuba ihlabathi lalidinga ukusindiswa, kwaye ngenxa yokuba mna nawe sifuna ukusindiswa, [uBawo waseZulwini] usithumelele uMsindisi.

“… Masamkele isipho sikaThixo esigqibeleleyo nesixabisekileyo. Masiyilahle imithwalo yethu nezono zethu ezinyaweni zoMsindisi kwaye sibe namava ovuyo oluza enguqukweni nakutshintsho.”

© 2024 by Intellectual Reserve, Inc. All rights reserved. Ishicilelwe eMelika. Imvume yesiNgesi: 6/19. Imvume yenguqulelo: 6/19. Inguqulelo ye Monthly For the Strength of Youth Message, September 2023. Xhosa. 19343 774

Amanqaku

1. Russell M. Nelson, “Amandla oMfutho woMoya,” Tshazimpunzi 2022 inkomfa yajikelele (Liyahona, UCanzibe 2022, 98).

2. Bona Russell M. Nelson, “We Can Do Better and Be Better,” Tshazimpunzi. 2019 inkomfa yajikelele (Ensign okanye iLiyahona, UCanzibe 2019, 67).

3. Russell M. Nelson, “Amandla oMfutho woMoya,” (98).

4. Russell M. Nelson, “We Can Do Better and Be Better” (67–68).

5. Russell M. Nelson, “We Can Do Better and Be Better” (67).

6. Russell M. Nelson, “We Can Do Better and Be Better” (67).

7. Russell M. Nelson, in “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.