Milwol ni Ngan Thapeg ko biney e Pul ni Fan ko Gelngin e Pi’in ni Fal’yangrenMilwol, September 2024

Rus ko Kalngan’uy?

Jessica Zoey Strong

Fapi Magazine ko Galasia

Ke yoeg ii President Russell M. Nelson, ni ba’aray fan ndabin rus.

Nmang e ngam rus ngay? Rollercoasters? Math class? Gay rogon i nangfan Isaiah?

Me kalngan’uy? Fa’anra e lemnag ko kalanga’uy me pi ngom e tafiney nag me mith u taan e gulgul rom fa ka bo’or e chocolate, me re bugithin ney e rfan ngam.

“Wenig ngom dam patalin e kalngan’uy,” President Russell M. Nelson e be yog. Nibay fan nib mangil. Kalngan’uy ni mornga’agen nge tin ni gathi mornga’agen, nibe yoeg ii President Nelson.

Sassing rok’ Corey Egbert

Kalngan’uy: e gubin fan ngak gubin e girdi’.

Kalngan’uy e GATHI: kemus ni yigo’ Fan ngak e pich’an nyadbe rin’ e “tagan”.

“‘Gathi gubin e girdi’ e bt’uf ningar kalngan’gad?’ Fulweg riy e arrogon.”

“Kalngan’iy e ribt’uf ko pich’an nryad b’adag ningeyog e falfalean’ ngorad. Dariy byang riy nib thil rogon. … Kalngaen’uy e ir fare kiyko mo’onog.”

Kalngan’uy e: E ma m’onog nigey ni gubin e ran.

Kalngan’uy e GATHI: kemus nifan ko dinen “niga’” .

“Mu nang gelngiy nima yib ni yibe kalngan’uy ni gubin e rran—ni yibe gay rogon ni ngan mangil boch’uw nge boch’uw ni gubin e rran.

“Nap’an ni gadaed ra kalngaen’, ma kad mel’eged ni ngan thil gaed! Gadaed ma pag fare Tathapeg ni nge thilyeg daed ngad mangil gaed. …

“… Gathi ri ba adag Somol ni dariy ban’en nib kireb rodaed ko ngiyal’ ney ni gadaed be muruwliy e yafos nib manemus. Ma gathi be leam nag ni ngarin ma’ang’ang gaed ko chingiyal’ ney.”

Kalngan’uy e: kanawo’en byang nrayog ningan thamiy e falfalean’ nge gapas riy.

Kalngan’uy e GATHI: ngan tamira’ fa nrus ngay.

“Kalngan’iy … e key ko falfalean’ nge gapas u leolgendad. …

“Npan ngadra m’eleg ningad kalngan’gad, … migad m’eleg ningad m’onogad me pat e falfalean’ ngodad—fare falfalean’ u lan [Yesus Kristus].” (Muguy u Alma 36:17–23.)

Kalngan’uy e: Tow’ath rok e Chitamangdad nu Tharmiy nge Somoel, nibochane ryow b’adagdad.

Kalngan’uy e GATHI: woed e gaechig.

“Oren e gidii’ e ma leam nag ni kalngan’ e ba gechig—ban’en ningan palog riy ni dabi buch reb e magawon. Machane biney e leam e ke yib rok Mo’oniyan’. Ma gay rogon ni nge taleg dad ni dabin yan ngak Yesus Kristus, nib saki’iy nibe pithig l’agruw raba’ i paa’, nibe athapeg ma ba’adag ninge gol nigey, me n’ag fan e kireb, bi’ech nigey, pi’ gelngiy, ma’anga’ang, me thothup nag dad.”

Rigab: T’uf u lane Galasia rok Somoel.

DAWRUM chuw nikam palag: ko kalngan’uy.

“F’anra kam palag nigem ko fare kanawo’ nike n’uw npan, me rigube yoeg ngom ko chiney nd’ani riyul’. U fathik fare biyul rok Yesus Kristus, re fal’rogon e lang ko gubul nge langlath—fal’rogon loelgaen. Mnon ko gillabthir nge bishop rom fa branch president. … Wenig, msul ko fare kanawo’ ko falfalean’ nge safety ko fare m’ag. Rigab t’uf ngomad.”

Mfek fare Tow’ath Nrib Fel’ rok Got

Ere, kam fileag’ rogom ningam leak Somoel mag kalngan’? Rdabi aw ngan’um.

President Nelson e ii yoeg: “nibochane ni fayleng, gur nge gag e rib t’uf ningan save nag, [Chitamangdad nu Tharmiy] e ke pi’ Somoel.

“… Da feked nga dakean dad e biney e tow’ath rok Got. Dted e tomal u dakeandad nga tagun’ay Somoel migad fek e falfalean nmayib ko kalngan’iy ningeyog ningan thil.”

© 2024 ko Intellectual Reserve, Inc. Gubin nibay mat’won. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Fapi thilyeg e thin ko gubin e Pul ko fare Gelngin e thin ko fapi Fal’yangren, September 2024. Yapese. 19343 000

Babyoren e Ayuw

1. Russell M. Nelson, “The Power of Spiritual Momentum,” Apr. 2022 general conference (Liahona, May 2022, 98).

2. Russell M. Nelson, “We Can Do Better and Be Better,” Apr. 2019 general conference (Ensign or Liahona, May 2019, 67).

3. Russell M. Nelson, “The Power of Spiritual Momentum” (98).

4. Russell M. Nelson, “We Can Do Better and Be Better” (67–68).

5. Russell M. Nelson, “We Can Do Better and Be Better” (67).

6. Russell M. Nelson, “We Can Do Better and Be Better” (67).

7. Russell M. Nelson, in “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.