Mukenji wa ku ngondu Bua Dikankamika dia Bansonga Ngondu wa Dikumi 2024

Mushindu kayi utudi mua kuikala mu bobumua patuikala bonsu bashilangana?

Tudi bonsu bashilangana. Kadi Mukalenga mmusua bua tuikala bamua (Dilongesha ne Bipungidi 38:27). Monayi nshindamenu mikesa ya bobumua ivua bambi ne bapostolo batulongesha:

Tudi bikala mu bobumua mu Yezu Kilisto, mu lumu luimpa luenda, ne mu Ekelezia wenda. “Bidi anu mu ne ku bulamatu buetu ne ku dinanga kudi Yezu Kilisto ki kutudi mua kutekemena bua kuikala bamua.”

Bobumua budi bulomba dinanga. “Nansha bikala ne dishilashilangana dia miakulu ne ngikadilu ya kabukulu milenga, tudi ne bua kuikala ne mioyo pamua mu bobumua ne mu dinanga.”

Bobumua kabuena bumvuija difuanangana to. “Bobumua ne dishilashilangana kabiena bibengangana to. Tudi mua kufika ku bobumua bunena patudi mua kulengeja dibuelakaja ne kanemu bua dishilashilangana.” “Bobumua kabuena bulomba dimanyika to, kadi budi bulomba diakajangana.”

Bobumua budi bulomba dibenga dikokangana ne kuelelangana meji. “Kudi muaba bua muntu yonsu. Nansha nanku, kakuena muaba bua beledianganyi ba meji mabi, dipisha, ne dikokangana dia mushindu onsu to.

© 2024 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, October 2024. Tshiluba. 19344 760

Biakumanya

1. D. Todd Christofferson, Apr. 2023 general conference (Liahona, Ngondu Muitanu 2023, 79).

2. Quentin L. Cook, Apr. 2015 general conference (Ensign or Liahona, Ngondu Muitanu 2015, 65).

3. Quentin L. Cook, Oct. 2020 general conference (Ensign or Liahona, Ngondu wa Dikumi ne Umua 2020, 19).

4. D. Todd Christofferson, Apr. 2023 general conference (79).

5. Russell M. Nelson, “Bafidi ba Ditalala Badi Bajingibua,” Ngondu Muinayi 2023 mpungilu munena (Liahona, Ngondu Muitanu 2023, 101).