मासिक युवाहरूको शक्तिका लागि सन्देश, नोभेम्बर २०२४
ख्रीष्टलाई अनुसरण गर्दै
केही अंशहरू
फिलिपिन्स
ख्रीष्टलाई अनुसरण गर्नु कुनै सामान्य वा संयोगवस गरिने अभ्यास होइन । यो एक निरन्तर प्रतिबद्धता र जीवन शैली हो जसले हामीलाई सदैव अनि सबै स्थानहरूमा मार्गदर्शन गर्नु पर्छ । उहाँका शिक्षाहरू र उहाँको उदाहरणले येशू ख्रीष्टका प्रत्येक शिष्यका लागि मार्ग निर्धारण गर्छ । …
परमेश्वरका आज्ञाहरूले हाम्रो जीवनमा मार्गनिर्देशन र दृढ शक्ति प्रदान गर्छ । …
हाम्रा दैनिक परिस्थितिहरूमा हाम्रा मुक्तिदाताका शिक्षाहरू मध्येको अर्को शिक्षालाई पुनः जोड दिनुपर्ने आवश्यकता देखिन्छ ।
अहिलेको समय भनेको सार्वजनिक सञ्चार र यदाकदा हाम्रो परिवारमा पनि अधिक कठोर र आघातपूर्ण शब्दहरू प्रयोग गरिने समय हो ।
विषाक्त सञ्चारको यो समयमा ख्रीष्टका अनुयायीहरूले के सिकाउनु पर्छ र के गर्नु पर्छ? उहाँका शिक्षाहरू र उदाहरणहरू के थिए? …
… हामीले सबैलाई प्रेम र सबैको भलाइ गर्नु पर्छ । हामी विवादबाट टाढा रहने र शान्ति स्थापना गर्ने व्यक्ति हुनु आवश्यक छ । यसको अर्थ हाम्रा सिद्धान्त र प्राथमिकताहरूमा सम्झौता गर्नु होइन तर तिनीहरूका लागि अरूहरूलाई कठोर रूपमा तिरस्कार गर्न बन्द गर्नु हो । हाम्रा प्रेरणाका आदर्श नमूनाले उहाँको सेवाकालमा त्यही गर्नुभएको थियो । उहाँलाई अनुसरण गर्नका लागि उहाँले हामीलाई आमन्त्रण गर्नुहुँदा हाम्रा लागि उहाँले देखाउनुभएको उदाहरण यही हो । …
ख्रीष्टका अनुयायीहरूका रूपमा, हामी हाम्रा प्रेरणाका आदर्श नमूना, येशू ख्रीष्टका सम्बन्धमा सिकाउँछौँ र गवाही दिन्छौँ । त्यसैले विवाद त्यागेर हामी उहाँको अनुसरण गरौँ । सार्वजनिक कार्यहरूमा हामीले आफूलाई मनपर्ने नीतिहरूको पालना गर्दा, हामी शान्ति स्थापना गर्नेहरूका भाषा र विधिहरू प्रयोग गरेर उहाँका आशीर्वादका लागि योग्य बनौँ । हाम्रा परिवार र अन्य व्यक्तिगत सम्बन्धहरूमा हामी त्यस्ता विषयहरूबाट टाढा रहौँ जुन कठोर र घृणास्पदछन् ।
© 2024 Intellectual Reserve, Inc. All rights reserved । संयुक्त राज्य अमेरिकामा मुद्रित । अङ्ग्रेजी अनुमोदन: ६/१९ । अनुवाद अनुमोदन: ६/१९ । Monthly For the Strength of Youth Message, November 2024को अनुवाद Nepali. 19345 372