Ɔfiɔŋ-ke-ɔfiɔŋ Etop Abaŋade Nsɔŋɔnda eke Iwaad, , Ɔyɔhɔ Ɔfiɔŋ Duopeba 2024

Usɔrɔ-emana Jesus Christ

Otode David A. Edwards

Mme Ŋwed-mbuk Ndise eke Ufɔk Abasi

Ekpep ebaŋa mbiet edinam Ukabare isua ye nte oro aŋwamde mbufo ndiwuk-enyin ke Andinyaŋa.

Edinam-aŋwaŋa otode Caroline Vibbert

Bethlehem

Bethlehem ɔwɔrɔ “ufɔk uyo” ke Hebrew. Ubakini esikot oro obio David, otode ubon emi eketiŋde prophesy ke Messiah edito do (se Jeremiah 23:5; John 7:42). Samuel ekeyet David aran nte edidem ke Bethlehem (se 1 Samuel 16:1–13). Eketiŋ prophesy ete ke Messiah edimana do (se Micah 5:2).

Didie ke edi-nen ke [Jesus Christ], ‘uyo uwem,’ edito ke ufɔk uyo idi.’”

President Russell M. Nelson, “In This Holy Land,” Liahona, Feb. 1991, 13.

Ufɔk-isen owo

Ikɔ Greek nnɔ ufɔk-isen owo ekeme ediwɔrɔ esisit ini ebiet-iduŋ, esinede ufɔk -isen owo. Mary “onim [Ekpri-nsek Christ] usin-udia ufene, koro itie miduhe inɔ mmɔ ke ufɔk-isen owo” (Luke 2:7). (Edikabare eke Joseph Smith okot “mme ufɔk-isen owo.”) “Itie miduhe” ekeme ediwɔrɔ ke ema ebin mmɔ esio mme ke ebiet ikoduhe emi mmɔ ekpekedude enyene ubet-ufɔk ndiman nsekeyen. Nte ededi, mmɔ ema eka ebiet efen emi usin-udia ufene okodude.

Usin-udia ufene

Usin-udia ufene edi ekeme emi edibede mme ntotɔŋɔ-usan emi esisinde udia enɔ mme unam. Ke Judea eke eaet, ekesiwak ndinam emi ke itiat. Mme ufɔk-isen owo ema enyene mme efe ye mme usin-udia ufene, ndien ediwak ufɔkiduŋ ŋko ema enyene usin-udia ufene ke ata ikpɔ ubet-ufɔk man mme mme unam ekeme edina do nsiere eyo.

Ŋwawaŋa Ɔfɔŋ

Mme eka ekesiwaŋ mbufa nditɔ emi emanade (ewaŋde mmɔke blanket mme ɔfɔŋ) ke mme tɔsin isua. Emi eyefure onyuŋ enem mmɔ ke ndighe ediwɔrɔ ndi ke idibi ebede. Ɔfɔŋ emi Mary akakamade ekeme ndidi ama enyene asaŋa-saŋa idiɔŋɔ emi edide isio-isio ɔnɔ ufɔkemana mmɔ.

Mary ye Joseph

Mmɔ ekedi nti ye ndinen owo, ndien mbiba eto ubon David. Angel ama ekese mmɔ owo kiet-kiet ke mbeŋeidem nnɔ emana Andinyaŋa (se Matthew 1:18–25; Luke 1:26–38). Mmɔ ekesaŋa 100—140 km (60--90) miles ekesim Bethlehem. Mary akasaŋa ye idibi kini edika-isaŋ oro.

mme ekpemerɔŋ

Mme Ekpemerɔŋ ekekpeme otu-erɔŋ ekpere Bethlehem. Nte mbon ntaifiɔk ewetde, mme erɔŋ eke edidade inam uwa ke temple kpɔt ke ekeyak man ebɔk ke mkpere obio. Ntem mme ekpemerɔŋ emi ekeme edidi ekesuk ekpeme erɔŋ emi edidade inɔ nwaidem emi Jesus Christ akanamde ɔnɔ nnyin (se Moses 5:6–7). Mmɔ ema ekpɔŋ mme otu-erɔŋ mmɔ man ekese Messiah, emi uwa usio-isop edibiatde ediwa eke mme unam.

Ekpri-nsek Christ

Jesus Christ edi eti akpan ŋkpɔ eke—edinam Usɔrɔ-emana Jesus Christ ye eke uwem nnyin.

“Ami mmenim ke mbufo eyeda ini kini Ukabare isua emi nditie ke ndobo ke esisit ini nyuŋ yak Spirit Andinyaŋa ɔnɔ mbufo inemesit nsɔŋɔnda. … Etie suŋ-suŋ ye ekpri nsekeyen oro ndien ewɔrɔ edi ye ɔsɔŋɔ ke ŋkpɔ Abasi. … Yak ini oro edi eke nduɔkodudu ye edinam-ɔfɔn ye edifiak nnɔ nsɔŋɔnda ye edinam obufa.

“Abasi ɔnɔ mbufo mme edidiɔŋ kini Ukabare isua nte mbufo, ye ami, idide ntiense eke Andinyaŋa Jesus Christ Akpan—utom Esie ke uwm nnyin, ɔnɔ kpukpru ubonowo, ye eke ata ntak emi uwem odude.”

Elder D. Todd Christofferson of the Quorum of the Twelve Apostles, “Be at Peace,” Liahona, Dec. 2015, 37.

© 2024 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Kabaŋa Nsɔŋɔnda eke Iwaad, Ɔyɔhɔ Ɔfiɔŋ Duopeba 2024. Efik. 19346 553

Mkpri ŋwed

1. Joseph Smith Translation, Amos 3:7 (in Amos 3:7footnote a

2. See Andy Mickelson, “An Improbable Inn: Texts and Tradition Surrounding Luke 2:7,” Studia Antiqua vol. 14, no. 1 (May 2015).

3. See Andy Mickelson, “An Improbable Inn.”

4. See Russell M. Nelson, “The Peace and Joy of Knowing the Savior Lives,” Liahona, Dec. 2011, 19–20.

5. See Alfred Edersheim, The Life and Times of Jesus the Messiah, 8th ed. (1907), 1:186.